1 तीमुथियुस 1:9 - Sirmouri

⁹ ऐजो जाँणियों के ऋषी-मूसा खे भेटे गुऐ अज्ञाँ-निय्म के मुँताबिक, धरंमाँत्त्मा लोगो खे ने, परह् गुवाँर, निकारे, नाँसतिक, पापियों, अ-पबित्र, अरह् अ-शुद्ध आदमी, माँ-बाबा के घात कर्णो वाल़े हतियारे,

सिरमौरी नौवाँ नियम

⁹ आमै जाणुए कै मूसा कै कानून धरमी लोगौ कारिए नी पौरौ तिनु कारिए औसौ जू पौरमेशवर कै कानून कै अणदैखा कौरौ औरौ ना आज्ञा का पालन कौरौ। औरौ सैजै औकै लोग बै जू पौरमेशवर कै आराधना ना कौरौ बल्कि लगातार पाप कौरौ। औरौ सैजै बै जू भोक्‍ती ना कौरौ औरौ पौरमेशवर का आदर ना कौरौ औरौ अपवित्र औरौ अशुध्द जीवन जियौं, औरौ माँ-बापू औरौ ओकी कै हथयारै,

1 तीमुथियुस 1:9 ပူးပေါင်းရင်းမြစ်များ

मत्ती 10:21

“ऐक भाऐ, आप्णा ओका भाऐ मराला अरह् पिता, पुत्र घात कर्णो खे देला, अरह् नहाँन्डिया माँ, बाबा के बिरूध दे खड़े हऐयों तिनू मंराऐ देले।

रोमियों 1:30

बदनाँम कर्णो वाल़े, पंणमिश्वर दे शंगाँव्णों वाल़े, अरह् ओकी की बेस्ती कर्णो वाल़े, घुमंन्डी, बोलमाँर, बुरी-बुरी बातो बंणाँणों वाल़े, माँ-बाबा के अज्ञाँ ना माँन्णों वाल़े,

रोमियों 4:13

किन्देंखे के ऐजा बाय्दा करा गुवा, के तू संईसारी का बारिस हंईदा, ना अब्राहम खे अरह् ना तेस्के बंष खे, अरह् ना ऋषी-मूसा खे भेटे गुऐं निय्म के जाँणें; परह् सिर्फ बिश्वाष कर्णो के जाँणें पंणमिश्वर की नंजरी दा बै-कसूर बंण्णों के जाँणें सेजा बाय्दा पुरा हुआ।

रोमियों 5:20

ऋषी-मूसा खे भेटे गुऐं निय्म बीचो दे आऐ गुऐ, जू अपराध बेजाऐ हों, परह् जेथै पाप बेजाऐ हुआ, तेथै कृपा तिन्दें शी भे बेजाऐ हऐ,

रोमियों 6:14

तबे तुँओं गाशी पाप का हंक ने रंह्दी, किन्देंखे के तुँऐं ऋषी-मूसा खे भेटे गुऐ निय्म के बंष दे ने, परह् पंणमिश्वर की कृपा के बंष दे हंन्दे।

गलातियौं 3:19

तअ तबे भलिया मूसा खे भेटे गुऐ अज्ञा-निय्म का मतल्व ही का रूआ? अज्ञाँ टाल़्णों के कारण मूसा खे भेटे गुऐ अज्ञा-निय्म के रित्ती शा जुड़ा गुवा थिया; अरह् जुण्जा बाय्दा करा गुवा थिया, से ऐजा थिया, के तेसी वंष तोड़ी रंह् जुण्जा आँणों वाल़ा असो; से मूसा खे स्वर्गदूत्त के जाँणें देऐ गुऐ थिऐ।

गलातियौं 5:18

ईन्देंखे के जे तुँऐं पबित्र-आत्त्मा के मुँताबिक चालो, तअ मूसा खे भेटे गुऐ अज्ञाँ-निय्म के बष दे ने रूऐ।

गलातियौं 5:21

जल़्ण, नंशैड़ी, लीला रंच्णी, अरह् ऐष्णी कऐयों काँम-काज़, ईन्देंखे के बारे दो हाँव तुँओं खे आगे ही बुली देऊँ, के जेष्णों आगे बुली भे थो; के ऐष्णी-ऐष्णी काँम-काज़ कर्णो वाल़े, पंण्मिश्वर के राजो दे वारिस-हंकदार ने हंदी।

गलातियौं 5:23

नरमाँऐं, अरह् सबैर हों, तअ ऐष्णी-ऐष्णी काँम-काज़ के बिरोध दा किऐ भे निय्म ने आथी।

2 थिस्सलुनीकियों 2:8

तबे सेजा पापी आप्णी बादी शक्त्ति शा पर्गट हंदा, जेथू प्रभू यीशू आप्णें मुँह शी फ़ूको माँरियों माँरी देंदे; अरह् आप्णें आँणों के त्तेज शा भंस्म करी देंदे।

1 तीमुथियुस 4:7

संसारी की गाँद्दी अरह् बिना मंतल्व की मंन-घड़त्त कथा-कहाँणीं शे दुर रूऐ, परह् तुऐं आपु खे पंण्मिश्वर की भगत्ति के निय्म दे डंटै रूऐ।

