1 पतरस 5:1 - Sirmouri

¹ तुँओं मुँझी जुण्जे ठग्ड़ै आदमी असो, हाँव, तिनू जैष्णा ठग्डा अरह् मसीया के दु:खों का गुवाह्-शाज़्त अरह् पर्गट हंणों वाल़ी बड़ियाऐं दा साजी हऐयों तिनू ऐशे सम्झाऊँ

सिरमौरी नौवाँ नियम

¹ किछै ऐशणी बातौ जू हांव तिथै कै अगुवे शै बौलणा चोऊं जिथुकै हांव बै तोंवारै जैशणा ऐक अगुवा औसौ। मोऐं आपी तिनु दुखो कै दैख राए जू बैजाए सौमय आगै मसीहे सैय राए। जोबै सै औटेयौ पाछु आन्दा, तौ हांव बै तैसकै महिमा दा शामिल हौंदा। ऐबै हांव तुऔं कैईंदै बिन्ती कौरु:

1 पतरस 5:1 ပူးပေါင်းရင်းမြစ်များ

लूका 24:48

अरह् तुँऐं ईनू सोभी बातो के गुवाह्-शाज़्त हंदे।

प्रेरितो कै काम 1:22

ठीक असो, के तिनू मुँझ्षा ऐक आदमी अमाँरी गंईलो तिनके पाछु ऊँबे जीवणों का गुवाह्-शाज़्त्त बंणी ज़ाँव।”

प्रेरितो कै काम 1:8

पबित्र-आत्त्मा तुँओं गाशी ऊँत्रणों गाशी, तुओं खे शक्त्ति भेट्ली; अरह् तुँऐं यरूशलेम अरह् बादे यहूदिया अरह् सामरिया दे, अरह् धर्ती के आखरी कुँणें तोड़ी मेरे गुवाह-शाज़्त्त हले।”

प्रेरितो कै काम 11:30

तबे तिन्ऐं तेष्णों ही करो; बरनबास अरह् शाऊल के हाथे किऐ धंन राशी बुड़ाईकों खे तूफें के रूप दे डेयाल़ी।

प्रेरितो कै काम 14:23

संत्त-पौलुस अरह् संत्त-बरनबास ऐ ऐक नाँम कलीसिया दे तिनखे बुड़े बुजूरग चूणें-छाँटे, अरह् बरत्त आरी प्रार्थना करियों तिनू प्रभू के हाथों दे देंऐ दिते, जिनका तिन्ऐं बिश्वाष करा थिया।

प्रेरितो कै काम 15:4

जबे से यरूशलेम दे पह्ईचे, तअ कलीसिया अरह् खास-चैले अरह् माँने-गीणें बुड़े बुजूर्गो ऐ तिनकी गईलो मंजे शे भेंटिऐ, अरह् तिन्ऐं बुलो, के पंण्मिश्वर ऐ तिनकी गईलो रंह्ऐयों केष्णें-केष्णें काँम-काज़ करी थुऐ।

प्रेरितो कै काम 15:6

तबे प्रभू यीशू के खास-चैले अरह् माँने-गीणें बुड़े बुजूर्गो लोग ईयों बातो की बारे दे बिचार कर्णो खे कठै हुऐ।

प्रेरितो कै काम 2:32

पंण्मिश्वर ऐ तिन्ही यीशू हजो ऊबे जियाल़े, अरह् आँमें बादे ईयों बातो के गुवाह्-शाज़्त्त असो।

प्रेरितो कै काम 20:17

तबे संत्त-पौलुस ऐ मिलेतुस शा इफिसुस खे शुज़ा दिता, अरह् कलीसिया के बुड़े बुजूर्गो तेथै बईदे;

प्रेरितो कै काम 20:28

“तुऐं लोग आपु खे, अरह् आप्णीं बादी मंडल़ी खे संक्न्नै-च़ौक्ष रूऐ; ईन्देंखे के पबित्र-आत्त्मा ऐ तुओं खे ईयों मंडल़ी की रंख्वाल़ी का पंद्-भार देऐ थुवा, के तुऐं पंण्मिश्वर की कलीसिया के साच्चै भेंड़वाल़े बंणों; जिनू पंण्मिश्वर ऐं आप्णें बैटे के लंह्ऊँ देऐयों धारण करी थुऐ।

प्रेरितो कै काम 21:18

दुज़े देसे संत्त-पौलुस अमाँरी गईलो याकूब कागी हुटे; तेथै बादे यहूदी बुड़े बुजूर्गो लोग कठै थिऐ।

प्रेरितो कै काम 3:15

तुँऐं जीवन देंणों वाल़े माँरी दित्ते; परह् पंण्मिश्वर ऐं तिनू मँरे अँदे मुँझ्शे पाछ़ू ऊँबे जीयाल़े; जिन्दें के आँमें भे गुवाह्-शाज़्त्त असो।

2 कुरिन्थियों 5:1

किन्देंखे के आँमें जाँणों ऐ, के अमाँरो धर्ती गाशी डेरा जिया घर ऊदा ढाल़ी देईदा, तअ आँमों खे पंण्मिश्वर की ढबे शो ऐक ऐशो भवन स्वर्गो दो भेट्दो जू हाथो शो बंणाँव घर ने आथी, परह् हमेशा को घर असो।

2 कुरिन्थियों 5:8

ईन्देंखे आँमें हिम्मत्त थंह्, अरह् देह्-शरीर शे ज़ई रंऐयों, प्रभू आरी रंहणों आछ़ो जाँणों।

