1 थिस्सलुनीकियों 4:3 - Sirmouri

³ किन्देंखे के पंण्मिश्वर की हिछ़या ऐजी असो, के तुँऐं पबित्र बंणो: मतल्व बिचका-काँम शे बंचियों रंह्,

सिरमौरी नौवाँ नियम

³ पौरमेशवर कै इछा ऐजी औसौ, कै तुऐं पवित्र बौणौ औरौ गौलत सौमबंध शै बौचेयौ रौंव।

1 थिस्सलुनीकियों 4:3 ပူးပေါင်းရင်းမြစ်များ

मत्ती 12:50

किन्देखे के जुण्जे कुँऐ मेरे स्वर्गो के पिता की हिछ़ा गाशी चालो, सेजे ही मेरे भाऐ, अरह् मेरी बऐणीं, अरह् मेरी माँ असो।”

मत्ती 15:19

किन्देखे के आदमी के सासो-मंन शे बुरे बिचार, हंत्त्याऐं, अरह् पराई तिरोंई का लाल़्च, चोरी-जारी, चोरी, झूठी गवाही अरह् निदया, ऐजी बादी चींजो मंन शी ही पय्दा हों।

मत्ती 5:32

परह् हाँव तुँओं खे ऐजो बुलू, के जे कुँऐं आप्णी घरवाल़ी खे चोरी-जारी के सुवाऐं कोसी ओकी कारण शी तलाक-लिखत दियों, तअ से तियों कैई शी चोरी-जारी कराँव; अरह् जुण्जा कुँऐ तियों छुड़ी अंदी तिरोंई आरी शादी-वियाह् करह् से भे तियों आरी चोरी-जारी करह्।

मत्ती 7:21

“मुँखे ‘हे प्रभू! हे प्रभू!’ बुल़्णों वाल़े, ऐक नाँम आदमी स्वर्गो के राज्य दे ने ज़ाँदी; परह् सेजे ही स्वर्गो दे ज़ाऐ सको, जुण्जे स्वर्गो के पिता की हिछ़या पुरी करह्।

मरकुस 3:35

किन्देंखे के जुण्जे कुँऐं पंणमिश्वर के हिछ़या दे चालो, सेजे ही मेरे भाऐ, अरह् मेरी बईणों, अरह् मेरी माँ असो।”

यूहन्ना 4:34

ईन्दे गाशी प्रभू यीशू ऐ चैले खे बुलो, “जिन्ऐं मुँह डेयाल़ी थुवा; तिनकी हिछ़्या गाशी चाल्णों, अरह् तिनका काँम-काज़ पुरा करणाँ ही मेरा भोजन असो।

यूहन्ना 7:17

जे कुँऐं आदमी पंण्मिश्वर की हिछ़या पुरी कर्णो का परण करह्, तअ से ऐजो जाँणी पाँदा; के ऐजी शिक्क्षा पंण्मिश्वर की तरफ शी असो; के मेरी तरफ शी असो।

प्रेरितो कै काम 15:20

परह् पत्र लीखियों तिन खे बुली दियों: के तुऐं लोग मुर्त्तियों की गंन्दगी शे, अरह् च़ूरी-जारी शे, अरह् गल़ा घूट्टै हलाल करें अंदे बंईच़ियों के माँस शे, अरह् लह्ऊँ के खाँणों-पीणों शा, पहरेज करियों दुर्के ही रूऐ।

प्रेरितो कै काम 15:29

तुँऐं लोग मुर्त्तियों गाशी बल़ी चड़ाऐ अंदो माँस शे, अरह् लह्ऊँ के खाँन-पान शे, अरह् गल़ा घूटै अंदे बंईच़ियों के माँस शे, अरह् च़ूरी-जारी शा परेज करे; अरह् ईन्दें शे आपु बंचियों रंहणों शा तुवाँरा कल्याँण असो; ‘तुवाँरा भला हों’।”

प्रेरितो कै काम 20:32

ऐबे हाँव, तुँओं लोग पंण्मिश्वर के कृपा अरह् बचन की देह्ख-रेह्ख दे देऐ देऊँ; किन्देंखे के तिन्ऐं तुवाँरी बड़ोत्री कर्णो खे; अरह् तुवाँरी गईलो पबित्र-आत्त्मा के सहाजी हंणों खे, मीरास पाँणों खे थंऐ थुऐ।

प्रेरितो कै काम 26:18

हाँव तिनकी आखी खोल्णों खे, तिनू ईनाँरे शे ज्योत्ति की ढंबै फ़ेर्णो खे; मतल्व शैतान की शक्त्ति शे दुर्के करियों; पंण्मिश्वर की ढबै कर्णो खे, ताँव तिन कैई डेयाल़ूबा; जिन्दें लंई से मुँदा बिश्वाष कर्णो के कारण आप्णें पापों की माफी पाँव, अरह् पबित्र करे अंदे भगत्तों आरी से भे मीरास पाँव।’

