1 थिस्सलुनीकियों 2:13 - Sirmouri

¹³ ईन्देंखे आँमें भे पंण्मिश्वर का धन्यबाद सदा कर्दे रंह्, के जबे अमाँरे जाँणें पंण्मिश्वर की खुषख्बरी का बचन तुँओं कैई पईचा, तअ तुँऐं तेसी आदमी का ने; परह् पंण्मिश्वर का बचन जाँणा, (अरह् सत्तिखे ऐ ऐष्णों ही असो) तुँऐं भे माँनों; अरह् से तुँओं बिश्वाषी मुँझी जू बिश्वाष थंह्, ऐक दब-दबा बंणा अंदा रंह्।

सिरमौरी नौवाँ नियम

¹³ आमै बै पौरमेशवर का धन्यवाद सौदा कौरु; कै जोबै अमारै दवारा पौरमेशवर कै सुसमाचार का सैजा सौंदेश शुणा जू आमुए तोंवारै बीच दा प्रचार कौरा, तौ तुऐं तैसी आदमियों का नी, पौरौ पौरमेशवर का सौंदेश सौमझेयौ स्वीकार कौरा औरौ ऐबै पौरमेशवर का ऐजा सौंदेश तुऔं दा काम कौरौ जू मसीह पांदी बिशवाश कौरौ।

1 थिस्सलुनीकियों 2:13 ပူးပေါင်းရင်းမြစ်များ

मत्ती 10:20

किन्देखे के बुल्णों वाल़े, तुँऐं ने, परह् तुवाँरे स्वर्गो के पिता के आत्त्मा तुवाँरे जाँणें शब्द बुल्दा।”

मत्ती 10:40

“जू तुँवों माँनों, तेसी हाँव भे भेटी गुवा; अरह् जेसी हाँव भेटी गुवा, तेने मुँह डियाल़ों वाल़ा भे धारण करी पाया।

लूका 11:28

परह् प्रभू यीशू ऐ बुलो, “होर, परह् जादा भाग्ईंत्त सेजे असो! जुण्जे पंण्मिश्वर का बचन शुण्णों, अरह् तिन्दे का पाल़्ण करह्।”

लूका 5:1

ऐक देस जबे लोगो के भीड़ पंण्मिश्वर के बचनों का बखाँण शुण्णो खे प्रभू यीशू गाशी पड़्दे लागी, तअ प्रभू यीशू गन्नेसरत के झीलो की टिराँव्टी दे खह्ल़ी रूऐ थिऐ, तबे ऐशो हईयों,

लूका 8:11

“अनाँणे का मतल्व का असो: बीज़ पण्‍मेश्वर का बचन असो।

लूका 8:21

प्रभू यीशू ऐ तैस्खे जबाब दिता, “मेरी माँ, अरह् मेरे भाऐ, सेजे असो; जू पंण्मिश्वर का बचन शुण्णों, अरह् माँनों ऐ।”

यूहन्ना 15:3

तिनू बचन के कारण, जुण्जे मुँऐ तुँओं कैई बुली थुऐ, तिन्दें लई तुऐ शुद्ध हंऐ गुऐ।

यूहन्ना 17:17

ईनू सच्चाई शे आप्णी ताँईऐ ज़ोई थुऐ, किन्देंखे के तुवाँरा बचन साच्चा असो।

यूहन्ना 17:19

ईनकी ताँईऐं हाँव आपु आप्णा बंल़ी-दाँण करी देऊँ; के ऐ भे संच्चाई की ताँईऐ आप्णाँ बंल़ी-दाँण करी दियों।

प्रेरितो कै काम 10:33

तबे मुँऐ तेख्णीं तुओं कैई लोग डेयाल़े, अरह् तुँऐं ऐजो बैगे ही आछो करो, के तुऐं ईथै ईनकी गईलो आऐ; अरह् प्रभू! ऐं तुओं खे जुण्जी-जुण्जी अज्ञाँ देऐ थंई, तिन्दें शुँण्णों खे आमें बादे झुणें, पंण्मिश्वर के सहाँम्णें हाजिर असो।”

प्रेरितो कै काम 13:48

ऐजो शुँणियों गऐर-यहूदी लोग आनन्दित्त-खुशी हुऐ, अरह् प्रभू के बचन की बड़ियाऐं कर्दें लागे; अरह् जैतोड़े लोग अमर-जीवन जीऊँणों खे बंणाँऐ गुऐ थिऐ, तिन्ऐं बिश्वाष करा।

प्रेरितो कै काम 16:14

लुदिया नाँव का थुआथीरा नंगर की बतिया के रंगो के खट्णों बिकणों वाल़ी, ऐक भगतिण तिरंई ऐं अमाँरी बातो शुँणी लई थी। अरह् प्रभू ऐ तियारा मंन खुली दिता, के संत्त-पौलुस की बातो गाशी मंन लाँव।

प्रेरितो कै काम 17:11

ऐजे लोग तअ थिस्सलुनीकियों के यहूदियों शे जादा भले थिऐ, अरह् से बंडी हिछ़या शे प्रभू यीशू के बचन शुंणों थिऐ; अरह् तियों संच्चाई की जाँच-परख कंर्णों खे रोज पबित्र-ग्रन्थों का अध्यन कंरियों तिन्देंके खोज करह् थिऐ।

