1 थिस्सलुनीकियों 1:3 - Sirmouri

³ अरह् आप्णें परंम पिता-पंण्मिश्वर के सहाँम्णें तुवाँरे बिश्वाष के काँम-अरह् प्यारों के मेंहन्त्त अरह् अमाँरे प्रभू यीशू मसीया दे अटल भोर्षे के धिरज दे हमेशा चींत्ते थंह्।

सिरमौरी नौवाँ नियम

³ औरौ जोबै आमु पिता पौरमेशवर शै प्रार्थना कौरु, तौ सैजै काम जू तुऐं बिशवाश कै बौजैह शै कौरौ, औरौ बिशवाशियौं कै मौदद कौरणौ कारिए जू कड़ी मैहनत कौरौ जिथुकै तुऐं तिनुआरी प्यार कौरौ, औरौ तुऐं सैहन कौरौ जिथुकै तुऐं प्रभु यीशु मसीह कै पाछु आणौ कै उमीद कौरे लोए।

1 थिस्सलुनीकियों 1:3 ပူးပေါင်းရင်းမြစ်များ

यूहन्ना 14:15

“जे तुँऐं मुँह आरी प्यार कर्दे, तअ तुऐ मेरी अज्ञाँओं का पाल़्ण कर्दे।

यूहन्ना 15:10

जे तुँऐं मेरे प्यार दे पाक्कै बंणें अंदे रंह्ले, तअ तुऐं मेरी अज्ञाँयों का पाल़्ण कर्ले; जेष्णाँ हाँव आप्णें बाबा की अज्ञाँयों का पाल़्ण करदा आऐ रूवा, अरह् तिनके प्यार दा पाक्का बंणाँ अंदा रंह्ऐ रूवा।

प्रेरितो कै काम 10:31

अरह् तेने मुँखे ऐशो बुलो, ‘हे कुरनेलियुस, तेरी प्रार्थना शुँणी थऐ, अरह् पंण्मिश्वर ऐं तेरे दिते अंदे दाँण-दछ़्णाँ भे चींत्तै करी थुऐं।

प्रेरितो कै काम 3:19

तअ तबे: तुऐं लोग पस्तावा करह्, अरह् आप्णा मंन बद्ल़ियों; पंण्मिश्वर कैई पाछू फीरियों आओं, जिन्दे लंई तुवाँरे पाप मिट्टी ज़ाँव।

रोमियों 12:12

भोर्षें दे खुशी अरह् मंगन रूऐ; कंल़ेष दे पाक्के रूऐ; प्रार्थना दे हमेशा लागे रूऐ।

रोमियों 15:13

पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

रोमियों 15:4

जेतोड़ी बातो आगे ही पबित्र-ग्रन्थों दी लिखी थई, से अमाँरी ही शिक्क्षा खे लिखी गई थी, के आँमें धीरज-सबेर अरह् पबित्र-ग्रन्थों की हिम्मत्त के जाँणें भूर्षा थों।

रोमियों 16:26

परह् ऐबे पर्गट हऐयों ज़ूगौ के पंणमिश्वर की अज्ञाँ शे जू ऋषियों की कताबे के जाँणें सोभी जात्तियों खे बुली गई, के से बिश्वाष शे अज्ञाँ माँनणों वाल़े हऐ ज़ाँव,

रोमियों 16:6

मरियम खे, जिऐं तुँओं खे बैजाऐ मेंह्न्त करी, नमंष्कार।

रोमियों 2:7

जुण्जे आछे काँम-काज़ कर्दें अट्ल़ रंह्ले, से बड़ियाऐ, अरह् आदर-ईज्जत, अरह् अमर हंणों की खोज दा असो, तिनखे से अमर जीवन देंदा;

1 कुरिन्थियों 13:13

परह् ऐबे बिश्वाष, भूर्षा, अरह् पियार, ऐजे चींन्ने अट्ल़ असो, परह् ईन्दों सोभी शो जादा पियार बोढ़ो असो।

1 कुरिन्थियों 15:58

ईन्देंखे हे मेरे प्यारे भाऐ बंईणों पाके, अट्ल़, डटेअंदे रूऐ, अरह् तुऐं प्रभू की काँम-काज़ कर्णो खे बड़दे ज़ाव, किन्देंखे के तुँऐं ऐजो जाँणों ऐ, के तुऐं जू प्रभू खे मेंह्नत्त करी लऐ से बै-कार ज़ाँदी ने।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

गलातियौं 1:4

तिन्ऐ ही आपु-आप्खे अमाँरे पापो की ताँईऐं देऐ दिता, के जू कुँऐं अमाँरे पंण्मिश्वर के हिछ़या, के मुताबिक आँमों ईयों बुरी संईसारी शे छुड़ाऐ दियों।

गलातियौं 5:13

हे भाऐ बंईणों, तुँओं अजाद हणों खे बय्दी थुऐ, परह् कद्दी ऐशो ने हईयों के ऐजी अजादी तुँऐं देह्-शरीर के बुरी हिछा कर्णो का साधन ने बाँणें; परह् पियार शे ओका ओकी का सेवा दा मदत्तगार बंणों।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

गलातियौं 6:9

आँमें आच्छ़ी काँम-काज़ कर्णो के दीड़-हिम्मत ने छुड़ो, किन्देंखे के जे आँमें रीले ने पड़ो तअ ढीक बख्तो गाशी शाख सलाऊँबे।

