1 तीमुथियुस 1:15 - Sirmouri

¹⁵ ऐजी बात साच्ची, अरह् माँन्णों ज़ूगी असो, के मसीया यीशू पापियों का मुँक्त्ति देंदे दुनियाँ दे आऐ, जिनू पापी मुझी हाँव सोभी शा बड़ा असो।

सिरमौरी नौवाँ नियम

¹⁵ ऐजै कहावत साची औसौ, जियौं पूरी तरह शै मानणी औरौ बिशवाश कौरणी चैंई कै यीशु मसीह आमु पापी लोगौ कै बौचाणौ कारिए दुनिया दा ओऊवा, जिनुमुंजी सौबिदा जादा पापी हांव औसौ।

1 तीमुथियुस 1:15 ပူးပေါင်းရင်းမြစ်များ

मत्ती 1:21

तियाँरे बैटा हंदा, अरह् तू तेस्को नाँव यीशू थुऐ, किन्देंखे के से आप्णें लोगो खे तिनके पापो शी छुट्कारा दियादा।”

मत्ती 18:10

“ख्याल थुऐ, के तुँऐं ईनू छुटे मुँझ्षा कोसी भे छुटा छ़ूत्त जाँणियों ने दे:खो; हाव तुँओं खे बुल्णों चहाँऊ, के स्वर्गो दे ईनके स्वर्गदूत्त मेरे स्वर्गो के पिता को मुँह हमेशा दे:खो।”

मत्ती 18:11

(किन्देखे के आदमी का बैटा पाऐं अंदे बंचाँदा ही आऐ रूवा।)

मत्ती 20:28

ठीक तेष्णा के आदमी का बैटा; ईथै ईन्देंखे ने आई, के आप्णीं सेवा कराँव; परह् से ईन्देखे आया, के सेवा करह्, अरह् भहिते लोग छुड़ोणों की ताईऐ आप्णा जीवन पराँण भे बल़ीदाँण करी दियों।”

मत्ती 9:13

ईन्देखे तुऐं ज़ाव अरह् ऐजी अनाँणें का मतल्व अर्थ सम्झी पाव; ‘हाँव बल़ी-कुरबाँणीं ने परह् दया-रंय्म चहाँऊ।’ किन्देखे के हाँव धर्मियों खे ने, परह् पापियों खे बईददा आऐ रूवा।”

मरकुस 2:17

प्रभू यीशू ऐ ऐजो शुणियों तिनखे बुलो, “आछे-भले आदमी खे जड़ी-जड़यारे के जरूरत ने हंदी, परह् दु:खिया खे जड़ी-जड़यारे की जरूरत हों: हाँव धर्मी के खातिर ने, परह् पापी लोगो बंईद्दा आऐ रूवा।”

लूका 15:2

परह् यहूदी भाट-बाँम्ण अरह् यहूदी-निय्म के शिखाँणों वाल़े, आपु मुझी तुड़-खुड़ाऐयों बुलो थिऐ; के “ऐजा आदमी पापियों का सू-स्वागत् करह्, अरह् ईन की गईलो, खाँणा-पीणा करह्।”

लूका 19:10

किन्देंखे के आदमी का बैटा पाऐ अंदें जूँह्दा, अरह् तिनू बंचाँदा आऐ रूवा।”

लूका 5:32

हाँव तिनू लोगो की ताँईऐ ने जुण्जै आप्खे धर्मी जाँणो; परह् तिन की ताईऐं जूण्जे आप्खे पापी जाँणों; तिन्कै पाप शा पंसतावा कराऐयों तिन्का मंन बद्ल़ियों तिनू बईद दा आऐ रूवा।”

यूहन्ना 1:12

परह् जै-तोड़े लोगे ऐं तिनू धारण करे, मतल्व तिन के नाँव दा बिश्वाष करा; तिनू सोभी लोगों खे तिन्ऐ पंण्मिश्वर के अलाद बंण्णों का हंक-अधिकार दिता।

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

यूहन्ना 12:47

हाँव तेसी आदमी दोषी-कसूर बार ने बाँण्दा, जुण्जा कुँऐ मेरी खुषख्बरी शुँणियों तिन्दें का पाल़्ण ने करदा; किन्देंखे के हाँव संईसारी दा दोष-कसूर लाँदा ने आऐ रंई, परह् ईयों संईसारी खे छ़ुट्कारा करदा आऐ रूवा।

