1 पतरस 5:9 - Sirmouri

⁹ बिश्वाष दे पाक्के हऐयों, अरह् ऐशो जाँणियों तैसका साँम्णा करह्, के तुवाँरे भाऐ बंईणों भी जू संईसारी दे असो, से ऐष्णें ही दु:ख संह्।

सिरमौरी नौवाँ नियम

⁹ तुऔं आपणै मोजबूत बिशवाश कै साथै तैसका विरोध कौरणा चैंई। याद राखौ कै तोंवारै मसीह भाईटु जू पूरै दुनिया दै रौए रौवै, ऐशैखैई दुखो खै सौयन कौरे लौवै जैशै तुऐं सौय लौवै।

1 पतरस 5:9 ပူးပေါင်းရင်းမြစ်များ

लूका 22:32

परह् शमौन, मुँऐ ताँव्खें प्रार्थना करी थऐ, के तेरा बिश्वाष खत्त्म ने हों; अरह् जबे तू होशौ दा आऐला, तअ आप्णें भाऐ-बंईण बिश्वाष दे पाक्कै करला।

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

1 कुरिन्थियों 10:13

कुऐं ऐशी परख तुँओं गाशी ने पढ़ो, जुण्जी सोभी खे ऐक भाँत्ती ने हों, पंणमिश्वर बिश्वाष ज़ूगै असो; से तुँओं कोसी ऐशी परख दे ने पढ़णों दियों, जुण्जी परख तुँवारी सहणों जूगी ने हों, परह् से परख आरी तिन्दा का ऊपाया भे कर्दे; जू तुऐं सह्ऐन करी सको।

इफिसियों 4:27

अरह् ना दुष्ट-शैतान खे मुँका दिऐ।

इफिसियों 6:16

अरह् ईनू सोभी आरी बिश्वाष की ढाल लऐयों अट्ल़ रंह्ं, जिन्दे लई तुँऐं तेसी दुष्टो के बादे जल़्दे तीर हिशाल़ी सको।

कुलुस्सियों 2:5

मंतल्व हाँव देह्-शरीर दा तेथै ने आथी, परह् तंबे भे तुवाँरे आच्छ़ै आत्त्मिक भाव शा मसीया दा तुवाँरे बिश्वाष की संच्चाई देखियों खुशी हंऐयों आत्त्मा दा तुवाँरी गंईलो असो।

1 थिस्सलुनीकियों 3:3

के कुँऐं ईनू कल़ेषो के जाँणें डगमंगाई ने ज़ाँव; किन्देंखे के तुँऐं आपु भे जाँणोऐं के आँमों ईन्दी की ताँईऐ थऐ थुऐ।

1 तीमुथियुस 6:12

बिश्वाष की आच्छ़ी कुष्ती लड़, अरह् सेजा अमर-जीवन पा, जिन्देकी ताँईऐं ताँव खास-करियों बय्दी थुवा; अरह् तुऐं भहिते गुवाह्-शाज़्त्त के सहाँणें कबूल करियों माँनी भे पाव थियों।

2 तीमुथियुस 3:12

ऐजी तअ संच्चाऐ असो, के सेजे सोभीं लोग, जुण्जें मसीया यीशू दा संच्चाई का जीवन जीऊँणों का ईरादा करह्, तिनू सताऐं भे जरूर ज़ाले।

2 तीमुथियुस 4:7

मुँऐ आच्छ़ी कुष्ती लड़ी थऐ, मुँऐं आप्णी दौड़ पुरी करी पाऐ, मुँऐ बिश्वाष की देख-भाल़ करी थऐ।

इब्रानियों 11:33

तिन्ऐं आप्णें बिश्वाष के कारण कंई राज्य आप्णें अंधीन करी दित्ते, तिन्ऐ नियाँव का पाल़्ण करा, अरह् तेसी बाय्दे का फ़ल़ पाया; अरह् सिंयों के मुँह बाँनी दित्ते।

इब्रानियों 12:8

जे तुँओं खे तैष्णी ही डाँट-झाड़ भेंटो, जेष्णी के ओकी सोभी नहाँन्ड़िया खे भेंटो, तअ तुऐं तिनकी आप्णीं अलाद असो; झ़ुट्करी अलाद ने आथी।

याकूब 4:7

ईन्देंखे पंणमिश्वर के अधीन-बष दे रंह्, अरह् शैतान का बिरूध करियों तेस्का साम्णाँ करह्, तअ से तुवाँरे साम्णें शा भागी लागला।

1 पतरस 1:6

ईन्देंखे तुँऐं मंगन हों, किदेखे के जरूरी असो, के हेभी कुछ देसो खे तुओं कंई किस्म की परख-अजमाँऐंषों के कारण तुँओं दु:ख हंदा;

1 पतरस 2:21

अरह् तुँओं ईन्देखे बय्दी थुऐं, किन्देंखे के मसीया भे तुँवारी ताँईऐं दु:ख भूगियों तुँओं खेे ऐक शीख देऐ थऐ, के तुँऐ भे तिनके नंक्क्षे-कदम गाशी चालो।

1 पतरस 3:14

जे तुँओं प्रभू की अछाई के जाँणें दु:ख भे भूगणा पड़ो, तअ तुँऐं भागोईत असो! परह् लोगो के डरावे दे ने डरे अरह् ना घबराऐं।

1 पतरस 4:13

परह् खुशी मनाँव, के तुँऐं मसीया के दु:खो के भागी बंणें; किन्देंखे के जबे तिनकी बड़ियाऐ पर्गट हली, तअ तुँऐं भे तिन्दे मंगन हऐयों खुशी मनाँले।

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।

प्रकाशितवाक्य 6:11

तिनू मुँझी ऐकी नाँमों खे चीट्टे खोट्णों देऐयों तिनखे बुलो, के तुँऐं किऐ हजो ठहरी ज़ाव, किन्देंखे के जाँव तोड़ी तुवाँरे संगी-साथी दास, अरह् भाऐ-बंईणों जुण्जे तुँओं जैष्णें माँरी देईले जिनकी हंत्त्या करी ज़ाँदी; अरह् सेजे हेबी तोड़ी तुँओं मुँझी ने आऐ रंई।

प्रकाशितवाक्य 7:14

मुँऐ तैस्खे बुलो: “हे श्री माँन, ऐजो तअ तुँऐं जाँणों।” तेने मुँखे बुलो, “ऐजे सेजे असो, जू बड़े कल़ेष मुँझ शे नींक्ल़ियों आऐ रूऐ; ईनू लोगे आप्णे-आप्णे खोट्णों छ़ैल़्टे के लह्ऊँ लई धुईयों चींट्टे बाँणीं थुऐ।