1 पतरस 5:10 - Sirmouri

¹⁰ ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

सिरमौरी नौवाँ नियम

¹⁰ पौरमेशवर जू पूरी तरह शै अनुग्रह लैई भौरेयौंदा औसौ, तैणै आमु मसीह कै साथै अमारै रिशतै कै बौजैह शै स्वर्ग दै तैसकै सौदा कै महिमा दै शामिल हौणौ कारिए बौएदै राए। औरौ तोंवारै दैणिक सौमय तौड़ी दुख सैहणौ कै बाद, पौरमेशवर तुऔं आछा बाणै दैंदा ताकि तुऔं मुंजी हौजौ कुणजाई दोष नी रौंव औरौ सै तोंवारै दिलो खै मोजबूत कौरदा औरौ तैसी पांदी तोंवारै भोरोशे खै सौथीखै मोजबूत बाणै दैंदा।

1 पतरस 5:10 ပူးပေါင်းရင်းမြစ်များ

लूका 22:32

परह् शमौन, मुँऐ ताँव्खें प्रार्थना करी थऐ, के तेरा बिश्वाष खत्त्म ने हों; अरह् जबे तू होशौ दा आऐला, तअ आप्णें भाऐ-बंईण बिश्वाष दे पाक्कै करला।

रोमियों 15:13

पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

रोमियों 15:5

धीरज-सबेर अरह् शाँण्त्ति का दाता पंणमिश्वर तुँओं खे ऐजा बर्दांणा दियों, के मसीया यीशू के मुँताबिक आपु मुझी ऐक मंन रूऐ।

रोमियों 16:25

ऐबे जू तुँओं मेरी खुषख्बरी मतल्व प्रभू यीशू मसीया के शिक्क्षा के प्रचार के मुँताबिक शे पाक्के करी सको, तेसी भेद् के प्रकाष के मुँताबिक जू ज़ूगौ शा चुप्पी रूआ,

रोमियों 9:11

बालक पय्दा भे हई ने रंई थी, अरह् तिन्के किऐं भे भले-बुरे कर्णो शो आगे, रिबेका खे ऐजो बुलो गुओं; के “जैठा बैटा, काँण्छ़ै बैटे के बष दा रंह्दा।” ऐष्णों ईन्देंखे हुओं, के पंणमिश्वर का फय्सला बंणा अंदा रंह्, अरह् पंणमिश्वर का फय्सला आदमी के काम कर्मों दा ने, परह् तिन्के चूणें-छ़ाटे अंदें के हिसाब शा तिन्ही गाशी दारमदार असो।

रोमियों 9:24

मतल्व आँमों गाशी; जिनू तिन्ऐ सिर्फ यहूदियों ही मुझ्षे ने, परह् गऐर यहूदी मुँझ्शे भे बय्दी थुऐ।

1 कुरिन्थियों 1:10

हे मेरे भाऐ बंईणों, हाँव तुँओं शी अमाँरे प्रभू यीशू मसीया के नाँव शी ढाल-अरज करू, के तुँओं मुझी फुट् ने पड़ो, तुऐं ऐक ही मंन अरह् ऐक ही बात अरह् ऐक ही मत्त दे मिली-झुलियों रंह्।

1 कुरिन्थियों 1:9

पंणमिश्वर बिश्वाष कर्णो ज़ूगा असो जिन्ऐं तुँओं आप्णे बैटे अमाँरे प्रभू यीशू मसीया की संगत्ति दे बऐदी थुऐ।

2 कुरिन्थियों 13:11

तअ: हे भाऐ, बंईणों, आँन्दित्त-खुशी रंह्; साच्चै बण्दे ज़ाव; हिम्मत थुऐं; ऐक ही मंन थुऐ; मेल शे रूऐ। अरह् पियार अरह् शाँण्त्ति का दाता पंण्मिश्वर तुँवारी गईलो हला।

2 कुरिन्थियों 4:17

किन्देखे के अमाँरा ऐगड़ी का दाँणिंक जिया कल़ेष आँमों खे बैजाऐ प्रभू यीशू के अरह् हमेशा की बड़ियाऐं पय्दा करदा ज़ाँव जिन्दें बरा-बरी ने करी ज़ादी;

फिलिप्पियों 4:13

जू मुँखे तागत दियों, तिन्दे खे हाँव सब-कुछ करी सकू।

कुलुस्सियों 2:7

अरह् तिनही दे तुऐं जुड़े अंदे, अरह् मसीया दे बड़्दे, अरह् आप्णें बिश्वाष दे पाक्कै हंऐ ज़ाव; ठीक तेष्णें ही जेष्णीं तुओं खे शिक्क्षा देऐ थंऐ, अरह् तुऐं धन्यबाद की हिछ़या दे जादा शे जादा बंड़्दे ज़ाँव।