यूहन्ना 3:36

जुण्जा कुँऐ बैटे गाशी बिश्वाष करला, अमर-जीवन तेस्का असो; परह् जुण्जा कुँऐं बैटे गाशी बिश्वाष कंरदा भाजी ज़ाँव, तेसी अमर-जीवन ने भेंट्दी; परह् पंण्मिश्वर का रोंष तेसी गाशी बंणाँ अंदा रंह्दा।”

प्रेरितो कै काम 11:1

खास-चैले अरह् यहूदा ईलाके के बिश्वाषी भाऐं-बंईणों कैई ऐजा पता लागा, के गऐर-यहूदियों ऐ भे पंण्मिश्वर का बचन माँनी पाया।

प्रेरितो कै काम 11:18

ऐजी बातो शुँणियों यहूदी बिश्वाषी भाऐ-बंईणों शाँण्त्त हऐ गुऐ, अरह् तिन्ऐं पंण्मिश्वर के आरार्धना करी; के जबे “पंण्मिश्वर ऐ गऐर-यहूदियों खे भे ऐजा बरंदाँन देऐ थुवा, के ऐ भे आप्णाँ मंन बद्ल़ों अरह् ईनू भे नुवाँ जीवन भेटो।”

प्रेरितो कै काम 3:26

पंण्मिश्वर ऐ तुओं लोगों खे आप्णाँ सेंवक यीशू मसीया हजो ऊबा जीयाल़ा, अरह् सोभी शा आगे तुओं लोगों कैई डेयाल़ा; जिन्दें लंई से तुओं मुँझ्शे ऐक नाँम आदमी बुराई शे फेरियों तिनखे आशिर्बाद दियों।”

रोमियों 11:14

जू हाँव केशे ही दाँई, आप्णें कुड़्बे के इस्राएली लोगो दी जल़्ण-डाह् पय्दा कराऐयों, तिनू मुँझ्शा कोसी ऐकी का तअ मुँक्त्ति कराऐ सँकू।

रोमियों 5:6

किन्देंखे के जबे आँमें कंंमजोर हे थिऐ, तबे मसीया ठीक बख्तो गाशी पापी लोगो की ताँईऐं मरे।

1 कुरिन्थियों 15:9

किन्देंखे के तिनू प्रभू यीशू के खास-चैले मुँझ्शा हाँव सोभी शा छुट्टा असो, अरह् प्रभू यीशू के खास-चैला बुल्णों ज़ूगा भे हाँव आथी ने, किन्देंखे के मुँऐं पंणमिश्वर की कलीसिया सताऐ थऐ।

इफिसियों 3:8

मुँखे जू पंण्मिश्वर के लोगो मुँझ्शा सोभी शा छुटा असो, मुँखे ऐजा बरंदाँण भेटी रूआ, के हाँव गऐर यहूदी खे मसीया की अपरंम-पार कृपा के खुषख्बरी शुँणाँऊ;

1 तीमुथियुस 1:13

हाँव तअ आगे पंण्मिश्वर की नीदया कर्णो वाल़ा, सताणों वाला, अरह् अ-नियाँई कर्णो वाल़ा थिया; तबे भे तिन्ऐ मुँह गाशी दया-रंय्म करी, किन्देंखे के अ-बिश्वाष की दशा दा बिना सुच्चै-संमझे हाँव ऐजी काँम करू थिया।

1 तीमुथियुस 1:19

अरह् बिश्वाष अरह् तेसी आछे सभाव-बरताव, थाँम्ड़ा अंदा थुऐ, जेसी दूर कर्णो के जाँणें कैतोड़े लोगो के बिश्वाषो का छ:त्तियाँनाँष हुआ।

1 तीमुथियुस 3:1

ऐजी बात साची असो, के जे कुँऐं आदमी अंधिकारी पंद्-भार लंणों के हिछया कंरह्, ऐजी ऐक आच्छें काँम की हिछ़या असो,

