1 थिस्सलुनीकियों 2:4 - Sirmouri

⁴ जैष्णें पंण्मिश्वर ऐ आँमों ईन्दें ज़ुगे जाँणियों आँमों कैई ऐजी खुषख्बरी दित्ती, अरह् आँमें तेष्णा ही बखाँण भे करा, आँमें लोगो खुशी कर्णो की कोशिष ने कर्दे, परह् आँमें तअ तेसी पंण्मिश्वर खुशी करह्, जू अमाँरे मंन का भैद् जाँणियों पर्खोऐ।

सिरमौरी नौवाँ नियम

⁴ पौरमेशवरे आमुखै काबिल सौमझेयौ सुसमाचार सौंपै राए। इथकारिए आमु आदमियों कै नी, पौरौ अमारै दिल खै पौरखणौ वाल़ै पौरमेशवर खै खुश कौरणौ कारिए उपदैश दियु।

1 थिस्सलुनीकियों 2:4 ပူးပေါင်းရင်းမြစ်များ

लूका 12:42

प्रभू यीशू ऐ बुलो, के “सेजा बिश्वाष ज़ूगा, अरह् ईमाँनदार ठगड़ा भडारी कुँण असो; जैसी तेस्का माँलिक आप्णें ओकी दास-दासियों गाशला मुँख्या बाँणाओं; जू से तिनू सोभी बख्त्तों गाशी जै-तड़ो भोजन देंणो पड़ो तै-तोड़ा ही भोजन दियों।

लूका 16:11

ईन्देंखे जबे तुँऐं संईसारिक धंन दे भे ईमाँनदार ने आथी; तअ तबे साच्चो धंन तुओं कैई थंणों खे कुँण देंदा?

यूहन्ना 21:17

प्रभू यीशू ऐ च़ीज़ाल़िऐ पुह्छ़ो; “हे शमौन यूहन्ना का बैटा, कियो तू मुँह आरी प्यार करे?” तबे शमौन-पतरस ऊदास हुआ, के प्रभू यीशू ऐ मुँह कैई शो ऐजो च़ीज़ाल़िऐं कैई पुह्छ़ो; के “कियो तू मुँह आरी प्यार करे ऐ?” तबे संत्त-पतरस ऐ, प्रभू यीशू खे जबाब दिता; “हें प्रभू! तुँऐं तअ सब-कुछ़ जाँणों ऐ; अरह् तुऐ ऐजों भे जाँणों ऐं, के हाँव तुओं आरी प्यार करू।” तबे प्रभू यीशू ऐ संत्त-पतरस खे बुलो, “मेरी भैड़ो चराओं।”

रोमियों 8:27

अरह् पंणमिश्वर जू अमाँरे मंन का पर्खणों वाल़ा असो; से जाँणोंऐं, के पबित्र-आत्त्मा का बुलो? किन्देंखे के पबित्र-आत्त्मा पंणमिश्वर के हिछ़ा के मुँताबिक संत्त-तीतुस लोगो की ताईऐं अरज-बिनती करह्।

1 कुरिन्थियों 7:25

कुवाँरी के बारे दी प्रभू कैई शी किऐ भे अज्ञाँ मुँह ने भेंटी रंई, परह् बिश्वाष ज़ूगा हंणों खे जैष्णी दया-रंय्म प्रभू ऐ मुँह गाशी करी थऐ, तिन्दी के मुताबिक सहमत्ती देऊँ।

1 कुरिन्थियों 9:17

किन्देंखे के जे हाँव आप्णी हिछ़या शी खुषख्बरी प्रचार करू, तअ मुँह तिन्दे का प्रत्तिफल़ भेट्दा; अरह् जे हाँव आप्णी हिछ़या शा प्रचार ने करदा, तबे भे ऐजी मेरी जुमेंबारी असो।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

2 कुरिन्थियों 4:2

परह् आँमें बै-शर्मी की अरह् चुप्पी की काँम-काज़ छ़ुड़ी दिती, ना चपलुसी शे चाल्दे, अरह् ना पंण्मिश्वर के बचन दी किऐं मिलावट कर्दे; परह् सच्चाऐ पर्गट करियों, पंण्मिश्वर के साम्णें ऐक नाँम आदमी के मंन दी आप्णी भलाऐ बईठाल़ो।

2 कुरिन्थियों 5:11

ईन्देंखे प्रभू के डरे, आँमें लोग सम्झाव; परह् पंण्मिश्वर कैई अमाँरे हाल का पता असो, अरह् मेरा भूर्षा ऐजा असो, के तुवाँरे मंन दा भे पर्गट हुआ चैई।

2 कुरिन्थियों 5:16

तअ: ऐबे शे आँमें कोसी देह्-शरीर के मुँताबिक ने जाँणों, परह् आँमें मसीया भे देह्-शरीर के मुताबिक जाँणें थिऐ, तबे भे ऐबे ऐष्णा ने जाँण्दी।

