1 थिस्सलुनीकियों 2:14 - Sirmouri

¹⁴ ईन्देंखे तुँऐं, हे भाऐ-बंईणों, पंण्मिश्वर की तिनू कलीसियों की जेऐ चाल-चालदे लागे, जू यहूदिया दे मसीया प्रभू दी असो, किन्देंखे के तुँऐं भे आप्णे लोगो मुझी जैष्णें दु:ख्ह झेले, तेष्णें ही तिन्ऐं भे यहूदी लोगो मुँझी झेले थिऐ;

सिरमौरी नौवाँ नियम

¹⁴ इथकारिए, ओए रै बिशवाशी भाईयों, तुऐं तैशैखैई सताव झैला जैशै पौरमेशवर कै कलीसियाएं झैला जू यहूदिया प्रदेश दी मसीह यीशु दी औसौ जिथुकै तुऐं बै आपणै लोगौ शै तैशणाई दुख पौऊवा, जैशै तिनुऐ यहूदियों कैईंदा पाए राए थिया।

1 थिस्सलुनीकियों 2:14 ပူးပေါင်းရင်းမြစ်များ

प्रेरितो कै काम 11:19

जुण्जे लोग तेसी कंल़ेष के कारण माँरे गुऐ, जुण्जे स्तिफनुस के कारण पड़ा थिया; अरह् सेजे लोग खिदर-बिदर हुऐ गुऐ थिऐ, अरह् से रिट्दे-फीर्दे फीनीके अरह् साइप्रस, अरह् अन्ताकिया दे पंह्ईचे; परह् यहूदियों के सुवाऐ से कोसी ओकी कैई बचन ने शुँणाँव थिऐ।

प्रेरितो कै काम 13:50

परह् यहूदिया नंगर की भली, भगत्तिणीं तिरंई, अरह् बह्ड़े पद् वाल़े आदमी भड़काऐ-दुरंताऐ दित्ते; अरह् संत्त-पौलुस अरह् बरनबास के बिरूध हारंकुँण्जीं कराऐयों तिनू आप्णी ढबै करियों, खास-चैले आप्णी सिमाँ-हंद् शे बाँईडे गाड़ी दित्ते।

प्रेरितो कै काम 14:19

परह् अन्ताकिया अरह् इकुनियुम शे कुछ़ यहूदी लोग तेथै आऐ, अरह् तेथै के लोग आप्णी गईलो मिलाऐं दित्ते; अरह् तिन्ऐ संत्त-पौलुस गाशी पथराच़ करी, अरह् तेसी मँरा अँदा जाँणियों नंगर शा झ़िड़ी-खींच़ियों बैरंईम्मीं शा ऊँदा बाईरी ऊँदा फैरकाऐ दिता।

प्रेरितो कै काम 14:2

परह् जिनू यहूदियों ऐ बिश्वाष ने करी, तिन्ऐं गऐर-यहूदी लोग भड़काऐ; अरह् तिनू लोगो के मंन दा, बिश्वाषी भाऐ-बंईणों खे बिरूध पय्दा करा के से तिनके बंऐरी बंणीं गुऐ।

प्रेरितो कै काम 14:4

अरह् तेथै नंगर-नंगर दे लोगो मुँझी फूट पढ़ियों; दो गुट बंणें कुछ लोग यहूदी के ढबे अरह् कुछ लोग प्रभू यीशू के खास-चैले के ढबे हऐ गुऐ।

प्रेरितो कै काम 14:5

जबे गऐर-यहूदियों अरह् यहूदियों के हाक्में ऐ मीलियों खास-चैले की गईलो बुरा बर्ताव करणाँ, अरह् तिनू गाशी पथराव कर्णों की कोशिष करी।

प्रेरितो कै काम 17:13

जबे थिस्सलुनीकियों के यहूदियों कैई ऐजा पता लागा; के संत्त-पौलुस ऐ बिरीया नंगर दा पंण्मिश्वर के बचन का प्रचार करी लुवा; तअ तबे से भे तेथै आऐयों लोग भड़्काँदें-दोरताँदे लागे।

प्रेरितो कै काम 18:12

जेसी बख्त्ते गल्लियों अखाया देश का हाकम थिया, तअ तबे यहूदी लोगे ऐ आपु मुँझी ऐका करियों संत्त-पौलुस गाशी च़ूटियों पड़े; अरह् तेसी नियाव के सिंगास्हणों के सहाम्णिऐ आँणियों बुल्दे लागे।

