1 पतरस 4:13 - Sirmouri

¹³ परह् खुशी मनाँव, के तुँऐं मसीया के दु:खो के भागी बंणें; किन्देंखे के जबे तिनकी बड़ियाऐ पर्गट हली, तअ तुँऐं भे तिन्दे मंगन हऐयों खुशी मनाँले।

सिरमौरी नौवाँ नियम

¹³ बस इथकै बारै मुंजी खुशी रौव, जिथुकै तुऔं तिनु दुखो दा ऐक हिस्सा भैटी रौआ जू मसीह खै भैटी रौवै थिए। इयौं बौजैह शै, जोबै मसीह सौब लोगौ खै आपणै महिमा प्रगट कौरणौ कारिए औटेयौ पाछु आन्दा तौ तोंवारा आनन्द सौथीखै बौड़ा हौंदा।

1 पतरस 4:13 ပူးပေါင်းရင်းမြစ်များ

मत्ती 16:27

आदमी का बैटा आप्णे पिता की बड़ियाऐ दे आप्णें स्वर्गदूत्त की गईलो आला, तबे से ऐक नाँम आदमी खे तिनके काँम-काज के मुताबिक प्रतिफल़ देले।”

मत्ती 25:21

तेस्के मालिके ऐ बुलो, ‘भागोईत असो! आछा अरह् बिश्वाष ज़ुगा दास, तू थोड़े दा बिश्वाष ज़ुगा रूवा; हाँव ताँव भहिती चीजों का अधिकारी बणाँऊँबा। आप्णें मालिक की गईलो आँनन्द-खुशी दा भागींदार हो।’

मत्ती 25:23

“तेस्के मालिके तेस्खे बुलो, ‘भागोईत असो! आछे अरह् बिश्वाष ज़ुगै दास तू जू थोड़े दा बिश्वाष ज़ुगा रूवा; हाँव ताँव भहिती चींजो का अधिकारी बाँणूबा। आप्णे मालिक आरी आँनन्द-खुशी दा भागींदार हो।’

मत्ती 25:31

“जबे आदमी का बैटा आप्णी बड़ियाऐ आरी आला, अरह् बादे स्वर्गदूत्त तेसी आरी आले, तअ से आप्णी बड़ियाऐं के सिंगास्हणं गाशी बईठला।

मत्ती 25:34

“तबे राजा आप्णी सुऐं ढबे के लोग दे: खियों बुल़्ला, ‘मेरे पिता के जाणें कृपा वाल़े लोग! तेसी राज्य के हंक-अधिकारी बंणों, जुण्जे तुओं खे सृष्टी की स्थापंना के बख्ते शी तियार करी थंऐ।

मत्ती 5:12

आँन्दित्त-खुशी अरह् मंगन हुऐ, किन्देखे के स्वर्गो दा तुँओं खे बड़ा प्रतिफल़ असो। ईन्देंखे के तिनिऐं तिनू भे जुण्जे पंणमिश्वर की बरंम्बाणीं कर्णो वाल़े थिऐ, तिनू भे तिन्ऐं आगे ऐष्णें ही सताऐ थिऐ।

मरकुस 8:38

जुण्जा कुँऐं ईयो नाँष बाँन अरह् पाप वाल़े ज़ूंग दा मुँह अरह् मेरे बचन दा सरमाँऐं ज़ाव तेस्खे आदमी का बैटा भे जबे आप्णें पिता की बड़ियाई दा पबित्र स्वर्गदूत्त की गईलो आला, तअ से भे तेसी मानणों दा सरमाँऐं ज़ाँदा।”

लूका 17:30

अरह् तैसी देसे भे ऐष्णों ही हंदो; जैसी देसे आदमी का बैटा पर्गट हला।

प्रेरितो कै काम 16:25

आधी रात्ती के उडे-पूडे संत्त-पौलुस अरह् सीलास प्रार्थना कर्दें-कर्दें पंण्मिश्वर के भजन गाँदे लागे; अरह् ओकी कंय्दी ऐ भे तिनू शुँणी लुऐं थिऐ।

प्रेरितो कै काम 5:41

खास-चैले आँन्दित्त-खुशी हऐयों तियों बड़ी खुम्ल़ी के च़ौत्रें शे आगु हुटे, के आँमों प्रभू यीशू के नाँम शे बै-ईज्त्ते करे गुऐ; ईन्देंखे आँमें बै-जाऐ भागोंईत्त असो!