रोमियों 1:29

ईन्देंखे के से सेजी ही काँम-काज़ करह् थिऐं, जुण्जी पंणमिश्वर ने चहाँन्दें, जेष्णाँ के लोभ, बईर भाव शे भरे गुऐ; अरह् डाह अरह् हंत्या, अरह् झगड़े, छल़-कप्ट, अरह् रीष-मिष, दे भरे गुऐ, अरह् चुगल खोर बंणें,

रोमियों 12:2

ईयों संईसारी के जेष्णें ने बंणें; परह् तुवाँरे मंन नुऐं हंणों लई, तुवाँरा चाल-चल़्ण भे बद्ल़ी दियों, जू तुवाँरे जाणियों के पंणमिश्वर तुँओं खे का चहाँव, अरह् तिनकी नंजरी दो का आछ़ो भाव्णों वाल़ो, अरह् परीपुर्ण असो।

रोमियों 6:22

परह् ऐबे पापो शे अजाद हऐयों, अरह् पंणमिश्वर के दास बंणियों, तुँओं फल़ भेटा, जिन्दे लई पबित्रता भेंटी, अरह् तिन्दे का अंत्त अमर-जीवन असो।

1 कुरिन्थियों 1:30

परह् तेस्की ही ढबे शे तुँऐं मसीया यीशू के असो, जू पंणमिश्वर की ढबे शा आँमों खे ज्ञाँन बंणा, मतल्व धर्म, अरह् पबित्रता, अरह् मुँक्त्ति;

1 कुरिन्थियों 7:2

परह् बिचका-काम चूरी-जारी शो बंचणों की ताँईऐं ऐक नाँम मर्दो के आप्णी ऐक घरवाल़ी चैई, अरह् ऐक नाँम तिरंई के आप्णा ऐक घरवाल़ा जरूर चैई।

2 कुरिन्थियों 12:21

कद्दी ऐशो ने हऐयों, के जबे हाँव पाछ़ू तुओं कैई आँऊ; तअ मेरा पंण्मिश्वर मुँह हजो तुवाँरे सहाम्णें शर्मिन्दा करह्; अरह् मुँह बैजाऐ लोगो खे शोक मनाणाँ पड़ो; जिन्ऐं आगे पाप करा; अरह् आप्णीं गंन्दगी, चूरी-जारी, अरह् लुचपंण करियों आप्णा मंन बद्ल़ियों पसतावा ने करी।

गलातियौं 5:19

देह्-शरीर की बुरी हिछा तअ पर्गट असो, मतल्व चुरी-जारी काँम-काज़, कू-कर्मं, चाप्लुषी,

इफिसियों 5:17

ईदेखे बैसम्झ ने बंणे, परह् ध्याँन शो संह्म्झों के प्रभू की हिछ़या का असो।

इफिसियों 6:6

आदमी के खुश कर्णो वाल़े जिऐ देखावे खे ने, परह् मसीया के दासो के जीऐ मंन शी पंण्मिश्वर की हिछ़या गाशी चालो;

कुलुस्सियों 1:9

ईन्देंखे जेसी देसो शुभों आँमें ऐजो शुँणी थुओ, तेसी देसो शुँभे आँमें भे तुँओ खेे ऐजी प्रार्थना अरह् बिन्त्ती कर्णी ने छुड़्दे, के तुँऐं बादे आत्त्मिक ज्ञाँन अरह् सम्झ लई पंण्मिश्वर के हिछ़या के पछ़याँण दे डटे अंदे, अरह् भर-पुर हंऐ ज़ाव।

कुलुस्सियों 3:5

ईन्देंखे आप्णे सेजे अंग माँरी दियो, जू धर्ती के असो, जेष्णाँ मतल्व चुरी-जारी गंन्दगी, बुरी हिछ़या, अरह् लोभ-लाल़्च जू मुर्ती पूजा के बराबर असो।

कुलुस्सियों 4:12

भाऐ-इपफ्रास, जू तुँओं मुझ्षा असो, अरह् मसीया का दास असो, तुँओं खे नमंष्कार बुलो, अरह् सदा तुँओं खे प्रार्थना दा लागा अंदा रंह, जिन्दे लई तुऐ लोग बादी बातो दे पंण्मिश्वर के हिछ़या पुरी करियों, पुरी कर्णो दे पाक्के बंणों।

1 थिस्सलुनीकियों 4:2

किन्देंखे के तुँऐं जाँणो ऐ, के आँमें प्रभू यीशू के अधीन शी तुँओं खे कुण्जी-कुण्जी अज्ञाँ देऐ थई।

1 थिस्सलुनीकियों 4:4

अरह् तुँओं मुझ्षा हर ऐक पबित्रता अरह् आदर आरी आप्णी तिरंई की गईलो रंह्,

1 थिस्सलुनीकियों 5:18

बादी बातो दा प्रभू का धन्यबाद करह्; किन्देंखे के तुँओं खे प्रभू यीशू मसीया दी पंण्मिश्वर की ऐजी ही हिछ़या असो।

