1 पतरस 4:4 - Sirmouri

⁴ ईन्देंखे से हरान हों, के जबे तुँऐं ईनू शंगाँव्णें रहण-सहण दा तिनू अ-बिश्वाषी लोगो का साथ ने देंदे, तअ ईन्देंखे से तुँओं खे बुरो-भलो बुलो;

सिरमौरी नौवाँ नियम

⁴ इथलैई तोंवारै पुराणै दोस्त हैरान हौए जांव जोबै तुऐं तिनकै साथै तिनु बुरी चीज़ौ दै शामिल ना हौंव जू सै कौरौए। इथकारिए सै तोंवारै बैज्जती कौरौ।

1 पतरस 4:4 ပူးပေါင်းရင်းမြစ်များ

मत्ती 23:25

“फींट्कारा असो! कऊँट्ल़ी पाखंडी यहूदी-निय्म के शिखाणों वाल़े! अरह् यहूदी भाट-बाँम्ण, तुँओं खे भहित्ती सजा भेट्दी! तुँऐं बैलुऐ अरह् मुँगाँल़ी तअ गाछ़ गाछ़ै माजों परह् भीत्रों शे से काल़े अरह् जुँठ्वाँणीं शे भरे अंदे हों।

लूका 15:13

परह् थोड़े देसो बित्त्णों गाशी तेने काँण्छ़े बैटे ऐं आप्णी बादी संम्पत्ति कंठी करियों बिकी दिती, अरह् आपु तेथै शा दुर देश खे हुटा; अरह् तेथै तेने आप्णी संम्पत्ति शो भेटो अंदो बादो धंन चुरी-जारी दो ऊड़ाऐ दितो।

प्रेरितो कै काम 13:45

परह् यहूदी लोग तियों भीड़ो देखियों, डाह-जल़्ण शे जल़ी गुऐ; अरह् संत्त-पौलुस की नीदया कर्दे तिनकी बातो का बिरूध कर्दे लागे।

प्रेरितो कै काम 18:6

परह् जबे सेजे लोग संत्त-पौलुस का बिरूध अरह् नीदया कर्दें लागे, तबे तेने आप्णे खट्णों की धूड़ झाड़ियों तिनखे बुलो, “तुवाँरो लह्ऊँ तुवाँरें ही मुँडे हों! हाँव नि-र्दोष-बै-कसूर असो। ऐबे हाँव गऐर-यहूदी कैई ज़ाँऊबा।”

रोमियों 13:13

जेष्णों देसो खे आछो लागो, तेष्णी ही आँमें साची चाल-चालो, ना के लिला-क्रिढ़ा अरह् ना पियाक्ड़पण दे, ना चोरी-जारी, अरह् ना लुच-पंण दे, अरह् ना झगड़े, डाह् दे।

इफिसियों 5:18

अंगुरोह् के शाड़े अँदें रंस शे मंतवाल़े ने बणें, किन्देंखे के ईदे लई लूचपंण हों, परह् पबित्र-आत्त्मा शे भरपूर हंदे ज़ाव,

1 पतरस 2:12

अ-बिश्वाषी आरी तुवाँरा चाल-चल़्ण आछा हों; जू जिन-जिन बातो दे से तुँओं कू-कर्मी जाँणियों बदनाँम करह्, से तुँवारी भली काँम-काज़ दे:खियों तिन्दी के जाँणें कृपा दृष्टी के देसे पंणमिश्वर की बड़ियाऐ करह्।

1 पतरस 3:16

अरह् तुवाँरा बिचार-जमीर भे पबित्र थुऐं, ईन्देंखे के जिन बातो के बारेदे तुँवारी बदनाँमी हों, तिन्दे के बारे देसे, जू मसीया दे तुवाँरे आछे चाल-चलण दी बदनाँमी करह् से आपु भे सरमाँऐं ज़ाव।

2 पतरस 2:12

परह् सेजे लोग बै-अक्ले बुणेंरो जैष्णें असो, जू शिकार ज़ूगै, अरह् खाँणों काट्णों खे पय्दा हों, से तेष्णीं ही बातो की नीदया करह् जुण्जी से सम्झोंदे ने। से बुणेंरो के जिऐं नाँष हों।

2 पतरस 2:22

तिन गाशी तअ ऐजो ही अनाँणों ठीक असो, के “कुत्ता आप्णी ही छाद्दो कैई पाछू हुटो। जैष्णी नुहाँऐ अंदी सूहरी पाछू चीक्ड़-गारे मुँझी पंसर्णों खे पाछू तेथी हुटो।”

यहूदा 1:10

ऐजे लोग जुण्जी बातों जाँण्दे ने, तिनू बातो के नीदिया करह्, अरह् ऐजे लोग बै-सम्झ बुणेंरो जैष्णें असो, अरह् तिन्दी के जाँणें ऐ नाँष हों।