1 थिस्सलुनीकियों 4:17 - Sirmouri

¹⁷ तबे आँमें जू जीऊँदे अरह् बंचे अंदे असो, आँमों भे तिनकी गईलो बाद्ल़ो मुझी ऊबे टिप्दे, के बाद्ल़ो दे प्रभू कैई शे भेंटिऊँबे; अरह् तेषे दाँई आँमें प्रभू आरी संदा रह्ऊबे।

सिरमौरी नौवाँ नियम

¹⁷ तिथकै बाद आमै जू जियुंदी औरौ बौचेयौंदे रौंदै तिनकै साथै बादल़ौ पांदी उठाए जांदै, कै गौयण दै प्रभु यीशु आरी भैटिंयु, औरौ तैसी सौमय शै आमै सौदा प्रभु कै साथै रौंदै।

1 थिस्सलुनीकियों 4:17 ပူးပေါင်းရင်းမြစ်များ

मत्ती 26:64

प्रभू यीशू ऐ तेस्खे जबाब दिता, “तुँऐं ऐजो आपु ही बुली लो; तबे बे हाँव तुओं खे बुली देंऊ, के ईन्दें पाछी तुऐं आदमी का बैटा सर्ब-शँक्त्तिमाँन के सोऐं ढबे बईठा अंदा, अरह् अस्माँनों के बाद्ल़ो मुँझी आँदे दे:ख्ले।”

मरकुस 14:62

प्रभू यीशू मसीया ऐ बुलो, “होर, हाँव ही असो! तुँऐं आदमी का बैटा सर्वशंक्त्तिमान के सोऐं ढबे बईठा अंदा अरह् असमाँनों शा बाद्ल़ो मुँझी आँदे दे:ख्ले।”

यूहन्ना 12:26

जे कुँऐं मेरी सेंवा करह्, तअ से मुँह पाछी आँव; अरह् जेथै हाँव असो, तेथै मेरा दास भे हंदा। जे कुँऐं मेरी सेंवा करह्, तअ बाबा तैस्की आदर-ईज्जत करला।

यूहन्ना 14:3

तेथै ज़ाऐयों हाँव तुओं खे जागा तियार करियों, हजो पाछ़ू आँऊबा; अरह् तुओं भे आप्णी गंईलो तेथै नींह्ऊँबा जेथै हाँव असो, अरह् तबे तुऐं भे मेरी गंईलो तैथी ही रंह्ले।

यूहन्ना 17:24

हे बाबा! मेरी हिछ़्या ऐजी असो, के ऐजे लोग भे जिनू तुऐं मुँह कैई देऐ थुऐ; ऐ भे मेरी गंईलो, तेथी रंह्; जेथै हाँव असो, के ऐ मेरी सेजी बड़ियाऐ देखी सको; जुण्जी तुऐं मुँखे देऐ थंऐ थी, किन्देंखे के ईयों संईसारी की रंचणाँ कर्णो शो आगे भे तुऐं मुँह आरी प्यार करह् थिऐ।

प्रेरितो कै काम 1:9

ऐजो बुलियों प्रभू यीशू खास-चैले के देख्दे-देख्दे ही ऊबे स्वर्गो दे थागे गुऐ; अरह् ऐकी बाद्ल़े ऐं प्रभू यीशू खास-चैले के आखी कैई शे चूरी दित्ते।

प्रेरितो कै काम 8:39

अरह् जबे से पाँणी मुँझ्षे बाईडे आऐ, तअ तबे प्रभू की आत्त्मा ऐ तेसी फ़िलिप्पुस ऊबा थागा; अरह् तबे तेने खोज़े ऐं तेसी हंजों दुज़ाल़िऐ ने देखी: तबे से आँनन्द-खुशी शा आप्णें बाटे हुटा।

1 कुरिन्थियों 15:52

अरह् ऐजो पल्क-झप्कदे ऐगड़ी खे होंदो, अरह् आखरी तुरही-रंणशिन्गों फुक्रो ज़ालो, अरह् तियों तुरही-रंणशिंगों फुकर्दे ही मुड़्दे अभिनाँषी देह्-शरीर की दषा दे ऊबे बीऊँदे, अरह् आँमें बादे बद्ल़ी ज़ाँदे।

2 कुरिन्थियों 5:8

ईन्देंखे आँमें हिम्मत्त थंह्, अरह् देह्-शरीर शे ज़ई रंऐयों, प्रभू आरी रंहणों आछ़ो जाँणों।

फिलिप्पियों 1:23

किन्देंखे के हाँव दूई के बिचो दा अदमो दा लटकी रूआ, दिल तअ ऐशो चहाँव, के आप्णीं ऐजी देह्-शरीर छ़ुड़ियों ऐकदंम मसीया कैई ज़ाऊँ; किन्देंखे के ऐजो मुँखे बैजाऐ आछो असो।

1 थिस्सलुनीकियों 3:13

जू से तुवाँरा मंन ऐशा पाक्का करह्, के जबे अमाँरा प्रभू यीशू आप्णे पबित्र लोगो आरी आँव, तअ से अमाँरे पंण्मिश्वर अरह् पिता के सहाँम्णें पबित्रता दे नीर्दोष-बंणों।

1 थिस्सलुनीकियों 4:15

किन्देंखे के आँमें प्रभू के बचन के जाँणें तुँओं खे ऐजो बुलो, के आँमें जू जीऊँदे असो, अरह् प्रभू के आँणों तोड़ी बचे अंदे रऊँबे, आँमें तिनू मंरे अंदे शे आगे ने बड़्दी।

1 थिस्सलुनीकियों 4:18

ऐशा ही दाँई ईनू बातो लंई ओका ओकी खे होंस्ला देऐया करह्।

1 थिस्सलुनीकियों 5:10

प्रभू यीशू ऐ अमाँरी ताँईऐं प्राँण ईन्देंखे दित्ते, के आँमें जीऊँदे असो, भाँव मँरी ज़ाँव, परह् जबे से हजो पाछू आँव; तअ आँमें तिनकी गईलो जीऊँदें रंह्।

2 पतरस 3:13

परह् परमं-पिता पंण्मिश्वर के बाय्दे के मुँताबिक आँमें ऐक नुवों अस्माँन अरह् नऐं धर्ती का भूर्षा करह्, जिन्दा धार्मिक्त्ता बास कर्ली।

प्रकाशितवाक्य 1:7

देखो, से बाद्ल़ो आरी आँणों वाल़े असो, अरह् ऐक नाँम आँख तिनू देख्ली, परह् जिन्ऐं तिनू भिने थिऐ, से भे तिनू देख्लें, अरह् संईसारी-धर्ती के बादे कुल़ो के आदमी रूऐयों आप्णी-आप्णी छ़ाती-हिकुड़े पिट्ले। ऐष्णों जरूर हंदों। आमीन!

प्रकाशितवाक्य 11:12

तबे तिनू स्वर्गो शी ऐक धाव शुँणाई दिती, “ईथै ऊबे आओ!” ऐजो शुँणियों से बाद्ल़ो दे अशवार हऐयों आप्णें बईरी के देख्दे-देख्दे स्वर्गो दे हुटे।

प्रकाशितवाक्य 12:5

तियों तिरंई के ऐक टंड्का पय्दा हुआ, जुण्जा सोभी राज्य गाशी लोहे के मुँगरे लंई सोभी राज्य गाशी राज करदा थिया; परह् सेजो नहाँन्ड़िया ऊँबे थागियों, पंण्मिश्वर अरह् तिनके सिगाँस्णों तोड़ी पंईचाल़ी दितो।