1 थिस्सलुनीकियों 2:11 - Sirmouri

¹¹ तुँऐं जाँणो ऐ के बाबा केष्णाँ आप्णे नहाँन्ड़िया की गईलो बरताव करह्, तेष्णा ही आँमें भे तुँओं मुँझ्षा, ऐकी नाँम खे शिक्क्षा दियों, अरह् शाँण्ति देंदे सम्झाँव थिऐ

सिरमौरी नौवाँ नियम

¹¹ जैशै तुऐं जाणौए, कै जैशैखै पिता आपणै नानड़िया आरी बर्ताव कौरौ, तैशैखैई आमै बै तुऔं मुंजीदै हरेक खै उपदैश दियु, औरौ तसल्ली दियु, औरौ सौमझौऊं थिए।

1 थिस्सलुनीकियों 2:11 ပူးပေါင်းရင်းမြစ်များ

लूका 16:28

किन्देंखे के मेरे पाँच भाऐ ओके भे असो, अरह् लाजर ज़ाऐयों तिनू भे संम्झाऐ दियों; जू कोदी ऐशो ने हंईयों; के से भे ईथै च़री भुक्त्तणों की जागे दे ने आँव।’

प्रेरितो कै काम 20:2

तेसी बादे इलाके दा फीरियों अरह् चैले की दीड़-हिम्मत बड़ाऐयों, संत्त-पौलुस यूनान देश दा आया।

इफिसियों 4:17

ईदेखे हाँव ऐजो बुलू, अरह् प्रभू दी ढाल-अरज करू; के जैष्णें गऐर यहूदी लोग आप्णें मंन की बै-कार रिती गाशी चालो, तुँऐं हेबी शुबे हजो ऐष्णें ने चालो।

1 थिस्सलुनीकियों 2:7

परह् जेष्णाँ माँ-बाबा आप्णे नहाँन्ड़िया का पालण-पोष्ण करह्, तेष्णा ही आँमें भे तुँओं मुँझी रंह्ऐयों नरमाँऐं देखाऐ थई;

1 थिस्सलुनीकियों 4:1

ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्।

1 थिस्सलुनीकियों 4:6

के ईयों बातो दे कुँऐं आप्णे बिश्वाषी भाऐ-बंऐणीं ने ठगे, अरह् ना तिनखे किऐ चाल-चाले, किन्देंखे के प्रभू ईनू सोभी पापो का बद्ल़ा लोंणों वाल़ा असो; जेष्णों के आँमें तुँओं कैई शो आगे ही चिताऐं थुओ थियो।

1 थिस्सलुनीकियों 5:11

ईन्देंखे ओकी खे होंस्ला दियों, अरह् ओकी की बड़ोत्री का कारण बंणों; जेष्णों के तुँऐं करी भे लुओ।

1 थिस्सलुनीकियों 5:14

हे भाऐ-बंईणों, आँमें तुँओं सम्झाओं के जू ठीक चाल ने चाल्दे तिनू सम्झाव; अरह् डराड़ो खे दीड़-हिम्मत दियों, कंमजोर संभाल़ो, सोभी आरी संय्नशिल्त्ता देखाव।

2 थिस्सलुनीकियों 2:5

कियों तुवाँरे चिते आथी ने, के जबे हाँव तुवाँरे कागी थिया, तअ तुँओं कैई ऐजी बातो बुलिया करू थिया?

2 थिस्सलुनीकियों 3:12

ऐष्णे खे आँमें प्रभू यीशू मसीया दी ऐजी अज्ञाँ दियों, अरह् सम्झाँव ऐ, के चुप-चाँण किऐ काँम-काज़ करियों आप्णी रोटी खाया करह्।

1 तीमुथियुस 5:21

पंण्मिश्वर, अरह् मसीया यीशू अरह् छाँटे अंदें स्वर्गदूत्तो के सहाँम्णें ताँव कैई ऐजी जुँमेंबारी देऊँ; के बिना कोसी अप्णोंट के ईनू अज्ञाँ का पाल़्ण करे, परह् अप्णोंट के भाव शो किऐ ने कोरो ज़ाँव।

1 तीमुथियुस 5:7

तुऐं तिनखे ईनू बादी बातो के अज्ञाँ दिऐ, जू से भे नीर्दोष बंणीं ज़ाँव।

1 तीमुथियुस 6:13

हाँव तुँओं खे तेसी पंण्मिश्वर का जू ऐक नाँम पराँणी जीऊँदें थंह्, अरह् यीशू मसीया तुवाँरा गुवाह्-शाज़्त्त अरह् हाजीर जाँणियों जिनिऐ हाकम-पुन्तियुस, पिलातुस के सहाँम्णें आछ़ो कबूल करियों माँनी पाव; अरह् हाँव तुओं खे ऐजी अज्ञाँ देऊँ,

1 तीमुथियुस 6:17

अरह् ऐसी ज़ुगौ की चींजो लई, जू कुँऐं सेठ-धंनवाँन बंणी रूऐ, तिनखे अज्ञाँ दे, के से घमंडी ने बंणों, अरह् ना चंचल धंन दा किऐ भूर्षा करह्, परह् पंण्मिश्वर गाशी भूर्षा थुऐ, जेने अमाँरे सु:खो खे सब-कुछ बैजाऐ दितो।

1 तीमुथियुस 6:2

अरह् जिनके माँलिक बिश्वाषी असो, से भे आप्णें माँलिक के बैस्त्ती ने करह्; के ऐबे तअ मेरा माँलिक भे मुँह जेष्णाँ बिश्वाषी असो, परह् से ऐबे तअ तिनकी सेंवा हंजों भे बैगेही मंन लाऐयों करह्; किन्देंखे के तिन्ऐं जियों सेवा का फ़ाऐदा लंऐ लुवा, से आपु मुँझ़ी बिश्वाषी अरह् प्यारे साथी असो, ईनही बातो का तिनखे भाष्ण देऐया करह्, अरह् तिनू संहम्झ़ाँदा रंह्।

तीतुस 2:15

आप्णें बादे हंकधिकार आरी ऐजी बातो बुल, अरह् सम्झा, अरह् शिखाँदा रंह्। जिन्दें लंई कुँऐं ताँव्खे छोटा ने जाँणों।

तीतुस 2:6

तेष्णें ही जवाँन मरोद् भे सम्झाया करह्, के से भे झ़ूकै-शियाँगी अंदे ने हों।

तीतुस 2:9

दास, दासी, सम्झाँव के आप्णे-आप्णे स्वामी-माँलिक के बंष दी रंह्, अरह् बादी बातो दे तिनू खुशी थंह्, अरह् पाछू फिरियों तिनखे जबाब ने दियों।

इब्रानियों 13:22

हे भाऐ-बईणों हाँव तुँओं खे ढाल-अरज करू, के शिक्क्षा देणों वाल़े मेरे ऐजे बचन गेशी अमल करह्, मुँऐं तुँओं खे ऐजी लिखी अंदी पत्री बैजाऐ कंम लिखी थऐ।

3 यूहन्ना 1:4

मेरे ईन्दें शी बड़ी किऐ खुशी ने आथी, के हाँव ऐजो शुणू, के मेरे नहाँन्ड़िया सच्चाई दे चालो।