1 थिस्सलुनीकियों 5:2 - Sirmouri

² किन्देंखे के तुँऐं आपु भे ठीक जाँणों, के जेष्णाँ रात्ती चोर आँव, तेष्णा ही प्रभू को देस भे आँणों वाल़ो असो।

सिरमौरी नौवाँ नियम

² जिथुकै तुऐं आपी ही ठीक शै जाणौए कै जैशै राती कै चोर एकदम आंव, तैशैखैई सैजौ दूस आन्दौ जौल़ौ प्रभु यीशु मसीह औटेयौ पाछु आन्दा।

1 थिस्सलुनीकियों 5:2 ပူးပေါင်းရင်းမြစ်များ

मत्ती 25:13

“ईन्देंखे बीऊँजी रंह्, किन्देखे के तुँऐं ना तअ सेजो देस जाँण्दे, अरह् ना सेजी घड़ी बख्त जाँण्दे।

लूका 21:34

“ईन्देंखे आप्णें बारे दे च़ौक्क्ष रूऐ, जू कद्दी ऐशो ने हऐयों; के तुऐ भोग-बिलास दे, अरह् नाँशे दे, अरह् संईसारी की चींन्त्ता-फीकर शा तुवाँरा मंन कुठूर हऐ ज़ाँव; अरह् सेजे देसो फाषी के जिऐ अंचाँण्क तुओं गाशी अब्ल़ी बंणियों आँव।

1 कुरिन्थियों 1:8

हमाँरे प्रभू यीशू मसीया तुँओं आखरी बख्तो तोड़ी पाक्के कर्ले, किन्देंखे के तुँऐं तिनके आँणों के देसो तोड़ी निर-दोष बंणें रंह्।

1 थिस्सलुनीकियों 5:4

परह् हे भाईयों, तुँऐं तअ ईनाँरे दे आथी ने, के सेजे देसो तुँओं गाशी चोर जैष्णें पड़ले।

2 थिस्सलुनीकियों 2:2

के कोसी आत्त्मा के बचन के कोसी पंत्री के जाँणें, जुणजी के अमाँरी ढबै शी जेऐ हों; ऐजो जाँणियों के प्रभू को देस आऐ पुझ़ों; ईन्दें लंई तुवाँरा मंन डामाँडोल ने हों, अरह् ना तुऐ डरह्।

2 पतरस 3:10

परह् प्रभू को देस चुप्पी चोर जिया आँदा, तेसी देसे अस्माँनों दी बैजाऐ बैशुमाँर-बड़ी-बडी गुड़ाको लई अस्माँन लुप्त होंदो, अरह् अस्माँनों के ग्रह्-पीन्ड आगी लई पगल़ी ज़ाँदे, अरह् धर्ती अरह् धर्ती गाष्ली बादी चींजो अरह् काँम-काज़ जल़ी ज़ाँदी।

प्रकाशितवाक्य 16:15

“चित्ते थुऐ: हाँव चोर जेष्णाँ आँदा! भागोईत असो, सेजा जू बीऊँजी रंह्, अरह् आप्णें खोट्णों के च़क्क्षी करह्, के हाँव लोगों के सहाँम्णें नाँग्गी हऐयों शर्मिन्दा ने हंऊँ।”

प्रकाशितवाक्य 3:3

ईन्देंखे चींत्ते करह् के तुँओं केष्णी शिक्क्षा भेटी, अरह् केष्णों तुँऐं शुँणों, अरह् तियों शिक्क्षा दा पाक्का अट्ल़ बँणा अँदा रंह्, अरह् आप्णा मंन बदल़। अरह् जे तू ऐबे भे शुझ़ी दा ने आया, तअ हाँव चोर जेष्णाँ आँऊबा, जू ताँव कैई पता ही ने लागो, के हाँव कोसी बख्ते ताँव गाशी पड़ूबा।