1 तीमुथियुस 6:20

हे तीमुथियुस, ताँव कैई जू देऐ थो, तिन्दे के देख-भाल़ करह्; अरह् बै-कार की संईसारीक बातो शा बंचियों रंह्, परह् तू झ़ूट्ठै ज्ञाँन के बिश्वाष शा दुरका ही रूऐ,

2 तीमुथियुस 2:16

परह् गाँदे-बुरे बक्बास शा दुरका बंचियों रूऐ; किन्देंखे के ऐशे दाँई लोग बैभगत्ति दे बढ़्दे ज़ाँव,

2 तीमुथियुस 3:2

किन्देंखे के आदमी स्वार्थी, लुभी, चुटी, घमंडी, पंण्मिश्वर के नींदया कर्णो वाल़े, अरह् माँ-बाबा के अज्ञाँ ने माँनणों वाल़ा, नींच कंमाँई खाणों वाल़े अ-शुद्ध-गाँन्दें,

तीतुस 1:10

किन्देंखे के बैजाऐ लोग निकारे, बकबादी, अरह् धोखा देणों वाल़े असो; खास करियों यहूदी लोग खतना वाल़े मुँझ शे हों।

तीतुस 1:16

से ऐशो बुलो, के आँमें पंण्मिश्वर जाँणो ऐ, परह् से आप्णे काँम-काज़ लई तैष्णों पर्गट ने कर्दे; किन्देंखे के से शंगाव्णें अरह् अज्ञाँ ना-माँनणों वाल़े असो, अरह् किऐ भे आच्छ़ै काँम-काज़ कर्णो ज़ुगे भे आथी ने।

तीतुस 1:6

जू बै-कसूर अरह् ऐकी ही घरवाल़ी का घरवाल़ा हों, जिनके नहाँन्ड़िया बिश्वाषी हले, अरह् तिनू मुझी लुचपंण अरह् निकारे काँम-काज़ का दोष-कसूर ने हों।

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

इब्रानियों 11:31

बिश्वाष ही के कारण राहाब नाँव के बैष्या पंण्मिश्वर के अज्ञाँ ना माँनणों वाल़े लोगो आरी नाँष ने हंई; किन्देंखे के तिऐ तिनकी गंईलो के सेजे लोग जुण्जे‍ चुप्पी नंगर का भैद्-पता लंह्दे हुटी रूऐ थिऐ, तिनका तिऐ आदर-संत्तकार करा, अरह् चुरियों थुवे।

इब्रानियों 12:16

तुओं लोगों मुँझ़्शा कुँऐ भे आदमी चुर-जार ने हों, अरह् ना कुँऐ तेसी एसाब जेष्णाँ जुण्जा प्रभू दा भे डरो ने थिया; जेने ऐकी बंई के भोजन की ताँईऐं आप्णाँ जेठै हंणों का हंक जैठोंग बीकी दितो।

1 पतरस 2:7

तअ: तुँओं लोगो खे जू बिश्वाष करह्, सेजा पाथर बैजाऐ किम्त्ति असो, परह् जू विश्वाष ने कर्दे तिनखे, पबित्र-ग्रन्थों दो ऐशो बुलो, के “बाड़िऐ जेसी पाथर निकाँमा बाँणीं थुवा थिया, सेजा ही पाथर कुँणे का कंडवारा बंणा,”

1 पतरस 3:20

जिन्ऐं तेसी बिते बख्ते अज्ञाँ ने माँनी, जबे पंणमिश्वर नूह के बख्ते सबैर थईयों ठहरी गुआ, अरह् सेजो जहाज बंणदो लागो थियों, जिन्दे बऐठियों थुड़े लोग मतल्व आठ प्राणी पाँणी मुँझ्शे बंचाऐ गुऐ।

1 पतरस 4:18

अरह् “जे धर्मी आदमी खे छुट्कारा पाँणी कठीण असो तअ तबे बिना-भगति के अरह् पापी लोगो को का होंदो होलो?”

यहूदा 1:15

के सोभी लोगो का नियाँव करह्, अरह् सोभी नाँस्तिकों खे दुष्टों के बादे कामों के बारे दा जुण्जे तिन्ऐं पाप की बुराई शे कुठूर्ता की बातो पापी बंणिंयों तिनके बारे दी करी थी, तिनू दुषी कसूरबार बंणाँऐं।”

प्रकाशितवाक्य 21:8

परह् डराड़ो, अरह् बै-बिश्वाषियों, नींच़ हत्त्याँरे, अरह् च़ूर-जार, अरह् जादू-टूण्णें कर्णों वाल़े, मुँर्त्ती पूज्णों वाल़े, अरह् हर किस्समं के झूठों बुल्णों वाल़े, का नाँष हंदा, अरह् तिनू भभ्कदीं आग, अरह् गंन्धक की झ़ील, दे पाऐ देईदें, जुण्जी के दुज़ी मंऊँत्त हंदी!”

प्रकाशितवाक्य 22:15

परह् कुत्ते, जादू-टूँणें, अरह् चुरी-जारी कर्णों वाल़े, अरह् हत्त्यारे, अरह् मुँर्त्ती पुज्णों वाल़े, अरह् ऐक नाँम झ़ूट्ठै शे प्यार कर्णों वाल़े बाऐर ही रंह्दें।