1 थिस्सलुनीकियों 5:23

शाँण्त्ति का दाता पंण्मिश्वर आपु ही तुँओं पुरी रित्ती शे पबित्र करह्; अरह् तुँवारी आत्त्मा अरह् जीयाँन-प्राँण अरह् देह्-शरीर अमाँरे प्रभू यीशू मसीया के आँणों तोड़ी शुरे-पुरे अरह् नीर्दोष आछे थों।

2 थिस्सलुनीकियों 2:13

हे भाऐ-बंईणों, अरह् प्रभू के प्यारे लोगो, ऐशो हुओ चेंई के आँमें तुवाँरे बारे दे सदा पंण्मिश्वर का धन्यबाद कर्दे रंह्, किन्देंखे के पंण्मिश्वर ऐ शुरू शे ही तुँओं च़ूणीं-छाँटी थुऐ; के पबित्र-आत्त्मा के जाँणें पबित्र बंणियों, अरह् सच्चाई का बिश्वाष करियों मुँक्त्ति पाँव,

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

इब्रानियों 10:36

किन्देंखे के तुँओ खे शाँन्ति-सबैर थणाँ जरूरी असो, जू पंण्मिश्वर के हिछ़या पुरी करियों तुँओं तेसी बाय्दे का प्रत्तिफल़ भेंटो।

इब्रानियों 12:16

तुओं लोगों मुँझ़्शा कुँऐ भे आदमी चुर-जार ने हों, अरह् ना कुँऐ तेसी एसाब जेष्णाँ जुण्जा प्रभू दा भे डरो ने थिया; जेने ऐकी बंई के भोजन की ताँईऐं आप्णाँ जेठै हंणों का हंक जैठोंग बीकी दितो।

इब्रानियों 13:21

तुँऐं हर ऐक आच्छ़ी अरह् भली बातो खे साच्चै बणों, तिन्दे लई तुँऐं पंण्मिश्वर की हिछ़या पुरी करह्, अरह् जू कुछ तिनू आछो लागो, सेजो प्रभू यीशू मसीया के कारण आँमों दो पर्गट करह्, तिनकी ही बड़ियाऐ सदा ज़ूगौ-ज़ूगौ तोड़ी हंदी रंह्। आमीन।

इब्रानियों 13:4

विवाह-जाज्डा सोभी मुँझी आदर-ईज्जत के बात सम्झी ज़ाँव, अरह् विवाह का बिछाँन्द्रा नीषकंल़क रंह्, किन्देंखे के पंण्मिश्वर चुरी-जारी कर्णो वाल़े, अरह् ओकी पराई तिरंई आरी चुरी-जारी कर्णो वाल़े का नियाँव करदा।

1 पतरस 1:2

अरह् परमं-पिता पंणमिश्वर के हंणों वाल़े ज्ञाँन के मुताबिक, पबित्र-आत्त्मा के पबित्र कर्णो के जाँणें, प्रभू खे ज़ई करी थुऐ, सेजे मसीया प्रभू यीशू के अज्ञाकारी बंणों, अरह् तिनके लह्ऊँ का छ़िड़काँव लों: अरह् तुओं कृपा, अरह् शाँन्त्ति बैजाऐ भेटदी रंह्।

1 पतरस 4:2

ईन्देंखे से हजो आदमी की बुरी हिछ़्या के मुताबिक ने, परह् पंणमिश्वर की आछ़ी हिछ़या के मुताबिक जीवन बिताँव।

1 यूहन्ना 2:17

संईसारी अरह् तिन्दे की हिछ़या दुईनें मिटी ज़ाँव, परह् जुण्जा पंण्मिश्वर की हिछ़या गाशी चालो, से सदा-सदा पंण्मिश्वर दा बंणा अंदा रंह्दा।

प्रकाशितवाक्य 21:8

परह् डराड़ो, अरह् बै-बिश्वाषियों, नींच़ हत्त्याँरे, अरह् च़ूर-जार, अरह् जादू-टूण्णें कर्णों वाल़े, मुँर्त्ती पूज्णों वाल़े, अरह् हर किस्समं के झूठों बुल्णों वाल़े, का नाँष हंदा, अरह् तिनू भभ्कदीं आग, अरह् गंन्धक की झ़ील, दे पाऐ देईदें, जुण्जी के दुज़ी मंऊँत्त हंदी!”

प्रकाशितवाक्य 22:15

परह् कुत्ते, जादू-टूँणें, अरह् चुरी-जारी कर्णों वाल़े, अरह् हत्त्यारे, अरह् मुँर्त्ती पुज्णों वाल़े, अरह् ऐक नाँम झ़ूट्ठै शे प्यार कर्णों वाल़े बाऐर ही रंह्दें।