1 थिस्सलुनीकियों 3:8 - Sirmouri

⁸ किन्देंखे के जे ऐबे तुँऐं प्रभू यीशू दे पाक्कै रंह्, तअ आँमें जीऊँदे असो।

सिरमौरी नौवाँ नियम

⁸ जिथुकै ऐबै ऐजौ जाणणौ कि तुऐं प्रभु दा मोजबूती शै बिशवाश कौरे लौआ, तौ ऐजौ आमु कारिए नौवें जीवन कै जैशणौ औसौ।

1 थिस्सलुनीकियों 3:8 ပူးပေါင်းရင်းမြစ်များ

यूहन्ना 15:4

तुँऐं मुँह्दे पाक्कै बंणें अँदे रंह्, तअ हाँव तुँओं दा बसा अँदा रँह्ऊबा; किन्देंखे के जे बाली-शाँऐं डाल़ी दी ने जुड़ी अंदी रँह्दी, तअ तिन्दे किऐ भे फल़ ने लागी सक्दे; तेष्णें ही जे तुऐं भे मुँह्दे जुड़े अँदे ने रँह्, तअ तुओं दे भे किऐ फल़ ने लागी सँक्दे।

यूहन्ना 15:7

जे तुँऐं मुँह्दे पाक्कै बंणें अंदे रंह्, अरह् मेरे बचन के शिक्षा तुँओं दी बंसी अंदी रंह्; तअ भाँव तुँऐं किऐ भे माँगों, तअ सेजी तुवाँरी माँग पुरी करी ज़ाँली।

यूहन्ना 8:31

तबे: प्रभू यीशू ऐ तिनू यहूदियों लोगो खे बुलो, जिन्ऐं तिनू गाशी बिश्वाष करी थुवा थिया; के “जे तुँऐं मेरी शिक्षायों का पाल़्ण कर्दे रंह्ले; तअ तुँऐं सोत्तिखे मेरे चैले बंण्ले।

प्रेरितो कै काम 11:23

जबे बरनबास ऐ तेथै पंह्ऊँच़ियों, पंण्मिश्वर के कृपा, अरह् शाँण्त्ति देखी; तअ से बैजाऐ खुशी-आनन्दित्त हऐ गुवा: अरह् संत्त-बरनबास ऐ सोभी लोगों खे प्रभू दे पाक्कै रंहंणों खे होंस्ला-हिमम्त्त दित्ती।

1 कुरिन्थियों 15:58

ईन्देंखे हे मेरे प्यारे भाऐ बंईणों पाके, अट्ल़, डटेअंदे रूऐ, अरह् तुऐं प्रभू की काँम-काज़ कर्णो खे बड़दे ज़ाव, किन्देंखे के तुँऐं ऐजो जाँणों ऐ, के तुऐं जू प्रभू खे मेंह्नत्त करी लऐ से बै-कार ज़ाँदी ने।

1 कुरिन्थियों 16:13

बीऊँजी रूऐ, बिश्वाषो दे पाकै रूऐ, हिम्मत करह्, तागतबर बंणों।

गलातियौं 5:1

मसीया ऐ आँमों अजाद करी थुऐ, जू आँमें अजादी का मंज्जा लऐ सको, ईन्देंखे आप्णें बिश्वाष पाक्का थुऐ, अरह् हजो मूसा खे भेटे गुऐ अज्ञाँ-निय्म के गुलाम ने बंणें।

इफिसियों 3:17

अरह् बिश्वाष के जाँणें मसीया तुवाँरे दिल-सासो दे बंसो, अरह् हाँव तुवाँरी ताँईऐं ऐजी प्रार्थना करू, के तुँऐं प्यार दे ज़ड़ पाक्ड़ियों आप्णी पह्-नींव पाक्की करह्,

फिलिप्पियों 1:21

किन्देंखे के मुँखे जीऊँदो रंहणों मसीया असो, अरह् मँरी ज़ाँणों लाभ असो।

फिलिप्पियों 1:27

सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

फिलिप्पियों 4:1

ईन्देंखे हे मेरे प्यारे भाऐ-बईणों, जिंदा मेरा जिऊँ लागी रंह्, जू मेरा आनन्द, अरह् शीर का ताज असो, हे मेरे दोस्तो, प्रभू दे ऐष्णें ही अट्ल़ रंह्।

कुलुस्सियों 1:23

तुँओं बिश्वाष दे पाक्के अरह् अट्ल बंणों अंदो रहणों पड़ो, जू तुँओं खे खुषख्बरी के जाँणें देऐ गऐ, सेजी खुषख्बरी अस्माँनों थाईली बादी संईसारी खे शुँणाऐं गऐ, अरह् हाँव पौलुस तिनका सेवक-दास असो।

1 थिस्सलुनीकियों 3:7

ईन्देंखे हे भाऐ-बंईणों, आँमों भे आप्णे बादे दु:ख्ह, कल़ेष दी तुवाँरे बिश्वाष के जाँणें शाँण्त्ति भेंटी।

इब्रानियों 10:23

ऐबे आँमें बिना शंक-शुभे के आप्णाँ तेसी भूर्षे दे पाक्कै अट्ल़ रंह, जेसी आँमें धारण करी थुवा; किन्देंखे के जिन्ऐं बाय्दा करी थुवा, से बिश्वाष ज़ूगै असो।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

इब्रानियों 4:14

किन्देंखे के जबे अमाँरा ऐष्णा बड़ा महाँ-याजक असो, जू स्वर्गो दा हुटा, मतल्व पंण्मिश्वर का बैटा प्रभू यीशू, तअ आव आँमें आप्णे धारण करे अंदे बिश्वाष दे पाक्कै अरह् डटे-अंदें रंह्ऊँबे।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

2 पतरस 3:17

ईन्देंखे हे प्यारे साथियों, तुँऐं लोग आगे ही ईनू बातो जाँणियों च़ौक्क्ष रंह्, जू अ-धर्मी-पापी के जाल़ो दे फशियों आप्णी दृड्ता आप्णें हाथे ने गुवाँल़ों।

प्रकाशितवाक्य 3:11

हाँव शीघा ही आँणों वाल़ा असो; जू किऐ ताँव कैई असो, तैथू थाँम्बड़ों अंदो थुऐं, जू कुँऐं तेरो मुँकुट-ताज ताँव कैई शो आगू ने द्ढ़ो।

प्रकाशितवाक्य 3:3

ईन्देंखे चींत्ते करह् के तुँओं केष्णी शिक्क्षा भेटी, अरह् केष्णों तुँऐं शुँणों, अरह् तियों शिक्क्षा दा पाक्का अट्ल़ बँणा अँदा रंह्, अरह् आप्णा मंन बदल़। अरह् जे तू ऐबे भे शुझ़ी दा ने आया, तअ हाँव चोर जेष्णाँ आँऊबा, जू ताँव कैई पता ही ने लागो, के हाँव कोसी बख्ते ताँव गाशी पड़ूबा।