1 तीमुथियुस 4:9

ऐजी बात साच्ची, अरह् हर ढंग शी माँनणों ज़ूगी असो।

1 तीमुथियुस 6:13

हाँव तुँओं खे तेसी पंण्मिश्वर का जू ऐक नाँम पराँणी जीऊँदें थंह्, अरह् यीशू मसीया तुवाँरा गुवाह्-शाज़्त्त अरह् हाजीर जाँणियों जिनिऐ हाकम-पुन्तियुस, पिलातुस के सहाँम्णें आछ़ो कबूल करियों माँनी पाव; अरह् हाँव तुओं खे ऐजी अज्ञाँ देऊँ,

2 तीमुथियुस 2:11

ऐजी बात साच्ची असो, के जे आँमें तिनकी गईलो मँरी रूऐ, तअ तिनू आरी आँमें पाछु ऊँबे जीऊँदे भे हंदे;

तीतुस 3:8

ऐजी बात साच्ची असो, अरह् हाँव ऐशो चहाँऊ के तू ईनू बातों के बारे दो दीड़-हिम्मत करियों बुले, ईन्देंखे के जिन्ऐं पंण्मिश्वर गाशी बिश्वाष करा, के भले-भले काँम-काज़ दा लागे रंहणों का ख्याल थुऐ। ऐजी बातो भली अरह् आदमी के फाय्दे की असो।

इब्रानियों 7:25

ईन्देंखे जुण्जे तिनके कारण पंण्मिश्वर कैई आँऐ, से तिनखे पुरा-पुरा छ़ुट्कारा देऐ संको; किन्देंखे के से तिनकी ताँईऐं बिन्त्ती कर्दे सदा खे जीऊँदी असो।

1 यूहन्ना 3:5

तुँऐं तअ जाँणोंऐं, के मसीया ईन्देंखे पर्गट हुऐं, जू पाप खत्त्म करह्, अरह् तिनके सभाव दा किऐ भे पाप ने थी।

1 यूहन्ना 3:8

पाप कर्णो वाल़ा आदमी शैतान का असो, किन्देंखे के शैतान शुरू शा ही ऊबा पाप करदा रंह्; परह् पंण्मिश्वर का बैटा ईन्देंखे पर्गट हुवा, के शैतान की बादी काँम-काज़ का नाष करी दियों।

1 यूहन्ना 5:11

सेजी गुवाऐ-शाज़्त ऐजी असो: के पंण्मिश्वरे आँमों खे अमर-जीवन देऐ थुवा, किन्देंखे के सेजा अमर-जीवन तिनके बैटे दा असो।

प्रकाशितवाक्य 21:5

तिन्ऐं जुण्जें तेसी सिंगाँस्हणों गाशी बंईठे अंदे थिऐ, तिन्ऐं बुलो, “देख! ऐबे हाँव सब-कुछ़ नुंओं करी देऊँबा!” तबे तिन्दे पाछ़ी तिन्ऐं मुँखे बुलो, “ऐजी बातो ऊँबी लिख, किन्देंखे के ऐजी बातो बिश्वाष ज़ूगी, अरह् साच्ची असो।”

प्रकाशितवाक्य 22:6

तेने स्वर्गदूत्ते हजो मुँखे बुलो, “जुण्जो किऐ हेभी तोड़ी बुलो गुवो; सेजो साच्चो अरह् बिश्वाष ज़ुगौ असो, प्रभू ऐ, जुण्जे ऋषियों की आत्त्माओं के पंण्मिश्वर असो, तिन्ऐं आप्णें स्वर्गदूत्त आप्णें दासो कैई सेजो सब-कुछ पर्गट कर्दे डेयाल़े, जुण्जो शीघों हंणों वाल़ो असो।”

प्रकाशितवाक्य 5:9

से ऐजो नुंवों गीत्त गाँदे लागे: “तू ईयों कताबे कर्णो खे, अरह् ईन्देकी सिलो खुल्णों ज़ूगा असो, किन्देंखे के तुँऐं कुरबाँण हऐयों आप्णें लह्ऊँ शी ऐक नाँम कुल़-बंष अरह् भाषा बुली अरह् लोग अरह् हर जात्ती मुँझ़्शे पंण्मिश्वर खे लोग मोले-खरीदियों लुऐ;