1 थिस्सलुनीकियों 2:7 - Sirmouri

⁷ परह् जेष्णाँ माँ-बाबा आप्णे नहाँन्ड़िया का पालण-पोष्ण करह्, तेष्णा ही आँमें भे तुँओं मुँझी रंह्ऐयों नरमाँऐं देखाऐ थई;

सिरमौरी नौवाँ नियम

⁷ पौरौ जैशैखै माँ आपणै नानड़िया का पालन पोषण कौरौ, तैशैखैई आमै बै तोंवारै बीच दै रौयौ कोमलता दिखाए।

1 थिस्सलुनीकियों 2:7 ပူးပေါင်းရင်းမြစ်များ

प्रेरितो कै काम 13:18

पंण्मिश्वर ऐं च़ाल़ीष साल्ह तोड़ी शुन-शाँन जागा दा तिनका बर्ताव संह्ऐन करा।

1 कुरिन्थियों 2:3

हाँव कंमजूरी अरह् डरियों, अरह् बैजाऐ काँम्ब्लियों तुँवारी गईलो रूआ;

1 कुरिन्थियों 9:22

कंमजूरो खे कंंमजोर बणा, जू हाँव तिनू कंंमजोर लोग भे खींचियों लियाँऊ। हाँव सोभी आदमी खे सब-कुछ बंणा के कैशे ही दाँई भे हाँव कोसी ऐक खे छ़ूट्कारा देयाऐ सकूँ।

2 कुरिन्थियों 10:1

हाँव, पौलुस खास करियों मसीया की नरमाँऐं अरह् सहय्नशिलता हाजिर जाँणियों तुवों खे ढाल-अरज करू, किन्देंखे के लोगों का ऐजा बुल्णाँ असो, के हाँव तुँओं मुँझी रंह्ऐयों दीन-नंम्बर असो, परह् जबे हाँव तुँओं मुझी ने हंदा तअ तुवों शा हाँव नीडर असो।

2 कुरिन्थियों 13:4

से तिनू कंमजूरी के कारण शुँल़ी-फ़ाँशी तअ चढ़ाऐ तअ गुऐ; तबे भी पंण्मिश्वर की शक्त्ति शे जीऊँदी असो। आँमें भे तिन्दें कंंमजोर असो, परह् पंण्मिश्वर की शक्त्ति शे जू तुँओं खे असो, तिनकी गईलो जींऊँबे।

गलातियौं 4:19

हे मेरे नहाँन्ड़िया! जाँव तोड़ी तुँऐं मसीया का रूप जिया ने बणे, ताँव-तोड़ी मुँऐं सुणों की जेई पिड़ो सह्ऐ लई।

1 थिस्सलुनीकियों 2:11

तुँऐं जाँणो ऐ के बाबा केष्णाँ आप्णे नहाँन्ड़िया की गईलो बरताव करह्, तेष्णा ही आँमें भे तुँओं मुँझ्षा, ऐकी नाँम खे शिक्क्षा दियों, अरह् शाँण्ति देंदे सम्झाँव थिऐ

याकूब 3:17

परह् जुण्जा ज्ञाँन स्वर्गो शा आँव, से आगे तअ पबित्र हों, तबे मिल्नसार, कोमल, मित्रता, दया-रंय्म, अरह् आछ़ै फल़ शा लदा अंदा अरह् बिना अप्णोंट वाल़ा, अरह् बिना कपट का शुद्ध हों।