गलातियौं 1:10

कियों ईन्दें लई तुवाँरे ऐशो जाँणियों, के हाँव आदमी की सहाऐता चहाँऊ? के ऐजो, के मुँह पंण्मिश्वर के सहाऐता भेटी चेंई? के हाँव आदमी खुशी कर्णें चहाऊँ? परह् जे हाँव आदमी खुशी करदा तअ हाँव मसीया के दास जेष्णाँ ने हंदा।

गलातियौं 2:7

परह् तिनू मुँख्या लोगे दे:खो, के पंण्मिश्वर मुँह कैई ऐष्णी ही ऐक प्रभू यीशू के टह्ल देऐ थऐ, जैष्णी संत्त-पतरस कैई पंण्मिश्वर यहूदियों खे खुषख्बरी शुणाँणों की टह्ल देऐ थऐ थी; परह् पंण्मिश्वरे गऐर यहूदी लोगो खे खुषख्बरी शुणाँणों की टह्ल मुँह कैई दिती।

इफिसियों 3:8

मुँखे जू पंण्मिश्वर के लोगो मुँझ्शा सोभी शा छुटा असो, मुँखे ऐजा बरंदाँण भेटी रूआ, के हाँव गऐर यहूदी खे मसीया की अपरंम-पार कृपा के खुषख्बरी शुँणाँऊ;

इफिसियों 6:6

आदमी के खुश कर्णो वाल़े जिऐ देखावे खे ने, परह् मसीया के दासो के जीऐ मंन शी पंण्मिश्वर की हिछ़या गाशी चालो;

कुलुस्सियों 3:22

हे दासो, संईसारी दा जू तुवाँरा माँलिक असो, बादी बातो दी तिनकी अज्ञाँ माँनणो का पालण करह्; तुँऐं सिर्फ आदमी के खुश कर्णो के देखावे खे ने; परह् मंन के कऊँट्ल़ों बिना प्रभू गाशी ध्याँन थऐयों ऐष्णों करह्।

1 तीमुथियुस 6:20

हे तीमुथियुस, ताँव कैई जू देऐ थो, तिन्दे के देख-भाल़ करह्; अरह् बै-कार की संईसारीक बातो शा बंचियों रंह्, परह् तू झ़ूट्ठै ज्ञाँन के बिश्वाष शा दुरका ही रूऐ,

2 तीमुथियुस 1:14

पबित्र-आत्त्मा के कारण, जिनका आँमों दा बास असो, तियों पबित्र-आत्त्मा की मंद्दत्त शी जुण्जी अंनमोंल खुष्खबरी तुओं कैई देऐ थंऐ, तिन्दें की आच्छ़ी रंख्वाल़ी करे।

2 तीमुथियुस 2:2

अरह् जू बातो तुँऐं भहीते गुवाह्-शाज़्त्त के सहाँम्णें मुँह कैई शी शुँणी थई, तिनू बातो तेसी ईमाँनदार बिश्वाषी भाई कैई दे; जू ओकी कैई शे भे शिखाँणों ज़ूगा हों।

तीतुस 1:3

परह् ठीक बख्तो गाशी आप्णा बचन तेसी प्रचार के जाँणें पर्गट करा, जू अमाँरे छूट्कारा देणों वाल़े पंण्मिश्वर के अज्ञाँ के मुँताबिक मुँह कैई देऐ थुवा।

इब्रानियों 4:13

पंण्मिश्वर की नंजरी शी ईयों संईसारी की किऐ भी चीज चुप्पी ने थईदी; तिनकी नंजर के सहाम्णें जिनके साम्णें आँमों बादा लेखा-ज़ौखा देणाँ पड़ो, तिनके सहाँम्णें बादी चिजो आपु खुली अरह् पर्गट हों।

1 पतरस 4:11

जे कुँऐं बचन बुलो, तअ तेष्णा बुलो, जेष्णाँ तेसी पंणमिश्वर कैई शा भेटियों तेने बुली लुवा; जे कुँऐं सेवा करह्, तअ तियों शक्त्ति शी करह्, जैष्णी पंणमिश्वर कैई शी भेटी रूऐ; जिन्दे लई बादी बातो दी प्रभू यीशू मसीया के जाँणें, पंणमिश्वर की बड़ियाऐ पर्गट हों; बड़ियाऐ अरह् शक्त्ति सदा-सदा तिनकी ही असो। आमीन।

प्रकाशितवाक्य 2:23

हाँव तिनके नहाँन्ड़िया माँरी देऊँबा; तबे बादी कलीसियाऐं जाँणी पाली, के दिल अरह् मंन का पर्ख्णो वाल़ा हाँव ही असो, अरह् हाँव तुँओं मुँझी शे ऐकी नाँमों खे तिनके काँम-काज़ के मुँताबिक बद्ल़ा देऊँबा।