फिलिप्पियों 1:19

किन्देंखे के हाँव जाँणूऐं के तुँवारी बिन्त्ती के जाँणें अरह् यीशू मसीया की आत्त्मा के दाँण के जाँणें, ईन्देंका प्रत्तिफ़ल़ ऐजा असो; के मेरा छ़ुट्कारा हऐ ज़ाँदा।

1 तीमुथियुस 5:1

कोसी बुड़ा-खाड़ा ने फिट्के, परह् तेसी आप्णा बाबा जिया जाँणियों सम्झाऐ दे, अरह् आपु शे कंम ऊँमर के लोग भे आप्णें भाऐ जिऐ जाँणें;

1 तीमुथियुस 5:19

जे किऐ दोष-कसूर कोसी बुड़े-मंजीज आदमी गाशी लाया ज़ाँव, तअ बिना दू-च़ी गुवाह्-शाज़्त्त की शाक्क्षी के बिना ने शुँणें।

2 तीमुथियुस 4:8

आँणों वाल़े बख्तो दो मुँखे तअ धार्मिक्त्ता को मुँकुट थऐ थो, जैथु प्रभू ऐ, जू धर्मी अरह् नियाँव कर्णो वाल़ा असो, से मुँखे तेसी देसे देंदे, अरह् मुँखे ही ने, परह् तिनू सोभिखे भे जुण्जे तिनकों पर्गट हंणों प्यारो जाँणों।

तीतुस 1:5

मुँऐं ताँव क्रेते दा ईन्देंखे छुड़ी थुवा थिया, के तू ऊकी बातो भे सुधारी दिऐं, अरह् मेरी अज्ञाँ के मुँताबिक शे नंगर-नंगर दे अगवाल़ सियाँणे बाँणे।

फिलेमोन 1:9

तबे भे हाँव पियार शी ताँव्खे ढाल-अरज कर्णी जादा आछो जाँणू, हाँव पौलुस जू ऐबे बुड़ी रूवा, अचकालिऐं प्रभू यीशू मसीया के ताँईऐं कय्दी दा असो,

इब्रानियों 12:1

ईन्देंखे जबे अमाँरे चोंऊँ ढंबै गुवाह्-शाज़्त्त का ऐक बोड़ो बाद्ल़ जियों छ़ाँऐ रूओं; तअ आँमें भे रूकाव्ट देंणों वाल़ी चींज अरह् ऊल़्झ़ाँणों वाले पाप दूर करियों, सेजी दोऊँड़ जिन्दें अमाँरे दोऊँड़्णो ऐ तिन्दे आँमें धिरज शे दोऊँड़ो।

1 पतरस 1:12

तिन कैई शो ऐजो दे:खाव गुओं थियों, के तिनू बातो का बचन का बखाँण कर्दे से आप्णी ने परह् तुँवारी सेवा करह् थिऐ। सेजी बातो स्वर्गो शी भेजी गई पबित्र-आत्त्मा के जाँणें तुँओं खे खुषख्बरी की शिक्शा देणों वाल़े के जाँणें बुली गई थी, अरह् तिनू बातो जाँण्णों खे तअ स्वर्गो के दूत भे तर्शोऐ।

1 पतरस 1:7

अरह् ईन्देंखे हों के तुवाँरा पर्खा अंदा बिश्वाष जू आगी शे भाड़े अंदे नाँष हंणों वाल़े सुन्नें शा भे कैथी बैजाऐ किम्त्ति असो; प्रभू यीशू मसीया के पर्गट हंणों गाशी, तारीफ, अरह् बड़ियाऐं अरह् आदर का कारण बंणों।

1 पतरस 4:13

परह् खुशी मनाँव, के तुँऐं मसीया के दु:खो के भागी बंणें; किन्देंखे के जबे तिनकी बड़ियाऐ पर्गट हली, तअ तुँऐं भे तिन्दे मंगन हऐयों खुशी मनाँले।

1 पतरस 5:4

जबे सेजा बड़ा जगवाल़ा पर्गट हला, तअ तुँओं खे बड़ियाऐं को मुँकुट-ताज दियो ज़ालो; जू कोद्दी भे मुँल़शाँन्दो ने।

1 यूहन्ना 3:2

हे प्यारों, ऐबे आँमें पंण्मिश्वर की अलाद असो, अरह् हेबी तोड़ी ऐजो पर्गट ने हऐ रई, के आँमें आँणों वाल़े बख्तो दे का हंदे! परह् आँमें ऐजो जाँणों ऐ, के जबे से पर्गट हले, तअ आँमें भे तिनके जिऐं हंदे, किन्देंखे के तिनू आँमें तैष्णें ही दे:ख्दे जैष्णें से असो ऐ।

2 यूहन्ना 1:1

मुह ठग्ड़ै की ढबे शी तिनू चूणीं-छाँटी अंदी तिरंई अरह् नहाँन्ड़िया के नाव, जिन शो हाँव साच्चो पियार थंह्ऊँ; अरह् सिर्फ हाँव ही ने, परह् सेजे बादे भे पियार थंह् जू सच्चाऐ जाँणो ऐ;

3 यूहन्ना 1:1

मुँह ठग्ड़ै की ढबे शे प्यारे गयुस के नाँम, जैच़्छ़ौ हाँव साच्चो पियार करू।

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।