1 थिस्सलुनीकियों 5:14 - Sirmouri

¹⁴ हे भाऐ-बंईणों, आँमें तुँओं सम्झाओं के जू ठीक चाल ने चाल्दे तिनू सम्झाव; अरह् डराड़ो खे दीड़-हिम्मत दियों, कंमजोर संभाल़ो, सोभी आरी संय्नशिल्त्ता देखाव।

सिरमौरी नौवाँ नियम

¹⁴ ओए रै बिशवाशी भाईयों, आमै तुऔं कैईंदै बिन्ती कौरु कै तिनु लोगौ खै चैतावणी दैव जू आलसी औसौ, औरौ तिनु लोगौ खै हिम्मत दैव जू डरपोक औसौ, औरौ जू बिशवाश दै कमजोर औसौ तिनकै मौदद कौरौ, सौबी कै ढौबौ सहनशीलता दिखाव।

1 थिस्सलुनीकियों 5:14 ပူးပေါင်းရင်းမြစ်များ

मत्ती 12:20

से कंमजोर सुरवाँठों ने च़ूड़दा, अरह् ना धुंवाँ छुड़णों वाल़ी बाटी हिशाल़्दा, जाँव तोड़ी नियाँव भारी ने बंणाऐं दियों।

लूका 22:32

परह् शमौन, मुँऐ ताँव्खें प्रार्थना करी थऐ, के तेरा बिश्वाष खत्त्म ने हों; अरह् जबे तू होशौ दा आऐला, तअ आप्णें भाऐ-बंईण बिश्वाष दे पाक्कै करला।

प्रेरितो कै काम 20:27

किन्देंखे के मुँऐ पंण्मिश्वर की बादी हिछ़्या तुओं कैई पुरे ढंग शी बुल्णों के झ़ीझ्क ने करी।

प्रेरितो कै काम 20:31

ईन्देंखे संकन्नै-च़ौक्ष रूऐ, अरह् ऐजो चींत्ते थुऐ; के मुँऐ आशू बुवाऐ-बुवाऐयों, च़ींन साल्ह तोड़ी देस-रात्त तुओं मुँझी, ऐक नाँम आदमी संचेत्त करी थुऐ।

प्रेरितो कै काम 20:35

मुँऐ तुँओं कैई शो सब-कुछ करियों देखाओ, के कैशे दाँई मेंह्न्त्त करियों मुँऐ कंमजोर लोग सहम्भाल़े; अरह् प्रभू यीशू के बचन चींत्ते कराँणें जरूरी जाँणें, किन्देंखे के पंण्मिश्वर ऐं आपु ही बुलो; के ‘लोंणों शो देंणों भोलो असो।’”

रोमियों 12:1

ईन्देखे हे भाऐ बंईणों हाँव तुँओं कैई शी पंणमिश्वर कि दया-रंय्म कृपा चींत्ते कराऐयों, ढाल-अरज करू के आप्णी देह्-शरीर जींऊँदें, पबित्र, पंणमिश्वर खे भाव्णों वाल़ी बल़ी-कुरबाँणीं देऐयों चढ़ाव। ऐजी ही तुँवारी आत्त्मिक सेवा असो।

रोमियों 14:1

जुण्जा बिश्वाष दा कंंमजोर असो, तेसी आप्णी साथ-हाथ दा करह्, परह् तेसी आरी भेद्-भाव दा झगड़ा ने करे।

1 कुरिन्थियों 4:14

हाँव तुँओं शर्मिन्दा कर्णो खे ऐजी बातों ने लिख्दा, परह् आप्णें प्यारे नहाँन्ड़िया जाँणियों तुँओं कैई शो ऐजो चित्ते कराँऊ।

1 कुरिन्थियों 8:7

परह् सोभी कैई ऐजा ज्ञाँन ने आथी, परह् कुँऐं लोग तअ हेभी भी मुर्त्तियों खे बल़ी करी अंदी चीजो खाँव, अरह् तिनके बिचार कंंमजोर हंणों के जाँणें अशुद्ध गाँन्दे हऐ ज़ाँव।

गलातियौं 5:22

परह् पबित्र-आत्त्मा का फल़ पियार, खुशी, शाँण्त्ति, धीरज, कृपा, भलाऐ, बिश्वाष,

इफिसियों 4:2

मतल्व पुरी गरबाई आरी, अरह् नंरमाँऐं आरी, सबैर थईयों प्यार शे ओका ओकी की ऊदी सुऐ;

इफिसियों 4:32

ओका ओकी खे दया-रंय्म कर्णो वाल़े हों, अरह् जैष्णें पंण्मिश्वर ऐ मसीया दे तुवाँरे कसूर माँफ करे, तेष्णें ही तुँऐं भे ओका ओकी के कसूर माँफ करह्।

कुलुस्सियों 1:28

जिनका प्रचार करियों आँमें हर ऐक आदमी च़ौक्क्ष करी दियों, अरह् बादे ज्ञाँन शे ऐक नाँम आदमी कैई शो शिखाँव ऐ, के आँमें ऐक नाँम आदमी खे मसीया दा पाक्का सीद्ध करियों हाजिर करह्।

2 थिस्सलुनीकियों 3:15

तबे भे तेसी दुष्मन ने सम्झे, परह् भाऐ जाँणियों तेस कैई शो चित्ते कराओ।

1 तीमुथियुस 3:3

सुराऐ, के माँरपीट कर्णो वाल़ा, ने हों; मतल्व शरीफ़ हो, अरह् ना झगड़ू, अरह् ना धन का लाल़्ची हों।

1 तीमुथियुस 6:11

परह् हे पंण्मिश्वर के जंण, तू ईनू बातो शा भाग, अरह् धर्म, भगत्ति, बिश्वाष, प्यार, धीरज, अरह् नंरमाँऐं पाछी पड़।

2 तीमुथियुस 4:2

के तू बचन का प्रचार करह्, अरह् कोसी भी हाल दा तैयार रंह्, हर ढंग के संऐनशिल्त्ता, अरह् शिक्क्षा आरी, हिमम्त्त दे, अरह् डाँट-झाड़ अरह् संहमझाऐ दे।

तीतुस 1:10

किन्देंखे के बैजाऐ लोग निकारे, बकबादी, अरह् धोखा देणों वाल़े असो; खास करियों यहूदी लोग खतना वाल़े मुँझ शे हों।

तीतुस 1:6

जू बै-कसूर अरह् ऐकी ही घरवाल़ी का घरवाल़ा हों, जिनके नहाँन्ड़िया बिश्वाषी हले, अरह् तिनू मुझी लुचपंण अरह् निकारे काँम-काज़ का दोष-कसूर ने हों।

इब्रानियों 12:12

ईन्देंखे के ढीले हाथ अरह् कंमजोर घुडू सिधे करह्,

इब्रानियों 13:3

कय्दी का ऐशा शुज़ा करह्, ऐशो जाँणियों के तुँऐं भे तिनकी गईलो कय्दी असो, अरह् जिनकी गईलो बुरा बर्ताव करा ज़ाँव तिनका ऐशा जाँणियों शुज़ा करह् के आँमें भे ईन्के ही जिऐ सुख्ह-दुख्ह भोगणों वाल़े लोग असो।