1 थिस्सलुनीकियों 1:5 - Sirmouri

⁵ किन्देंखे के अमाँरी खुषख्बरी तुँओं कैई सिर्फ शब्द मात्र ही ने आथी, परह् शक्त्ति अरह् पबित्र-आत्त्मा दे, अरह् पाक्कै इरादे आरी पऊँची रंऐ; जेष्णों तुँऐं जाँणों ऐ के आँमें तुँवारी ताँईऐ तुँओं मुझी कैष्णें बंणी रंह् थिऐ।

सिरमौरी नौवाँ नियम

⁵ जिथुकै अमारा यीशु मसीह कै बारै मुंजी सुसमाचार तुऔं कैई बौताणा सिरफ बातौ मुंजी ही ना आथी, पौरौ पवित्र आत्मा कै अनौखी शौकतै लैई, पूरै आशवासन कै साथै ऐजा सुसमाचार साचा औसौ। जैशैखै तुऐं जाणौए कै तोंवारै कल्याण कारिए तोंवारै बीच दा अमारा चाल चलन कैशणा थिया।

1 थिस्सलुनीकियों 1:5 ပူးပေါင်းရင်းမြစ်များ

मरकुस 16:20

अरह् चैले हुटियों ढीको प्रचार कर्दे लागे, अरह् प्रभू तिनकी गईलो काँम-काज़ कर्दे रूऐ, अरह् से तिनू चींन-चंम्त्तकार के जाँणें आप्णा बाय्दा सचाई आरी बचन पाके करदा रूवा। (“आमीन”)।

लूका 1:1

श्रीमान् थियुफिलुस जी, नमंष्कार! बैजाऐ भहिते आदमी ऐ ईनू बातो का जुण्जी अमाँरे बीच दी बिती, ईन्दे का इतिहास लिख्णों का काँम-काज़ करी,

प्रेरितो कै काम 11:21

प्रभू की शक्त्ति तिनकी गईलो थी। अरह् बैजाऐ भहित्ते लोग बिश्वाष करियों प्रभू के ढबे फिरे।

प्रेरितो कै काम 16:14

लुदिया नाँव का थुआथीरा नंगर की बतिया के रंगो के खट्णों बिकणों वाल़ी, ऐक भगतिण तिरंई ऐं अमाँरी बातो शुँणी लई थी। अरह् प्रभू ऐ तियारा मंन खुली दिता, के संत्त-पौलुस की बातो गाशी मंन लाँव।

प्रेरितो कै काम 2:33

ऐबे से पंण्मिश्वर के सोऐं ढबै खास पद्-भार गाशी बंईठियों, अरह् पंरम-पिता कैई शी सेजी पबित्र-आत्त्मा भेटियों, जिन्दें का बाऐदा पंण्मिश्वरे ऐं आगे ही करी थुवा थिया; तियों पबित्र-आत्त्मा तिन्ऐं आँमों गाशी ऊँदी-पैरी दित्ती; जियों तुऐं आपु देंखी, अरह् शुँणीं लंऐ।

रोमियों 1:16

किन्देंखे के हाँव यीशु मसीया की खुषख्बरी दा सरमाँदा ने, ईन्देंखे के से ऐक नाँम बिश्वाष कर्णो वाल़े खे आगे यहूदी खे, तबे यूनानी खे, मुँक्त्ति के मुँताबिक शी पंणमिश्वर के शक्त्ति असो।

रोमियों 15:13

पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

रोमियों 2:16

जेसी देसे पंणमिश्वर मेरी खुषख्बरी के मुँताबिक शा प्रभू यीशू मसीया के जाँणें आदमी की चुप्पी की बातो का नियाँव करदा।

1 कुरिन्थियों 1:24

परह् जू बईदे अंदें असो, भाँव यहूदी भाव यूनानी, तिनखे मसीया पंणमिश्वर की शक्त्ति अरह् पंणमिश्वर का ज्ञाँन असो।

1 कुरिन्थियों 10:33

जेष्णें हाँव सोभी बातो दे बादे लोग खुशी थंऊँ, अरह् आप्णा ही भला ने, परह् ओकी भहिते लोगों के फाय्दे का ख्याल थंऊँ, के तिनू सोभी खे छुट्कारा भेटो।

1 कुरिन्थियों 3:16

कियों तुँऐं जाँण्दे ने के तुँऐं पंणमिश्वर के देऊँठी असो; अरह् पंणमिश्वर के आत्त्मा तुँओं दी बास करह्?