रोमियों 5:3

सिर्फ ऐजो ही ने, परह् आँमें दु:ख कल़ेषो दा भे आँन्द करह्, ऐजो जाँणियों के कल़ेष शा धीरज,

रोमियों 8:17

अरह् जे अलाद असो, तअ आँमें पंणमिश्वरो के बारिस भे असो, अरह् मसीया की गईलो सग्गै वारिस असो, के जे आँमें तिनू आरी दु:ख भुगबे तअ तिनकी गईलो आँमों बड़ियाऐ भे जरूर भेट्दी।

रोमियों 8:18

किन्देंखे के मेरे जाँणियों के ऐसी बख्तो की अमाँरी परेशानी अरह् कल़ेष तियों बड़ियाऐं के साम्णें किऐं ने आथी, जुण्जी के आँमों गाशी पर्गट हणों वाल़ी असो।

2 कुरिन्थियों 1:5

किन्देंखे के जैष्णें मसीया के दु:खो के आँमें हिस्सेदार असो, तैष्णें ही आँमें तियों शाँण्त्ति दे भे मसीया के जाँणें हिस्सेदार असो।

2 कुरिन्थियों 1:7

अमाँरा भूर्षा तुवाँरे बारे दा पाक्का असो, किन्देंखे के आँमें जाँणोंऐं, के तुँऐं जैष्णें अमाँरे दु:ख-कल़ैष दे, तैष्णें ही अमाँरी शाँण्त्ति दे भे बराबर के हिस्सेदार असो।

2 कुरिन्थियों 4:10

आँमें प्रभू यीशू की मऊँत आप्णी देह्-शरीर दी हर बख्त लऐयों फिरो, के प्रभू यीशू का जीवन अमाँरी देह्-शरीर दा पर्गट हों।

2 कुरिन्थियों 4:17

किन्देखे के अमाँरा ऐगड़ी का दाँणिंक जिया कल़ेष आँमों खे बैजाऐ प्रभू यीशू के अरह् हमेशा की बड़ियाऐं पय्दा करदा ज़ाँव जिन्दें बरा-बरी ने करी ज़ादी;

फिलिप्पियों 3:10

हाँव ऐजो चहाऊँ, के हाँव मसीया जाँणी पाऊँ, अरह् तियों शक्त्ति का तजरबा करणा चहाऊँ, जिन्दे लई से मँरियों पाछु ऊबे जीऐं; अरह् मऊँदी दा तिनू जेष्णाँ बंणियों तिनके दु:ख भोगणों दा साथी बंण्णा चहाऊँ।

कुलुस्सियों 1:24

ऐबे हाँव तिनू दु:खो के जाँणें आँनन्द करू, जू हाँव तुँवारी ताँईऐं ऊठाऊँ; मसीया ऐ आप्णी देह्-शरीर मतल्व कलीसिया की ताँईऐं जू दु:ख भोगी थुवा, तिन्दी जुण्जी किऐ कंम्मीं-पैशी रंऐ रई, हाँव तियों आप्णी देह्-शरीर दी पुरी करूबा।

2 तीमुथियुस 2:12

जे आँमें दु:ख्ह सबैर माँरियों संह्दे भे रंऊँबे: तअ तिनकी गईलो आँमें राज भे जरूर कर्दे; जे आँमें तिनू छुड़ी देऊँबे, तअ से भे आँमों छुड़ी देंदे।

1 पतरस 1:13

ईन्देंखे आप्णी-आप्णी बुद्धी-सम्झ शे च़क्क्ष रूवे, आप्णें आपै दे रूवे, तियों कृपा गाशी पाक्का भूर्षा थुऐ, जू प्रभू यीशू मसीया के पर्गट हंणों गाशी तुँओं खे दिया ज़ादा।

1 पतरस 2:21

अरह् तुँओं ईन्देखे बय्दी थुऐं, किन्देंखे के मसीया भे तुँवारी ताँईऐं दु:ख भूगियों तुँओं खेे ऐक शीख देऐ थऐ, के तुँऐ भे तिनके नंक्क्षे-कदम गाशी चालो।

1 पतरस 5:1

तुँओं मुँझी जुण्जे ठग्ड़ै आदमी असो, हाँव, तिनू जैष्णा ठग्डा अरह् मसीया के दु:खों का गुवाह्-शाज़्त अरह् पर्गट हंणों वाल़ी बड़ियाऐं दा साजी हऐयों तिनू ऐशे सम्झाऊँ

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

यहूदा 1:24

ऐबे: जुण्जा तुँओं ठूकर लागणों अरह् रिड़णों शे बंचाऐ सको, अरह् आप्णी बड़ियाई के साम्णें खुशी-आँनन्द मंनाऐयों तुवों नीरदोष बंणाँणों ज़ूगा हों,

प्रकाशितवाक्य 1:7

देखो, से बाद्ल़ो आरी आँणों वाल़े असो, अरह् ऐक नाँम आँख तिनू देख्ली, परह् जिन्ऐं तिनू भिने थिऐ, से भे तिनू देख्लें, अरह् संईसारी-धर्ती के बादे कुल़ो के आदमी रूऐयों आप्णी-आप्णी छ़ाती-हिकुड़े पिट्ले। ऐष्णों जरूर हंदों। आमीन!

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।