1 थिस्सलुनीकियों 3:6 - Sirmouri

⁶ परह् हेबी तीमुथियुस ऐ, जू तुँओं कैई शा ईथै आऐ रूआ, ऐने तुवाँरे बिश्वाष अरह् प्यार का समाँचार शुँणाँया, अरह् ऐजी बात भे शुँणाई के तुँऐं बादे प्यार शे आँमों चित्ते करह्; अरह् आँमों देखणों की हिछ़या करह्, जेष्णी आँमें भे तुँओं देखणों के हिछा करह्।

सिरमौरी नौवाँ नियम

⁶ पौरौ इबी तीमुथियुसे जू तोंवारै धोरे पौरैशा अमारै इथै आयौ, तोंवारै बिशवाश औरौ प्यार का सुसमाचार शुणौऊवा। इयौं बातौ खै बै शुणाए, कै तुऐं सौदा प्यार कै साथै आमुखै याद कौरौ, औरौ आमुखै दैखणौ कै लालसा बै राखौए, जैशैखै आमै बै तुऔं दैखणौ कै राखुए।

1 थिस्सलुनीकियों 3:6 ပူးပေါင်းရင်းမြစ်များ

प्रेरितो कै काम 16:1

तबे संत्त-पौलुस अरह् सीलास दिरबे अरह् लुस्त्रा दे भे हुटे। तेथै तीमुथियुस नाँव का ऐक चैला थिया, जू कोसी बिश्वाषी यहूदीन तिरंई का बैटा थिया, परह् तेस्का बाबा यूनानी थिया।

प्रेरितो कै काम 18:1

तबे संत्त-पौलुस एथेंस नंगर छुड़ियों कुरिन्थियों दा आया।

प्रेरितो कै काम 18:5

जबे सीलास अरह् तीमुथियुस मकीदुनिया शे आऐ, तबे संत्त-पौलुस बचन शुँणाँणों की लगंन दा यहूदियों खे गुवाऐ-शाज़्त्त देंदा लागा, के यीशू ही मसीया असो।

1 कुरिन्थियों 11:2

हे भाईयों-बंईणों, हाँव तुँओं खे शबाषी देऊँ, के बादी बातो दा तुँऐं मुँह चीते थंह्; अरह् जुण्जे भुवार मुँऐं तुँओं कैई शे शुणाँऐं थुऐ, तुँऐं तिन्दे का ही पालन करे।

1 कुरिन्थियों 13:13

परह् ऐबे बिश्वाष, भूर्षा, अरह् पियार, ऐजे चींन्ने अट्ल़ असो, परह् ईन्दों सोभी शो जादा पियार बोढ़ो असो।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

फिलिप्पियों 1:8

ईदा पंण्मिश्वर मेरा गुवाह्-शाज़्त असो, के हाँव मसीया प्रभू यीशू का जिया प्यार करियों; हाँव तुँओं सोभी की हिछ़या करू।

कुलुस्सियों 1:4

किन्देंखे के आँमें मसीया यीशू गाशी तुँवारा बिश्वाष अरह् पंण्मिश्वर के बादे पबित्र लोगो खे तुवाँरे प्यार के बारे दो शुँणी थुओ;

कुलुस्सियों 4:18

मेरा पौलुस का आप्णे हाथे लिखा अंदा नमंष्कार। हाँव हेबी भे कय्द असो, ऐजो तुऐ भे चित्ते थुऐं; अरह् तुँओंखे शाँण्त्ति भेटो। आमीन

1 थिस्सलुनीकियों 1:3

अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

1 थिस्सलुनीकियों 2:17

हे भाऐ-बंईणों, जबे आँमें ऐगड़ी खे तुँओं आरी शे बिछ़ड़ी गुऐ थिऐ, सोंच-बिचारो शे ने परह् सिर्फ देह्-शरीर शे; परह् आँमें तुँओं आरी भेंटिणों खे काऊँल़ी रंह्, आँमें बैगेही पराऊँणी रंह्।

1 थिस्सलुनीकियों 2:9

किन्देंखे के, हे भाऐ-बंईणों, तुँऐं अमाँरो छियाँईतोंण अरह् चरी चित्ते करह्; आँमें रात-देस काँम कर्दे तुँओं मुझी पंण्मिश्वर की खुषख्बरी शुँणाँऐं के तुँओं कोसी गाशी भी आँमें बोझ़ ने बंणों।

1 थिस्सलुनीकियों 3:7

ईन्देंखे हे भाऐ-बंईणों, आँमों भे आप्णे बादे दु:ख्ह, कल़ेष दी तुवाँरे बिश्वाष के जाँणें शाँण्त्ति भेंटी।

2 थिस्सलुनीकियों 1:3

हे भाऐ-बंईणों, तुवाँरे बारे दा आँमों हर बख्ते पंण्मिश्वर का धन्यबाद करणा पड़ो, अरह् ऐजो ठीक असो, ईन्देंखे के तुवाँरा बिश्वाष बैजाऐ बढ़दा ज़ाँव, अरह् तुँओं सोभी को प्यार आपु मुझी बैजाऐ बढ़दो लागो।

1 तीमुथियुस 1:5

अज्ञाँ का मंतल्व ऐजा असो, के शुद्ध मंन अरह् आछे बरताव, अरह् बिना कऊँट्ल़े बिश्वाषों लई प्यार पय्दा हों।

2 तीमुथियुस 1:3

हाँव रात्त-देस आप्णी प्रार्थनाओं दे तुओं चींत्ते कर्दे पंण्मिश्वर का धन्यबाद करू, जिनकी सेवा हाँव आप्णें शुद्ध बीचार शी तेष्णीं ही करू; जेष्णीं के मेरे पुराँणिऐं करह् थिऐ।

फिलेमोन 1:5

किन्देंखे के हाँव तेरा प्रभू यीशू गाशी बिश्वाष अरह् सोभी प्रभू के लोगो आरी पियार के बारे दी बातो के चर्चा शुणू,

इब्रानियों 13:3

कय्दी का ऐशा शुज़ा करह्, ऐशो जाँणियों के तुँऐं भे तिनकी गईलो कय्दी असो, अरह् जिनकी गईलो बुरा बर्ताव करा ज़ाँव तिनका ऐशा जाँणियों शुज़ा करह् के आँमें भे ईन्के ही जिऐ सुख्ह-दुख्ह भोगणों वाल़े लोग असो।

इब्रानियों 13:7

जू तुवाँरें अगवाँल़ थिऐ, अरह् जिन्ऐं तुँओं कैई शा पंण्मिश्वर का बचन शुणाँया, तिनू चित्ते थुऐं, तिनकी जीवन के रित्त के नतिजे गाशी बिचार करह्; अरह् तिनके जिया बिश्वाष कर्णो के कोशिष करह्।

1 यूहन्ना 3:23

ऐजी पंण्मिश्वर की अज्ञाँ असो, के आँमें तिनके बैटे मसीया प्रभू यीशू के नाँव गाशी बिश्वाष करह्, अरह् आँमों मुँझी पियार हों, जैष्णी तिन्ऐ आँमों खे अज्ञाँ देऐ थऐ।