1 थिस्सलुनीकियों 5:24 - Sirmouri

²⁴ तुवाँरा बईद्णों वाल़ा साच्चा असो; अरह् से ऐष्णो ही करला।

सिरमौरी नौवाँ नियम

²⁴ तोंवारा बौईदणो वाल़ा बिशवाश कै लायक औसौ, इथकारिए सै तुऔं पवित्र हौणौ कारिए बौईदो, औरौ सै तुऔं पवित्र बौणणौ दै मौदद कौरदा।

1 थिस्सलुनीकियों 5:24 ပူးပေါင်းရင်းမြစ်များ

मत्ती 24:35

अस्माँन अरह् धर्ती टल़ी ज़ाली, परह् मेरी बातो कद्दी ने टल़्दी।

यूहन्ना 1:17

ज्ञाँन-निय्म जरूर ऋषी-मूसा के जाँणें भेटे थिऐ; परह् कृपा अरह् संच्चाऐ यीशू मसीया के जाँणें पंह्ऊँच़ीं।

यूहन्ना 3:33

जेने कुँणिऐ तिनकी गुवाऐ-शाज़्त्त माँनी पाऐ, तेने ऐजो साबित्त करी पाँव; के पंण्मिश्वर साच्चा असो।

रोमियों 8:30

तबे जिनू आगे ही बंणाऐं थुऐ, तिनू बय्दी भे थुऐ; अरह् जिनू बय्दी थुऐ, तिनू आप्णी नंजरी दे बेकसूर भे बंणाऐं, अरह् जिनू आप्णी नंजरी दे बै-कसूर बंणाऐं तिनखे बड़ियाऐं भे दिती।

रोमियों 9:24

मतल्व आँमों गाशी; जिनू तिन्ऐ सिर्फ यहूदियों ही मुझ्षे ने, परह् गऐर यहूदी मुँझ्शे भे बय्दी थुऐ।

1 कुरिन्थियों 1:9

पंणमिश्वर बिश्वाष कर्णो ज़ूगा असो जिन्ऐं तुँओं आप्णे बैटे अमाँरे प्रभू यीशू मसीया की संगत्ति दे बऐदी थुऐ।

1 कुरिन्थियों 10:13

कुऐं ऐशी परख तुँओं गाशी ने पढ़ो, जुण्जी सोभी खे ऐक भाँत्ती ने हों, पंणमिश्वर बिश्वाष ज़ूगै असो; से तुँओं कोसी ऐशी परख दे ने पढ़णों दियों, जुण्जी परख तुँवारी सहणों जूगी ने हों, परह् से परख आरी तिन्दा का ऊपाया भे कर्दे; जू तुऐं सह्ऐन करी सको।

गलातियौं 1:15

परह् पंण्मिश्वर ऐं जिन्ऐं मुँह माँई खी कुँखी शा ही मुँह छाँटी-चूणी थुवा थिया, अरह् आप्णी कृपा शा बय्दी थुवा;

1 थिस्सलुनीकियों 2:12

के तुँवारी चाल-ढाल पंण्मिश्वर ज़ूगी हों, जुण्जे तुँओं आप्णे राज अरह् बड़ियाई खे बईदो।

2 थिस्सलुनीकियों 2:14

जिन्दे खे तिन्ऐ तुँओं अमाँरी खुषख्बरी खे बय्दी थुऐ, के तुँऐं अमाँरे प्रभू यीशू मसीया दे बड़ियाऐं पाँव।

2 थिस्सलुनीकियों 3:3

परह् प्रभू साच्चा, असो; से तुँओं बिल्कुल पाक्कै करदा, अरह् दुष्टो शे बंचाऐयों थोंदा।

2 तीमुथियुस 1:9

जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

2 तीमुथियुस 2:13

आँमें भाँव बंईमाँन भे बंणों: तबे भे से ईमाँनदार असो, किन्देंखे के से आप्णा स्वभाव ने बंद्ल़ी सक्दे।

तीतुस 1:2

तेसी अमर हणों के भुर्षे गाशी, जिन्देका बाय्दा पंण्मिश्वर ऐ, करा जू झूठो ने बुली सक्दा, तेने ज़ूगौ-ज़ूगौ शा करी थुवा।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

2 पतरस 1:3

आप्णें जीवन खे, अरह् पंण्मिश्वर की सेवा खे, जुण्जो किऐ आँमों चैईं थियो, सेजो आप्णी दिब्य शक्त्ति शो तिन्ऐं आँमों खे सब-कुछ देऐ थो; किन्देंखे के आँमें तिनू जाँणों ऐ, जिन्ऐं आप्णी धार्मिक्त्ता अरह् बड़ियाऐ के जाँणें आँमों बय्दी थुऐ।

प्रकाशितवाक्य 17:14

से छैल़्टे आरी लड़्दे, परह् छैल़्टा तिन शा जींत्ती ज़ाँदा, किन्देंखे के से प्रभूओं का प्रभू, अरह् राजाओं का राजा असो, अरह् जू बईदे अंदे, अरह् चूणें-छाँटे अंदे अरह् बिश्वाषी असो, से तेस्की गईलो असो; से भे राज्य पाँदें।”