1 थिस्सलुनीकियों 2:9 - Sirmouri

⁹ किन्देंखे के, हे भाऐ-बंईणों, तुँऐं अमाँरो छियाँईतोंण अरह् चरी चित्ते करह्; आँमें रात-देस काँम कर्दे तुँओं मुझी पंण्मिश्वर की खुषख्बरी शुँणाँऐं के तुँओं कोसी गाशी भी आँमें बोझ़ ने बंणों।

सिरमौरी नौवाँ नियम

⁹ ओए रै बिशवाशी भाईयों, तुऐं अमारै मैहनत औरौ कोष्ट खै याद राखौए, कै आमुए इथकारिए रात दूस काम धन्धा कौरदै बैई तुऔं मुंजी पौरमेशवर का सुसमाचार प्रचार कौरा, ताकि तुऔं अमारै जौरुरतौ का ख्याल नी राखणा पौड़ौ।

1 थिस्सलुनीकियों 2:9 ပူးပေါင်းရင်းမြစ်များ

लूका 18:7

ईन्देंखे कियो पंण्मिश्वर आप्णे छाँटे अंदें, का नियाँव करदा ने; जुण्जे लोग रात्ती-देसो प्रभू के नाँव का जाप कर्दे रंह? कियों से तिनू लोगो के बारे दी किऐ देर कर्दे? ऐशो ने हंदी।

लूका 2:37

से चरासी सालो शुभे बिधवा थी: अरह् से देऊँठी ने छुड़ो थी, परह् बरत अरह् प्रार्थना करी-करियों रात्ती देसो स्तुति दी लींन रंह् थी।

प्रेरितो कै काम 18:3

अरह् तेस्की गंईलो काँम-काज़ कर्णों वाल़ा, तेस्का साथी आप्णाँ काँम-काज़ करदा रूवा; किन्देंखे के से दुईन्नें ऐक ही काँम-काज़ करह् थिऐ, ताँम्बू बाँण्णों का।

प्रेरितो कै काम 20:24

मेरी नंजरी दे, मेरे जीवन-प्राँण के किऐ भे मोंल-किमम्त्त ने आथी; मेरे आप्णी जीयाँन-प्राँण प्यारे आथी ने: हाँव सिर्फ आप्णीं सेजी दोऊँड़ खह्त्तंम कर्णी चहाँऊ; अरह् सेजी सेंवा पुरी कर्णी चहाँऊ; जुण्जी प्रभू यीशू ऐं मुँह्खें देऐ थंऐ, मतल्व हाँव पंण्मिश्वर के कृपा की खुषख्बरी की गुवाऐ-शाज़्त्त देंदा रंह्ऊँ;

प्रेरितो कै काम 20:31

ईन्देंखे संकन्नै-च़ौक्ष रूऐ, अरह् ऐजो चींत्ते थुऐ; के मुँऐ आशू बुवाऐ-बुवाऐयों, च़ींन साल्ह तोड़ी देस-रात्त तुओं मुँझी, ऐक नाँम आदमी संचेत्त करी थुऐ।

रोमियों 1:1

संत्त-पौलुस की ढबे शी जू यीशू मसीया का दास अरह् प्रभू यीशू के खास-चैला बण्णों खे बंईदा गुआ, अरह् पंणमिश्वर की तियों खुषख्बरी की प्रचार खे ज़ई करा गुवा,

रोमियों 15:16

के हाँव गऐर यहूदी खे मसीया यीशू का दास बंणियों पंणमिश्वर की खुषख्बरी की सेवा याजकों जैष्णी करू; जिन्दे लई गऐर यहूदी लोग पंणमिश्वर कैईं धारण कर्णो ज़ुगी भेंट बंणी सको, अरह् पबित्र-आत्त्मा के जाँणें पंणमिश्वर खे पुरे ढंग शे पबित्र बंणों।

रोमियों 15:19

अरह् चींन-निशाँणी अरह् बड़े काँम-काज़ की शक्त्ति शी अरह् पबित्र-आत्त्मा की शक्त्ति शी मेरे जाँणें करी; ऐतै ज़ूगी के मुँऐ यरूशलेम शी ऊँडी चौऊँँ ढबे इल्लुरिकुम तोड़ी मसीया की खुषख्बरी का पुरा-पुरा प्रचार करा।

1 कुरिन्थियों 4:12

आँमें आप्णे ही हाथे टह्ल अरह् मेंह्न्त करह्। लोग अमाँरी बुराऐ करह्, परह् आँमें तिनखें आशिर्बाद दियों; आँमों सताँऐ ज़ाँव, परह् आँमें सबेर करियों सेजो बादो सहय्न करह्।

1 कुरिन्थियों 9:15

परह् मुँऐ तुँओं गाशी ऐजा किऐ हंक-अधिकार के जताई, अरह् ना मुँऐं ऐसी मतल्व शी ऐजी पत्री लिखी थई; के तुँऐं मेरी ताँईऐं किऐ करह्, ईन्दें शो आछो तअ मेरो मरी ज़ाणों ही भलो असो; के कुँऐं मेरा ऐजा तुँओं गाशी हंणों वाल़ा तारीफ बैकार बंणाँव।