प्रेरितो कै काम 17:32

मरियों ऊबे जीऊदें हणों वाल़ी बातो शुँणियों, बादे आदमी ठाठे पाड़दे लागे; अरह् कंई ऐं बुलो, “ऐजी बातो आँमें ताँव कैई शी हजो जादा शुँण्णीं चहाँव।”

प्रेरितो कै काम 2:41

तबे: तिन्ऐं संत्त-पतरस की तिनू बातो माँनी, अरह् नहाँण-नहाँव; अरह् तेसी ही देसे किऐ च़ींन हजार आदमी बिश्वाषी भाऐ-बंईणों आरी मीली गुऐ।

प्रेरितो कै काम 8:14

जबे यरूशलेम दे रंहणों वाल़े, खास-चैले ऐं ऐजो शुँणों; के सामरिया के लोगे ऐ पंण्मिश्वर का बचन माँनीं पाया, तअ तिन्ऐं संत्त-पतरस अरह् संत्त-यहूना तिन कैई डेयाल़े।

रोमियों 10:17

तअ: बिश्वाष शुण्णों शा, अरह् शुण्णाँ मसीया के बचन शा हों।

2 कुरिन्थियों 3:18

परह् जबे आँमों सोभी के खुलै मुँख्ड़े शा प्रभू का त्तेज-प्रकाष ऐशा दाँई पर्गट हों, जैष्णाँ के सिस्सै दा साफ नंजर आँव, तअ प्रभू के जाँणें जू आत्त्मा असो, आँमें तैसी ही त्तेजमंऐं सरूप दे अंष-अंष बदल़्दे ज़ाँव।

गलातियौं 4:14

अरह् तुँऐं भे मेरी देह्-शरीर की दषा जिन्दें लई तुँवारी परख करी गऐ थी, तिन्दें लई तुँऐं मुँह छोटा ने जाँणी; अरह् मुँह शी नफरत ने करी, परह् तुँऐं पंण्मिश्वर का स्वर्गदूत्त के जेष्णाँ मेरा आदर करा, जेष्णाँ के हाँव आपु मसीया यीशू ही थिया।

कुलुस्सियों 1:6

जू तुँओं कैई पऐची रूआ, अरह् जेष्णाँ संईसारी दा भे फल़ लेआँव अरह् से बढ़दा ज़ाँव, तेष्णा ही जेस देसो शे तुँऐं तेसी बचन शुँणा अरह् सच्चाई शी पंण्मिश्वर की कृपा जाँणी, अरह् सोत्तिखे सम्झ़ी पाऐ।

इब्रानियों 4:12

किन्देंखे के पंण्मिश्वर का बचन जीऊँदा, शक्त्ति-शाली, अरह् ऐक नाँम दू-धारी तरवारी शा भे बैगे पंईना असो; अरह् से पराँण, आत्त्मा, अरह् अमाँरे भेत्रें के बादे अंग छीन-भीन करियों आर-पार करह्; अरह् अमाँरे मंन की भाँवना अरह् मंन के बिचारो की परख करह्।

इब्रानियों 4:2

किन्देंखे के आँमों कैई भी तिनू ही जैष्णी खुषख्बरी शुँणाऐ गऐ थी, परह् शुँणें अंदें बचन लंई तिनके किऐ भे फ़ाय्दा ने हंई; किन्देंखे के तिनू शुँण्णों वाल़े के मंन दा बिश्वाष ने हंऐ रंई थी।

याकूब 1:18

तिन्ऐं आप्णी हिछ़्या पुरी कर्णों खे आँमों सच्चाई के बचनों के जाँणें नुवाँ जीवन दिता, के आँमें तिनके जाँणें बंणाऐं गुऐ, पराँणी मुझ्शे बिश्वाष का आगला फल़ बंणों।

1 पतरस 1:23

किन्देंखे के तुँऐं नाँष बाँन ने, परह् नाँष ने हंणों वाल़े बीज़ो शे, पंणमिश्वर के जीऊँदे अरह् सदा अट्ल़ बचन के जाँणें नुवाँ जीवन पाँऐ थुवा।

1 पतरस 1:25

परह् प्रभू का बचन ज़ूगौ-ज़ूगौ तोड़ी सदा अट्ल़ रंह्।” अरह् ऐजी ही खुषख्बरी का बचन असो, जू तुँओं कैई शा शुणाँया गुवा।

1 पतरस 2:2

जेष्णें नुऐं जन्में नहाँन्ड़िया के दूधो की हिछ़या हों, तेष्णीं ही तुँऐं भे शुद्ध आत्त्मिक दूध की हिछ़या करह्; तिन्दे लई तुँवारी बड़ोत्री अरह् छूट्कारा हों।

2 पतरस 3:2

जू तुँऐं पबित्र ऋषियों के जाँणें आगे ही बुली गई, अरह् तबे प्रभू यीशू के खास-चैले के जाँणें आँमों खे छूट्कारा देणों वाल़े के जाँणें दिती गई अज्ञाँ-निय्म तुवों कैई शे हजो चींत्तै कराऐ ज़ाँव।

1 यूहन्ना 3:3

अरह् जू कुँऐं तिनू गाशी ऐजा भूर्षा थंह्, से आपु-आप्खे तैष्णा ही पबित्र थंह् जैष्णें से पबित्र असो।