1 थिस्सलुनीकियों 2:17 - Sirmouri

¹⁷ हे भाऐ-बंईणों, जबे आँमें ऐगड़ी खे तुँओं आरी शे बिछ़ड़ी गुऐ थिऐ, सोंच-बिचारो शे ने परह् सिर्फ देह्-शरीर शे; परह् आँमें तुँओं आरी भेंटिणों खे काऊँल़ी रंह्, आँमें बैगेही पराऊँणी रंह्।

सिरमौरी नौवाँ नियम

¹⁷ ओए रै बिशवाशी भाईयों, जोबै आमै दैणिक देर कारिए मन दै नी पौरौ शारीरिक रुप शै तुऔं दै जौई हौए गौवै थिए, तौ आमुए बौड़ी लालसा कै साथै तुऔं दैखणौ कारिए हौजौ बै जादा कौचिश कोरी।

1 थिस्सलुनीकियों 2:17 ပူးပေါင်းရင်းမြစ်များ

लूका 12:58

जबे तुँऐं आप्णे मुँद्ई की गईलो हाकमों कैई ज़ादे लागे, तअ बाटो ही पुँडी तैस कैई शी छ़ुट्णों के कोशिष कैई ने कर्दे; जू कदी ऐशो ने हऐयों, के से ताँव नीयाँईच़ू कैई खीचियों ने नींयों, अरह् सेजा नीयाँईच़ू तबे ताँव सपाई कैई देला, अरह् सपाऐ ताँव कय्दखाने दा पाँऐ देला।

लूका 22:15

अरह् प्रभू यीशू ऐ आप्णें खास-चैले खे बुलो, “मेरे सासो दे ऐजी बैगे रंऐ थी; के हाँव दु:ख्ह भोगणों शी आगे ऐजी फ़सह तैयारो के जूंन तुँवारी गईलो खाँऊ।

प्रेरितो कै काम 17:10

बिश्वाषी भाई-बंईणों ऐ तेख्णी रात्ते-रात्त संत्त-पौलुस अरह् सीलास बिरीया नंगर खे डेयाल़ी दित्ते; अरह् तेथै पंह्ऊँचियों से यहूदियों के च़ौत्रें दे हुटे।

रोमियों 1:13

हे भाऐ बंईणों, हाँव ने चहाँदा के तुँऐं ईन्दें अंण-जाँण रंह्, के मुँऐं बार-बार तुँओं कैई आँणों चहाँव, के जेष्णें ओके गऐर यहूदी मुझ़ शी बिश्वाष दे लोग आऐं, तेष्णें ही तुँओं मुझ़ शी भे लोग बिश्वाष दे आऐ चैईं थिऐ। परह् हेभी तोड़ी मुँह रूका गुवा।

रोमियों 15:23

परह् ऐबे ईनू देशो दी मेरे काँम-काज़ खे हजो जागा ने आथी, अरह् बैजाऐ साल शे मेरे तुँओं कैई आँणों की हिछ़या असो।

1 कुरिन्थियों 5:3

हाँव देह्-शरीर के भाव शा तअ तुँओं शा दुरका असो, परह् आत्त्मा के भाव शा ऐशा जाँणों के हाँव हमेशा तुँओं आरी ही असो, परह् ऐष्णी काँम-काज़ कर्णो वाल़े खे मुँऐं ऐजी अज्ञाँ देऐ थऐ

कुलुस्सियों 2:5

मंतल्व हाँव देह्-शरीर दा तेथै ने आथी, परह् तंबे भे तुवाँरे आच्छ़ै आत्त्मिक भाव शा मसीया दा तुवाँरे बिश्वाष की संच्चाई देखियों खुशी हंऐयों आत्त्मा दा तुवाँरी गंईलो असो।

1 थिस्सलुनीकियों 3:6

परह् हेबी तीमुथियुस ऐ, जू तुँओं कैई शा ईथै आऐ रूआ, ऐने तुवाँरे बिश्वाष अरह् प्यार का समाँचार शुँणाँया, अरह् ऐजी बात भे शुँणाई के तुँऐं बादे प्यार शे आँमों चित्ते करह्; अरह् आँमों देखणों की हिछ़या करह्, जेष्णी आँमें भे तुँओं देखणों के हिछा करह्।