1 थिस्सलुनीकियों 3:6

परह् हेबी तीमुथियुस ऐ, जू तुँओं कैई शा ईथै आऐ रूआ, ऐने तुवाँरे बिश्वाष अरह् प्यार का समाँचार शुँणाँया, अरह् ऐजी बात भे शुँणाई के तुँऐं बादे प्यार शे आँमों चित्ते करह्; अरह् आँमों देखणों की हिछ़या करह्, जेष्णी आँमें भे तुँओं देखणों के हिछा करह्।

2 थिस्सलुनीकियों 1:11

ईन्देंखे आँमें तुँओं खे सदा प्रार्थना भे करह्, के अमाँरा पंण्मिश्वर तुँओं ईयों बुलाट ज़ूगै सम्झो, अरह् भलाई की बादी हिछा अरह् बिश्वाष की बादे काँम-काज़ के शक्त्ति शी पुरी करह्,

2 थिस्सलुनीकियों 1:3

हे भाऐ-बंईणों, तुवाँरे बारे दा आँमों हर बख्ते पंण्मिश्वर का धन्यबाद करणा पड़ो, अरह् ऐजो ठीक असो, ईन्देंखे के तुवाँरा बिश्वाष बैजाऐ बढ़दा ज़ाँव, अरह् तुँओं सोभी को प्यार आपु मुझी बैजाऐ बढ़दो लागो।

1 तीमुथियुस 1:14

अरह् अमाँरे प्रभू के बैजाऐ बड़ी कृपा, बिश्वाष अरह् प्यार आरी जू मसीया यीशू दा असो, से बैजाऐ भहिती हऐ।

1 तीमुथियुस 2:3

ऐजो अमाँरे छ़ुट्कारे देणों वाल़े, पंण्मिश्वर के आच्छ़ों लागों; अरह् तिनके ऐष्णों ही भाँव भे असो।

इब्रानियों 10:36

किन्देंखे के तुँओ खे शाँन्ति-सबैर थणाँ जरूरी असो, जू पंण्मिश्वर के हिछ़या पुरी करियों तुँओं तेसी बाय्दे का प्रत्तिफल़ भेंटो।

इब्रानियों 11:17

जबे पंण्मिश्वर ऐ बाबा-अब्राहम के परख-अजमाँऐष करी, तअ तेसी बिश्वाष के कारण ही बाबा-अब्राहम ऐ आप्णा ऐकलोत्ते बैटा इसहाक भे बल़ीदाँण कर्णो खे तैयार हुवा; जबे के तेस्की गंईलो ऐजा बाय्दा करा गुवा थिया,

इब्रानियों 13:21

तुँऐं हर ऐक आच्छ़ी अरह् भली बातो खे साच्चै बणों, तिन्दे लई तुँऐं पंण्मिश्वर की हिछ़या पुरी करह्, अरह् जू कुछ तिनू आछो लागो, सेजो प्रभू यीशू मसीया के कारण आँमों दो पर्गट करह्, तिनकी ही बड़ियाऐ सदा ज़ूगौ-ज़ूगौ तोड़ी हंदी रंह्। आमीन।

इब्रानियों 4:11

ईन्देंखे आँमें तेसी बिषाँव के देसो दे हाजीर हंणों के पुरी हिमम्त्त आरी कोशिष करह्; के कोसी भी अज्ञाँ ना माँन्णों के कारण किऐ भे सजा ने पाँणीं पड़ो।

इब्रानियों 6:15

अरह् ऐशा ही दाँई बाबा अब्राहम खे शाँण्त्ति-सबैर थंणों गाशी, तेसी बाय्दे का फल़ भेटा; जिन्देका बाय्दा पंण्मिश्वर ऐ करी थुवा थिया।

1 पतरस 3:4

परह् तुँवारी चुप्पी बिना दे:खी इंनसाँनिय्त, अरह् नरमाँऐं वाल़ा मंन की गरबाई जिन्दे के सजावट कोद्दी ने मिट्दी से संज्जी अंदी रंह्, किन्देंखे के पंणमिश्वर की नंजरी दा ईन्दें का मोल बैजाऐ बड़ा असो।

1 यूहन्ना 3:18

हे प्यारे नहाँन्ड़िया, अमाँरे पियार ज़ात्ती शो बुल़्णों लई ने; परह् अमाँरे कर्मो अरह् सच्चाई दो असो।

1 यूहन्ना 3:21

हे प्यारों, जे अमाँरी अन्तर-आत्त्मा आँमों दुषी कसूरबार ने बाँणों, तअ आँमें पंण्मिश्वर के साम्णें नीडर बंणें अंदे रंह्दे;

1 यूहन्ना 3:3

अरह् जू कुँऐं तिनू गाशी ऐजा भूर्षा थंह्, से आपु-आप्खे तैष्णा ही पबित्र थंह् जैष्णें से पबित्र असो।

1 यूहन्ना 5:3

पंण्मिश्वर की अज्ञाँ का पाल़्ण करणा ही पंण्मिश्वर शो पियार कर्णों का परमाँण असो, परह् तिनकी अज्ञाँ कठींण ने आथी;

प्रकाशितवाक्य 2:19

हाँव तेरे काँम-काज़, तेरो प्यार अरह् बिश्वाष अरह् सेंवा अरह् धीरज, जाँणू ऐ, अरह् ऐजो भे के तेरी पाछले काँम-काज़ आगले शे बड़ियों असो।

प्रकाशितवाक्य 3:10

तुँऐं मेरे धीरज के बचन थाँबी थुऐ, ईन्देंखे हाँव भे ताँव र्पख्णों के बख्त्ते बंचाऐयों थंऊँबा, जू धर्ती गाशी रंहणों वाल़े र्पखोंदा अरह् बादी संईसारी गाशी आँणों वाल़ा असो।