प्रेरितो कै काम 8:1

शाऊल भे तियों हंत्त्या का साथी धिया। तेसी ही देसे यरूशलेम दी कलीसिया गाशी बैजाऐ बड़ा-अंत्त्याचार शुरू हुवा, अरह् खास-चैले के सुवाऐ, बादे के बादे बिश्वाषी जंण; यहूदा अरह् सामरी ईलाके दे खिदर-बिदर हऐ गुऐ।

प्रेरितो कै काम 8:3

शाऊल ऐ तेसी बख्त्ते कलीसिया के लोग सताँऐ लुऐ थिऐ, अरह् से घरह्-घरह् दा जूरे घुसरियों थिया, अरह् तेथै जेसी घरह् दी कुँऐं तिरंई हों, भाँव कुँऐ मंरोद् हों; से तिनू सोभी खींच़ी-खीच़ियों कंय्द खाँनें दे पाऐ दियों थिया।

प्रेरितो कै काम 9:1

शाऊल तबे भे प्रभू के चैले धंम्काँणें, अरह् माँरी देंणों की धुनं-लंगन दा हों थिया; तबे तेने महाँ-याजक कैई ज़ाऐयों,

प्रेरितो कै काम 9:13

परह् हनन्याह ऐ बुलो, “हे प्रभू! मुँऐ कंई लोगों कैई शो शुँणीं थो; के ऐने आदमी ऐं यरूशलेम दे तुवाँरे भगत्तों गाशी अत्त्याचार करी थुवा।

प्रेरितो कै काम 9:31

ऐबे बादे यहूदा, गलील, अरह् सामरी ईलाके दे कलीसिया खे शाँण्त्ति भेटी, अरह् कलीसिया का निर्माण बड़दा रूवा; अरह् से प्रभू के डर-भय शे, अरह् पबित्र-आत्त्मा की शाँण्त्ति दे चाल्दे अरह् बढ़्दे रूऐ।

1 कुरिन्थियों 10:32

तुँऐं ना यहूदी लोगो खे, अरह् ना यूनानी लोगो खे, अरह् ना पंणमिश्वर की कलीसिया खे ढैस-ठोकर का कारण बंणों।

1 कुरिन्थियों 7:17

पंणमिश्वरे जेसी जियों दशा दा थऐ थुवा, मतल्व जेसी रूप दा बऐदी थूवा, से तेष्णा ही बंणा अंदा रंह्; सभी कलीसिया खे मेरा ऐजा ही सुजाव असो।

गलातियौं 1:22

परह् यहूदिया के कलीसिया ऐ जू मसीया दी थी, तिन्ऐं मेरो मुँह कद्दी ने दे:खी थई थी।

1 थिस्सलुनीकियों 1:1

संत्त-पौलुस अरह् सिलवानुस अरह् तीमुथियुस के ढबे शे थिस्सलुनीकियों की कलीसिया के नाँव, दी परंम-पिता पंण्मिश्वर अरह् जुण्जे प्रभू यीशू मसीया दे असो: कृपा अरह् शाँण्त्ति तुँओं भेंटदी रंह्।

1 थिस्सलुनीकियों 1:6

तुँऐं बड़े कल़ेष दे पबित्र-आत्त्मा के मंजे आरी, बचन माँनींयों अमाँरी अरह् प्रभू की जैष्णी चाल चाल्दे लागे।

1 थिस्सलुनीकियों 3:4

किन्देंखे के आगे ही, जबे आँमें तुवाँरे कागी थिऐ, तअ तुँओं खे बुलिया करह् थिऐ, के आँमों दु:ख्ह सहंणा पड़दा, अरह् तेष्णों ही हुओ, जेष्णों के तुँऐं भे जाँणों ऐ।

2 थिस्सलुनीकियों 1:1

संत्त-पौलुस अरह् सिलवानुस अरह् तीमुथियुस के ढबे शी थिस्सलुनीकियों की कलीसिया खे, जू अमाँरे परंम-पिता पंण्मिश्वर अरह् प्रभू यीशू मसीया दे असो:

2 थिस्सलुनीकियों 1:4

ऐथै तोड़ी के आँमें आपु पंण्मिश्वर की कलीसिया दो तुवाँरे बारे दा तारीफ करह्, के जै-तोड़े कल़ेष अरह् कठणाँऐं तुँऐं सऐन करी, तिन्दे लई तुवाँरा धीरज अरह् बिश्वाष पर्गट हों।