1 थिस्सलुनीकियों 2:8 - Sirmouri

⁸ अरह् तैष्णी ही आँमें भे तुँवारी हिछ़या कर्दें ना सिर्फ पंण्मिश्वर की खुषख्बरी गाशी आप्णे-आप्णे प्राण भे तुँओं खे देणों खे तैयार थिऐ, ईन्देंखे के तुँऐं अमाँरे प्यारे ज़ाऐ रूऐ थिऐ।

सिरमौरी नौवाँ नियम

⁸ आमै तुऔंआरी ऐतरा प्यार कौरु कै सिरफ पौरमेशवर का सुसमाचार शुणाणौ कारिए ही नी पौरौ तोंवारै खातिर आपणा प्राण बै दैणौ कारिए तैयार थिए। इथकारिए कै आमै तुऔंआरी बैजाए प्यार कौरु थिए।

1 थिस्सलुनीकियों 2:8 ပူးပေါင်းရင်းမြစ်များ

लूका 7:2

तेथै ऐक ठाँणेदार का ऐक दास थिया, जू तैसी ठाणेदार के बैजाऐ प्‍यारा थिया, से अलाचार बीमार घड़्ड़ी लाऐयों, मर्णों वाल़ा थिया।

रोमियों 1:1

संत्त-पौलुस की ढबे शी जू यीशू मसीया का दास अरह् प्रभू यीशू के खास-चैला बण्णों खे बंईदा गुआ, अरह् पंणमिश्वर की तियों खुषख्बरी की प्रचार खे ज़ई करा गुवा,

रोमियों 10:1

हे भाऐ बंईणों, मेरे मंन की हिछ़ा ऐजी असो, के इस्राएली लोगो खे, अरह् पंणमिश्वर शी मेरी ऐजी प्रार्थना असो, के से छूट्कारा पाँव।

रोमियों 15:29

अरह् हाँव जाँणूऐं, के जबे हाँव तुँओं कैई आँऊबा, तअ मसीया की बादे आशिर्बाद आरी आँऊबा।

2 कुरिन्थियों 12:15

हाँव तुँवारी आत्त्मा खे बैजाऐ आँनन्द शा खर्च करूबा, परह् आपु भे बिक्की ज़ाँऊबा। कियों जेतोड़ो बैजाऐ हाँव तुँओं आरी पियार करू, तेती ही कंम तुँऐं मुँह आरी पियार थह्ले?

2 कुरिन्थियों 6:1

आँमें जू पंण्मिश्वर के साजी असो, ऐजो भे सम्झों ऐ, के तिन्की कृपा जू तुँओं गाशी हऐ, तियों बै-कार ने ज़ाणों दियों

गलातियौं 4:19

हे मेरे नहाँन्ड़िया! जाँव तोड़ी तुँऐं मसीया का रूप जिया ने बणे, ताँव-तोड़ी मुँऐं सुणों की जेई पिड़ो सह्ऐ लई।

फिलिप्पियों 1:8

ईदा पंण्मिश्वर मेरा गुवाह्-शाज़्त असो, के हाँव मसीया प्रभू यीशू का जिया प्यार करियों; हाँव तुँओं सोभी की हिछ़या करू।

फिलिप्पियों 2:17

तुँवारा बिश्वाष ऐक बल़ी के रूप दा असो, अरह् जे मेरो लह्ऊँ तुँवारी बल़ी गाशी पेरी देईलो तअ हाँव भे तुँवारी खुशी आरी खुशी असो।

फिलिप्पियों 2:20

किन्देंखे के मुँह कैई ऐष्णें आछे सभाव का कुँऐं ने आथी, जू शुद्ध मंन शी तुँवारी चिंन्त्ता-फिकर करह्।

फिलिप्पियों 4:1

ईन्देंखे हे मेरे प्यारे भाऐ-बईणों, जिंदा मेरा जिऊँ लागी रंह्, जू मेरा आनन्द, अरह् शीर का ताज असो, हे मेरे दोस्तो, प्रभू दे ऐष्णें ही अट्ल़ रंह्।

कुलुस्सियों 1:28

जिनका प्रचार करियों आँमें हर ऐक आदमी च़ौक्क्ष करी दियों, अरह् बादे ज्ञाँन शे ऐक नाँम आदमी कैई शो शिखाँव ऐ, के आँमें ऐक नाँम आदमी खे मसीया दा पाक्का सीद्ध करियों हाजिर करह्।

कुलुस्सियों 1:7

ठीक तेष्णीं ही शिक्क्षा जेष्णीं के तुँओं अमाँरे प्यारे साथी इपफ्रास कैई शी भेटी, जू आँमों खे मसीया का बिश्वाष ज़ूगा दास-सेवक असो।

कुलुस्सियों 4:12

भाऐ-इपफ्रास, जू तुँओं मुझ्षा असो, अरह् मसीया का दास असो, तुँओं खे नमंष्कार बुलो, अरह् सदा तुँओं खे प्रार्थना दा लागा अंदा रंह, जिन्दे लई तुऐ लोग बादी बातो दे पंण्मिश्वर के हिछ़या पुरी करियों, पुरी कर्णो दे पाक्के बंणों।

फिलेमोन 1:1

पौलुस की ढबे शी जू मसीया प्रभू यीशू का कय्दी असो, अरह् भाऐ तीमुथियुस की ढबे शी, अरह् अमाँरी काँम-काज दा साथ देणों वाल़े प्यारे फिलेमोन,

इब्रानियों 13:17

आप्णे अगुऐ के अज्ञाँ माँनों, अरह् तिनके बष दे रंह्, किन्देंखे के से तिनके जैष्णें तुवाँरे पराँणों खे बीऊँजी रंह्, जैष्णें के तिनकी ताँईऐं जिनू आप्णा लेखा-ज़ोखा देणा पड़ो, तिनकी अज्ञाँ माँनों जिन्दे लई तिनखे आँनन्द-खुशी भेटो, ऐशो ने के से तिनखे बोझ़ बंणों। किन्देंखे के तिन्दे लई तुँवारी किऐ भलाऐ ने हंदी।

1 यूहन्ना 3:16

पियार का असो? ऐजो आँमें ईन्दें लई जाँणों: के मसीया प्रभू यीशू ऐ अमाँरी ताँईऐं आप्णी जीयाँन-प्राण की कुरबाँणी दिती, ईन्देंखे अमाँरा ऐजा फरज बंण्दा ने, के आँमों खे भे आप्णें भाई-बंईणों की ताँईऐं आप्णें प्राण-जीयाँन कुरबाँण कर्णे ठीक आथी ने।