1 कुरिन्थियों 9:18

तअ मुँखे कुँण्जा प्रत्तिफल़ असो? ऐजा के खुषख्बरी शुणाँणों खे प्रभू यीशू मसीया का प्रचार हाँव ऐई मुँझी मुफ्त शुणाँऊ; ऐथै तोड़ी के खुषख्बरी शुणाँणों का जू मेरा हंक-अधिकार असो, कियों हाँव सेजा भे सुवाँ करियों शुणाँऊ ने।

1 कुरिन्थियों 9:4

तुँओं कैई शी किऐ मदत माँगणी अमाँरा हंक-अधिकार आथी ने?

2 कुरिन्थियों 11:27

मुँऐ कंऐयों रात्ती बीऊँजी रंऐयों; भूखे-पियासे रंऐयों, कंऐयों जुनों च़ूटी; शेल़ै-जाड़े ठीके खट्ंणों के बीना; बैजाऐ मेंह्नत करी, अरह् कंऐयों मुँषकिलो भुगत्ती।

2 कुरिन्थियों 11:9

अरह् जबे हाँव तुँवारी गईलो थिया, अरह् मेरे किऐ कम्मी पड़ी, तअ हाँव कोसी गाशी बोह्झ़ ने बंणी; किन्देंखे के बिश्वाषी भाऐं मकिदुनिया शे आऐयों मेरी कम्मी पुरी करह् थिऐ; अरह् मुँऐं हर बात दा आप्णा बोह्झ़ तुँओं गाशी ने पाई, अरह् ना कद्दी पाँदी।

2 कुरिन्थियों 6:5

कोड़े खाँणों दे, कय्द हंणों दे, हारकुँण्जी दे, मेहन्त्त दे, बीऊँजी रंहणों दे, बरत कर्णो दे,

फिलिप्पियों 4:16

जेशी दाँई जबे हाँव थिस्सलुनीके नंगर दा थिया, तबे भे तुँऐं मेरी घटी पुरी कर्णो खे बार-बार किऐ ना किऐ जरूर डेयाल़ो थिऐ।

1 थिस्सलुनीकियों 1:3

अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

1 थिस्सलुनीकियों 2:2

परह् तुँऐं आपु ही जाँणो ऐ, के आगे फिलिप्पी दा दु:ख्ह भुगणें अरह् कल़ेष सुँहणों गाशी भे अमाँरे पंण्मिश्वर ऐ आँमों खे ऐशी दीड़-हिम्मत दिती, के आँमें पंण्मिश्वर की खुषख्बरी का बैजाऐ बिरूध हंदे भे तुँओं कैई शी शुँणाँऐ।

1 थिस्सलुनीकियों 2:6

आँमें लोगो कैई शा किऐ माँन-समाँन ने चहाँदे, ना तुँओं कैई शा, ना कोसी ओकी कैई शा, आँमें मसीया के खास-चैले के रूप दा आप्णा हंक-अधिकार चलाऐ सको थिऐ;

1 थिस्सलुनीकियों 3:10

आँमें रात्ती देसो बैजाऐ प्रार्थना करह्, के आँमें तुवाँरा मुँह देखो अरह् तुवाँरे बिश्वाष की कंम्मी पुरी करह्।

1 तीमुथियुस 1:11

ऐजी शिक्क्षा पंण्मिश्वर की बड़ियाऐ की खुषख्बरी के मुँताबिक शी असो, अरह् हर प्रकार के कृपा देंणों वाल़े, महाँन परंम-पिता पंण्मिश्वर शी भेंटी रंह्, जू मुँह कैई देऐ थऐ।

1 तीमुथियुस 4:10

किन्देंखे के आँमें मेह्न्त अरह् कोशिष ईन्दी खे करह्, के अमाँरा भूर्षा तेसी जीऊँदे पंण्मिश्वर गाशी असो; जू बादे आदमी का अरह् खास-करियों बिश्वाषियों का छ़ुट्कारा करह्।

1 तीमुथियुस 5:5

अरह् जिनू बिध्वा के सोत्तिखे मंदत्त के जरूरत्त असो, अरह् तैयारा मंद्दतगार कुँऐं ने आथी; से सिर्फ पंण्मिश्वर गाशी भुरषा थंह्, अरह् से रात्त-देस बिन्त्ती अरह् प्रार्थना दे मंगन रंह;

2 तीमुथियुस 1:3

हाँव रात्त-देस आप्णी प्रार्थनाओं दे तुओं चींत्ते कर्दे पंण्मिश्वर का धन्यबाद करू, जिनकी सेवा हाँव आप्णें शुद्ध बीचार शी तेष्णीं ही करू; जेष्णीं के मेरे पुराँणिऐं करह् थिऐ।