1 कुरिन्थियों 3:6

मुँऐं लाया, अरह् अपुल्लोस ऐ तेसी पाँणी लई सिंजा, परह् सेजा बचन का पौद्धा पंणमिश्वरे बड़ाया।

1 कुरिन्थियों 4:20

किन्देंखे के पंणमिश्वर को राज्य बातो दो ने, परह् शक्त्ति दो असो।

1 कुरिन्थियों 9:14

ऐष्णों ही प्रभू ऐ भे फरमाँऐं थों, के जुण्जे लोग खुषख्बरी शुणाँव, तिनका गुजारा भे तियों ही खुषख्बरी शुणाँणों शा हों।

2 कुरिन्थियों 3:6

जिन्ऐं आँमों नुऐं बाय्दे के दास बण्णों ज़ुगे भे करे, ऐजा बाय्दा ऋषी-मूसा खे भेटे गुऐ निय्म ने आथी, जैसी बाय्दे ना माँन्णों लई मंऊँत्त आँव; परह् पबित्र-आत्त्मा अमर-जीवन दियों।

गलातियौं 2:2

पंण्मिश्वर ऐं मुँह कैई दिव्यदर्षण के कारण पर्गट करो, के मुँह जाँणों पड़ो; तबे मुँऐं तिनू लोगो के सहाँम्णें परह् ऐकाँन्त्तदो खास आदमी के सहाम्णें सेजी ही बात्त बुली; जिन्दें का प्रचार हाँव गऐर यहूदियों मुँझी करू; जिन्दें लई ऐशो ने हंईयों, के जुण्जी दोड-धूप मुँऐं करी लऐ, मतल्व करी पाऐ; सेजी बैकार ने ज़ाँव।

गलातियौं 5:5

किन्देंखे के पबित्र-आत्त्मा के जाँणें, आँमें बिश्वाष का करियों धार्मिक्त्ता के बाट जुहणों खे आप्णी बैजाऐ हिछा करह्।

इफिसियों 2:10

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

इफिसियों 3:20

ऐबे जुण्जा ऐष्णा शँक्त्तिशाली असो, के अमाँरे ढाल-अरज अरह् सम्झ शे बैजाऐ बड़े काँम-काज़ करी सको, तियों शँक्त्ति के मुँताबिक जुण्जी आँमों दे काँम-काज़ करह्;

फिलिप्पियों 2:13

पंण्मिश्वर आप्णी आच्छ़ी हिछ़या पुरे कर्णो खे, तुँओं दी तेस्की हिछ़ा पय्दा करह्; अरह् तिन्दे के मुँताबिक शा काँम-काज़ कर्णो के तागत भे दियों।

फिलिप्पियों 4:9

जुण्जी बातो तुँऐं मुँह कैई शी शिखी अरह् तुऐ माँनी, अरह् शुँणीं अरह् मुँदी देखी, तिन्दी का पाल़्ण करिया करह्, तबे पंण्मिश्वर जू शाँण्त्ति का दाता असो, से तुँवारी गईलो रह्दा।

कुलुस्सियों 2:2

जू तिनके मँन खे होंसला भेटो, अरह् से ओका ओकी के प्यारो दा बंदी ज़ाँव; अरह् बिश्वाष का सेजा बादा धंन जुण्जा साच्चै ज्ञाँन शा भेटो, सेजा धंन तिनू भेटो, मतल्व पंण्मिश्वर की भेद् का साच्चा ज्ञाँन हों; जुण्जा आपु मसीया असो।

1 थिस्सलुनीकियों 2:13

ईन्देंखे आँमें भे पंण्मिश्वर का धन्यबाद सदा कर्दे रंह्, के जबे अमाँरे जाँणें पंण्मिश्वर की खुषख्बरी का बचन तुँओं कैई पईचा, तअ तुँऐं तेसी आदमी का ने; परह् पंण्मिश्वर का बचन जाँणा, (अरह् सत्तिखे ऐ ऐष्णों ही असो) तुँऐं भे माँनों; अरह् से तुँओं बिश्वाषी मुँझी जू बिश्वाष थंह्, ऐक दब-दबा बंणा अंदा रंह्।