1 थिस्सलुनीकियों 2:12

के तुँवारी चाल-ढाल पंण्मिश्वर ज़ूगी हों, जुण्जे तुँओं आप्णे राज अरह् बड़ियाई खे बईदो।

2 थिस्सलुनीकियों 2:14

जिन्दे खे तिन्ऐ तुँओं अमाँरी खुषख्बरी खे बय्दी थुऐ, के तुँऐं अमाँरे प्रभू यीशू मसीया दे बड़ियाऐं पाँव।

2 थिस्सलुनीकियों 2:17

तुवाँरे सासो दी शाँण्ति दियों, अरह् तुँओं ऐक नाँम आच्छ़े काँम-काज़ अरह् बचन दे पाक्कै करह्।

2 थिस्सलुनीकियों 3:3

परह् प्रभू साच्चा, असो; से तुँओं बिल्कुल पाक्कै करदा, अरह् दुष्टो शे बंचाऐयों थोंदा।

1 तीमुथियुस 6:12

बिश्वाष की आच्छ़ी कुष्ती लड़, अरह् सेजा अमर-जीवन पा, जिन्देकी ताँईऐं ताँव खास-करियों बय्दी थुवा; अरह् तुऐं भहिते गुवाह्-शाज़्त्त के सहाँणें कबूल करियों माँनी भे पाव थियों।

2 तीमुथियुस 1:9

जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

2 तीमुथियुस 2:10

ईन्देंके कारण हाँव च़ूंणें-छाटे अंदें लोगो की ताँईऐं सब-कुछ सऐन करू, के से भे तेसी छ़ुट्कारा जुण्जा के मसीया यीशू दा असो; से तेसी भे सदा की बड़ियाई आरी पाँव।

इब्रानियों 9:15

अरह् ऐसी ही कारण मसीया नुवें वाचा खे ऐक त्रींण चीज बंणा, जू तियों मंऊँत्ती के कारण जुण्जी आगले वाचा के बंख्त्ते अपराधों शा छ़ुट्कारा पाँणों खे कंरा गुवा थिया; जिन्दें लंई बंईदे अंदे लोग तेसी बाय्दे के मुँताबिक सदा खे हंकदार बंणाँऐ ज़ाँदे।

1 पतरस 1:15

परह् जेष्णाँ तुवाँरा बईद्णों वाल़ा पबित्र असो, तेष्णें ही तुँऐं भे आप्णे बादे चाल-चल़्ण दे पबित्र बणों।

1 पतरस 4:10

ऐकी नाँमों खे पंणमिश्वर के जाँणें खास बर्दाण भटी रूआ, ईन्देंखे से पंणमिश्वर के अपार कृपा के आछे भणडारी के रूप दे ओका ओकी की जरूर्तो पुरी कर्णो खे तिन्दें के ईसतेमाल करह्।

1 पतरस 4:11

जे कुँऐं बचन बुलो, तअ तेष्णा बुलो, जेष्णाँ तेसी पंणमिश्वर कैई शा भेटियों तेने बुली लुवा; जे कुँऐं सेवा करह्, तअ तियों शक्त्ति शी करह्, जैष्णी पंणमिश्वर कैई शी भेटी रूऐ; जिन्दे लई बादी बातो दी प्रभू यीशू मसीया के जाँणें, पंणमिश्वर की बड़ियाऐ पर्गट हों; बड़ियाऐ अरह् शक्त्ति सदा-सदा तिनकी ही असो। आमीन।

2 पतरस 1:3

आप्णें जीवन खे, अरह् पंण्मिश्वर की सेवा खे, जुण्जो किऐ आँमों चैईं थियो, सेजो आप्णी दिब्य शक्त्ति शो तिन्ऐं आँमों खे सब-कुछ देऐ थो; किन्देंखे के आँमें तिनू जाँणों ऐ, जिन्ऐं आप्णी धार्मिक्त्ता अरह् बड़ियाऐ के जाँणें आँमों बय्दी थुऐ।

1 यूहन्ना 2:25

सदा-सदा का अमर-जीवन का बाय्दा भे तिनके ही जाँणें आँमों आरी करा गुवा थिया।

यहूदा 1:24

ऐबे: जुण्जा तुँओं ठूकर लागणों अरह् रिड़णों शे बंचाऐ सको, अरह् आप्णी बड़ियाई के साम्णें खुशी-आँनन्द मंनाऐयों तुवों नीरदोष बंणाँणों ज़ूगा हों,