1 थिस्सलुनीकियों 5:6 - Sirmouri

⁶ ईन्देंखे आँमें ओकी जैष्णें सुत्ते अंदे ने रंह्, परह् बीऊँजी अरह् संकने रंह्।

सिरमौरी नौवाँ नियम

⁶ इथकारिए आमु अबिशवाशियौं कै जैशणौ सौतेयौंदै नी रौणौ चैंई, पौरौ जागदै औरौ चौकश रौणौ चैंई।

1 थिस्सलुनीकियों 5:6 ပူးပေါင်းရင်းမြစ်များ

मत्ती 13:25

परह् जबे तेस्के दास सुत्ती रूऐ थिऐ, तअ तेस्का बऐरी शैतान रात्ती आया, अरह् तेने तेस्की खेच़ौ दे आऐयों गींऊँ के बींज़ मुँझी जाँगल़ी बींज़ शिंऊँ, जू दे:ख्णों खे गींऊँ जिऐ हों, तिनू चुप्पी बऐयों तेथै शा आगु हुटा।

मत्ती 24:42

“ईन्देंखे बीऊँजी रूऐ, किन्देखे के तुँऐं ने जाँण्दे, के तुवाँरा प्रभू कोसी देसे आँदा।

मत्ती 25:13

“ईन्देंखे बीऊँजी रंह्, किन्देखे के तुँऐं ना तअ सेजो देस जाँण्दे, अरह् ना सेजी घड़ी बख्त जाँण्दे।

मत्ती 25:5

जबे दुह्ले के आँणों दी देर हंऐ, तअ तिनू सोभी के ऊँगाई लागी, अरह् से सुत्ती गई।

मत्ती 26:38

तबे प्रभू यीशू ऐ तिनखे बुलो, “मेरा जीऊँ बैजाऐ उदास असो, ऐत्रे ज़ुगा के मेरा पराँण-जीयाँन निकल़्दी लागी। तुँऐं ईथै रूको अरह् मेरी गईलो बीऊँजी रंह्।”

मरकुस 13:37

अरह् जुण्जों मुँऐ तुँओं खे बुली लो, सेजो ही हाँव सोभी खे बुलू के “बीऊँजी रंह्।”

लूका 12:37

भागोईंत्त असो! सेजे दास-बैठू जिनू तिन का माँलिक घरह् की रंख्वाल़ी-जगवाल़ी कर्दे बीऊँजी दे:ख्ला; हाँव तुँओं खे खास बात बुलू, के सेजा माँलिक आप्णी कंमरी दी गाच़ी भीड़ियों तिनू सोभी ऐकी-ऐकी दास-बैठू कैई शो बंईठाल़ियों आपु भोजन कराला।

लूका 12:39

ऐजो सुओं करियों संह्म्झी पाव, के जे घरह् का माँलिक ऐजा जाँण्दा, के चोर कियों घड़ी आँदा; तअ से आप्णें घरह् दी चुरी ने हंणों देंदा।

लूका 21:36

ईन्देंखे हमेशा बीऊँजी रूऐ, अरह् प्रार्थना कर्दे रूऐ; जिन्दें लई तुऐं ईनू सब आँणों वाल़े, कष्ट-कल़ेष शे बंच्णों खे अरह् आदमी के बैटे के सहाँम्णें खह्ड़े रंहणों के तुओं खे शक्त्ति भेंटी सको।”

लूका 22:46

तबे प्रभू यीशू ऐ तिनखे बुलो, “कियो रे, सुत्ती रूऐ? ऊबे बीऊँजो, अरह् प्रार्थना करह्; के तुँऐं परिक्षा दे ने पड़ो।”

प्रेरितो कै काम 20:31

ईन्देंखे संकन्नै-च़ौक्ष रूऐ, अरह् ऐजो चींत्ते थुऐ; के मुँऐ आशू बुवाऐ-बुवाऐयों, च़ींन साल्ह तोड़ी देस-रात्त तुओं मुँझी, ऐक नाँम आदमी संचेत्त करी थुऐ।

1 कुरिन्थियों 15:34

धर्म की ताँईऐं ऊबे बीऊँजो अरह् पाप ने करह्; किन्देंखे कोंऐ ऐशे भे असो, जू पंणमिश्वर जाँण्दें ही ने। हाँव तुँओं शर्मिन्दें कर्णो खे ऐजो बुलू।

1 कुरिन्थियों 16:13

बीऊँजी रूऐ, बिश्वाषो दे पाकै रूऐ, हिम्मत करह्, तागतबर बंणों।

इफिसियों 2:3

आँमें लोग भे आगे तिनही अपराधियों के साथी-संगाथीं थिऐ; जबे आँमें आप्णी देह्-शरीर की बासना के बष दे थिऐ; अरह् आप्णी मंन की हिछ़या पुरी करह् थिऐ, तअ आँमें भे ओकी ही जैष्णें आप्णें सभाँव के कारण पंण्मिश्वर की सजा ज़ूगै थिऐ।

इफिसियों 5:14

अरह् जुण्जो देखियों पर्गट हों, से आपु भे त्तेज-प्रकाश बंणों, ईदेखे पबित्-ग्रन्थों दो लिखी थुओं: के “हे सुतणों वाल़े, नींज़ो शे ऊबे बिऊँजो, अरह् मँरे अंदे मुझ्शे ऊबे जियों, मसीया का त्तेज-प्रकाश तुँओं गाशी चंम्मकोदा लागा।”

इफिसियों 6:18

हर बख्ते, अरह् हर ढंग शे पबित्र-आत्त्मा दी प्रार्थना, अरह् बिन्त्ती कर्दे रंह्, अरह् ईन्देंखे बीऊँजी रंह्ं, के बादे पबित्र लोगो खे लगातार बिन्त्ती, करिया करह्,