2 थिस्सलुनीकियों 2:14

जिन्दे खे तिन्ऐ तुँओं अमाँरी खुषख्बरी खे बय्दी थुऐ, के तुँऐं अमाँरे प्रभू यीशू मसीया दे बड़ियाऐं पाँव।

2 तीमुथियुस 2:10

ईन्देंके कारण हाँव च़ूंणें-छाटे अंदें लोगो की ताँईऐं सब-कुछ सऐन करू, के से भे तेसी छ़ुट्कारा जुण्जा के मसीया यीशू दा असो; से तेसी भे सदा की बड़ियाई आरी पाँव।

2 तीमुथियुस 2:8

प्रभू यीशू मसीया चींत्ते थुऐ, जू दाऊद के वंष दे पय्दा हुऐ, अरह् मँरे अँदे मुँझ्शे ऊबे जीऐ; अरह् ऐजो मेरी खुषख्बरी के मुँताबिक असो।

इब्रानियों 10:22

तअ आव, आँमें साच्चै मंन, अरह् बादे बिश्वाष आरी, अरह् आप्णी अंन्त्तर आत्त्मा का दोष दूर कर्णो खे आप्णें दिल गाशी छ़िड़कावा करियों, अरह् आप्णी देह्-शरीर शुद्ध जंल शी धोऐयों पंण्मिश्वर के नंजीक ज़ाँव।

इब्रानियों 6:11

परह् आँमें हजो बैजाऐ ऐशो चहाँव, के तुँओं मुँझ़्शे ऐक नाँम जंण आखरी तोड़ी ऐसी ही भोर्षे दे रंहणों के कोशिष कर्दे रंह्।

1 पतरस 1:12

तिन कैई शो ऐजो दे:खाव गुओं थियों, के तिनू बातो का बचन का बखाँण कर्दे से आप्णी ने परह् तुँवारी सेवा करह् थिऐ। सेजी बातो स्वर्गो शी भेजी गई पबित्र-आत्त्मा के जाँणें तुँओं खे खुषख्बरी की शिक्शा देणों वाल़े के जाँणें बुली गई थी, अरह् तिनू बातो जाँण्णों खे तअ स्वर्गो के दूत भे तर्शोऐ।

1 पतरस 1:3

अमाँरे प्रभू यीशू मसीया के पंणमिश्वर अरह् परंम-पिता पंणमिश्वर का धन्यबाद हुआ चेंई, जिन्ऐं प्रभू यीशू मसीया मरे अंदे मुझ्शे पाछु ऊबे जियाल़्णों के जाँणे, आप्णी बैशुमाँर बड़ी दया-कृपा शे आँमों खे पाछ़ू ऊबे जीऊँदे भूर्षे खे नुवाँ जन्म दिता,

1 पतरस 5:3

जुण्जे लोग तुँओं खे देऐं थुऐं, तिन गाशी हंक-अधिकार ने जताऐं, परह् मंडल़ी खे आदर ज़ुगे बंणों।

2 पतरस 1:10

ईन्देंखे हे भाऐ बंईणों आप्णे बईद्णों गाशी, अरह् चूणें-छ़ाटे अंदे खे साचे कर्णो खे आछ़ी-भली कोशिष कर्दे ज़ाव, किन्देंखे के जे तुऐं ऐष्णों कर्ले, तअ तुँऐं कद्दी भी ठूकर ने खाँदी;

2 पतरस 1:19

आँमों कैई जू ऋषी का बचन आया, से ईयों घट्णाँ शा पाक्का हुआ। तुँऐं ऐजो आछो करह्, जू ऐजो सम्झियों ईदा ध्याँन दियों, के ऐक ही दिवा असो, जू ईनाँरे जागा दा ताँव-तोड़ी प्रकाष देंदा रंह, जाँव तोड़ी धुरो ने ऊँक्क्षो; अरह् झ़ीषकी चिल्की ने लागो, अरह् झ़ीषका तारा बियाँणू तुवाँरे सासो दा ने चम्मकी ज़ाँव।