फिलिप्पियों 4:5

तुँवारी नरमाँऐं बादे आदमी गाशी पर्गट हों, प्रभू नंजीक असो।

कुलुस्सियों 4:2

प्रार्थना दे लागे अंदें रंह्, अरह् धन्यबाद आरी तिन्दे च़ौक्क्ष रंह्;

1 थिस्सलुनीकियों 4:13

हे भाऐ-बंईणों, आँमें ने चहाँदें के तुँऐं तिनके बारे दे जुण्जे मँरी रूऐ, तिन्दे के बारे दे अजाँण्दे रंह्; जू कद्दी ऐशो ने हईयों के तुँऐं तिनू ओकी जेष्णाँ शोग पाल़ो जिनके प्रभू दा भोर्षा ने आथी।

1 थिस्सलुनीकियों 5:10

प्रभू यीशू ऐ अमाँरी ताँईऐं प्राँण ईन्देंखे दित्ते, के आँमें जीऊँदे असो, भाँव मँरी ज़ाँव, परह् जबे से हजो पाछू आँव; तअ आँमें तिनकी गईलो जीऊँदें रंह्।

1 थिस्सलुनीकियों 5:8

परह् आँमें जू देसो के असो, बिश्वाष अरह् प्यार का चौग्गा बाँम्बियों अरह् छुट्कारे के भोर्षे का टूप्पा लाऐयों संकने रंह्।

1 तीमुथियुस 2:15

परह् तिरंई खे नहाँन्ड़िया हंणों के कारण ही छ़ुट्कारा भेंट्दा, जे से होंष-सबैर आरी बिश्वाष, प्यार, अरह् पबित्रता दी अंट्ल़-पाक्कीं रंह्।

1 तीमुथियुस 2:9

ऐष्णीं ही दाँई तिरंई भे बिना झ़ीझ्क, अरह् सुवें करियों सिधे-साधे खोट्णों बाम्बियों ईज्जत, दी रंऐयों आप्णाँ संज्णाँ-धज्णाँ करह्, ना के आप्णें मुँढ़ो दी भंहित्ती बैल्णी बाँणियों, अरह् ना भहित्ते सुन्नै, अरह् हीरे-मंतियों लंई, अरह् ना बैगेही मोंह्गै खोट्णों लंई सजो,

1 तीमुथियुस 3:11

तैष्णीं ही तेसी सेवाक के घरवाल़ी भे ईमाँनदार हों, अरह् ना से गलत्त बात्त करणों वाल़ी, चुंगलियारी ने हों, परह् से च़ौक्क्ष, अरह् बादी बातो दे बिश्वाष ज़ुगीं हंऐ च़ैई।

1 तीमुथियुस 3:2

परह् ईन्देंखे ऐजो जरूरी असो, के अधिकारी ऐक नीर-दोष, ऐक ही घरवाल़ी का माँलक, होष-हाष वाल़ा, आच्छे बीचार वाल़ा, ईज्जत्तदार, अरह् पाँऊणें का आदर-संत्तकार कर्णों वाल़ा; अरह् शिखाँणों वाल़ संम्झ़दार हों;

2 तीमुथियुस 4:5

परह् तू बादी बातो दा च़ौक्क्ष रूऐ, दु:ख संऐ पाऐ, अरह् खुषख्बरी का प्रचार के काँम-काज़ करे, अरह् जुण्जी सेवा ताँव कैई देऐ थऐ, तियों सेवा तू पुरी करे।

तीतुस 2:12

अरह् आँमों खे चिताँव्णी दियों, के आँमें मुँरूख्ता अरह् संईसारी की लाल़्चो शा मंन बद्ल़ियों ऐसी ज़ूगौ दे द्रिडता, धर्म अरह् भक्त्ति शा जीवन बिताँव;

तीतुस 2:6

तेष्णें ही जवाँन मरोद् भे सम्झाया करह्, के से भे झ़ूकै-शियाँगी अंदे ने हों।

1 पतरस 1:13

ईन्देंखे आप्णी-आप्णी बुद्धी-सम्झ शे च़क्क्ष रूवे, आप्णें आपै दे रूवे, तियों कृपा गाशी पाक्का भूर्षा थुऐ, जू प्रभू यीशू मसीया के पर्गट हंणों गाशी तुँओं खे दिया ज़ादा।

1 पतरस 4:7

सेजा बख्त्त नंजीक असो, जबे बादी चीजो खत्त्म हंली, ईन्देंखे धीरज थऐयों प्रार्थना खे च़ौक्क्ष रूवे।

1 पतरस 5:8

च़ौक्क्ष रूऐ, अरह् बीऊँजी रूऐ; किन्देंखे के तुवाँरा बिरोधी शैतान नाँदिणों वाल़े सिंह के जेष्णाँ ऐसी ताक दा रंह, के कोसी ऊपाड़ियों खाऊँ।

प्रकाशितवाक्य 16:15

“चित्ते थुऐ: हाँव चोर जेष्णाँ आँदा! भागोईत असो, सेजा जू बीऊँजी रंह्, अरह् आप्णें खोट्णों के च़क्क्षी करह्, के हाँव लोगों के सहाँम्णें नाँग्गी हऐयों शर्मिन्दा ने हंऊँ।”

प्रकाशितवाक्य 3:2

शुझ़ी दा आ, अरह् तिनू चींजो जू ऊकी रंऐ रंई अरह् जू खंत्त्म हंदी, तिनू पाक्की-अट्ल़ करह्; किन्देंखे के मुँऐं तेरे कुँण्जे ही काँम-काज़ पंण्मिश्वर की नंजीक पुरे हुऐ अंदे ने देखी।