1 पतरस 4:11 - Sirmouri

¹¹ जे कुँऐं बचन बुलो, तअ तेष्णा बुलो, जेष्णाँ तेसी पंणमिश्वर कैई शा भेटियों तेने बुली लुवा; जे कुँऐं सेवा करह्, तअ तियों शक्त्ति शी करह्, जैष्णी पंणमिश्वर कैई शी भेटी रूऐ; जिन्दे लई बादी बातो दी प्रभू यीशू मसीया के जाँणें, पंणमिश्वर की बड़ियाऐ पर्गट हों; बड़ियाऐ अरह् शक्त्ति सदा-सदा तिनकी ही असो। आमीन।

सिरमौरी नौवाँ नियम

¹¹ जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।

1 पतरस 4:11 ပူးပေါင်းရင်းမြစ်များ

मत्ती 6:13

आँमों पाप कर्णो की परख दे ने पाऐ, परह् बुराई पाप शे बंचाऐ; (किन्देखे के राज्य अरह् प्राकर्म अरह् बड़ियाऐं सदा-सदा तेरी ही असो।’ आमीन।)

यूहन्ना 13:31

यहूदा इस्करियोती के बाँईडे ज़ाँणों गाशी, प्रभू यीशू ऐं बुलो: “ऐबे आदमी के बैटे की बड़ियाऐ हंदी; अरह् तेस्के ही जाँणें पंण्मिश्वर की बड़ियाऐ हंदी।

प्रेरितो कै काम 7:38

से सेजा ही ऋषी मूसा थिया, जुण्जा शुंन-शाँन जागा की कलीसिया के बीच दी तेसी स्वर्गदूत्त की गंईलो सीनै धारोह् गाशी बात-चींत करह् थिया; से अमाँरे पुराँणियों आरी भी थिया, तेसी ही ऋषी मूसा खे जीऊँदें बचन भे भेंटे, के से सेजे पंण्मिश्वर के बचन आँमों तोड़ी पंह्ऊँचाल़ो।

रोमियों 11:36

किन्देंखे के तिनकी ही ढबे शे, अरह् तीनी ही के जाँणें, अरह् तीनी हीं खे ही सब-कुछ असो। तिनकी बड़ियाऐ ज़ूगौ-ज़ूगौ दी हंदी रंह्: आमीन!

रोमियों 12:3

किन्देंखे के हाँव तियों कृपा के जाँणें जू मुँह भेटी, तुँओं मुझ्शे ऐक नाँम खे बुलू, के जेष्णों सम्झणों पड़ो, तिन्दें शो बड़ियों कुँऐं भे आपु-आप्खे ने सम्झे; परह् जेष्णों पंणमिश्वर ऐकी नाँमों खे बिश्वाष के नंतिजे के हिसाब शो बाँडी थो, तेष्णें ही आच्छ़ी बुद्धी आरी आपु-आप्खे संम्झे।

रोमियों 16:27

तेसी ही सिर्फ ऐक बुद्धीमाँन पंणमिश्वर की यीशू मसीया के जाँणें; ज़ूगौ-ज़ूगौ तोड़ी बड़ियाऐं हंदी रंह्। आमीन।

रोमियों 3:2

हर परकार शा बैजाऐ भहिता फाय्दा असो। आगे तअ ऐजा असो, के पंणमिश्वर के बचन तिनखे दिऐ गुऐ।

1 कुरिन्थियों 10:31

ईन्देंखे तुँऐं किऐ खाँव, भाँव पींयों, भाँव किऐ भे करह्, सेजो सब-कुछ पंणमिश्वर की बड़ियाऐ खे हों।

1 कुरिन्थियों 12:4

बरदाँन तअ साँत्त-भाँत्ते असो, परह् पबित्र-आत्त्मा ऐक ही असो;

1 कुरिन्थियों 3:10

पंणमिश्वर की तियों कृपा के मुताबिक जुण्जा मुँखे दिता गुवा, मुँऐंं संम्झदार बाढ़ई की जेऐ पह्-नींव पाँऐ, अरह् ओका तिन्दें गाशी रंद्दा लाँव। परह् ऐक नाँम आदमी च़ौक्क्ष रूऐ के से तिन्दें गाशी केष्णा रंद्दा लाँव।

1 कुरिन्थियों 6:20

किन्देंखे के तुँओं दाँम देऐयों मुले लऐ थुऐ, ईन्देंखे आप्णी देह्-शरीर के जाँणें पंणमिश्वर की बड़ियाऐ करह्।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

2 कुरिन्थियों 9:13

किन्देंखे के सेवा का नंतिजा स्बीकार करियों से पंण्मिश्वर की बड़ियाऐ पर्गट करह्, के तुँऐं मसीया की खुषख्बरी मानियों तेसी ही बिसाब शे चाले, अरह् तिनकी ढबे शी सोभी की सहाय्ता-मंद्दत कर्णो की हिछ़या पर्गट करह्।

इफिसियों 1:19

अरह् तिनकी शक्त्ति जू आँमों खे देऐ थई, तिन्दे के बरा-बरी तुल्णा किनदी आरी ने हंदी; अरह् से बैजाऐ बड़ी असो, सेजी शक्त्ति आप्णी बड़ी असरदार लई कैत्री महाँन असो।

इफिसियों 4:29

किऐ गाँदी बात तुँवाँरे मुँहों शी ने निकल़ो, परह् जरूरत के मुँताबिक सेजी ही बात तुवाँरे मुँहों शी ओकी की भलाई के ताँईऐं तिनकी आत्त्मिक बड़ोत्री खे नीकल़ो, जू तिन्दे शुँण्णों वाल़े गाशी कृपा हों।

इफिसियों 5:20

अरह् सदा बादी बातो खे अमाँरे प्रभू यीशू मसीया के नाँव शे पंण्मिश्वर का धन्यबाद कर्दे रंह्।

इफिसियों 6:10

आखरी दो हाँव तुँओं खे ऐजो बुल्णों चहाँऊ; के प्रभू दे पाक्के हऐयों, प्रभू की पुरी शक्त्ति आरी आपु आपु खे शक्त्तिशाली बणाँओं।

फिलिप्पियों 1:11

प्रभू यीशू मसीया के कृपा लऐयों, तुँऐं प्रभू के नंजर दे बैजाऐ आच्छ़ै काँम-काज़ करह्, जिन्दें लंई पंण्मिश्वर के बड़ियाऐ हों, अरह् तिनकी संत्तुति हों।

फिलिप्पियों 2:11

अरह् परमं-पिता पंण्मिश्वर के बड़ियाऐं खे हर ऐक जीभ ऐजो माँनी पाँव के यीशू मसीया ही प्रभू असो।

कुलुस्सियों 4:6

तुँवारी बात-चीत्त सदा मिट्ठी मंन भाऊँ हों, जू तुँऐं ऐजो जाँणी पाँव के कोसी आदमी खे केष्णा जबाब देणा पड़ो।

1 थिस्सलुनीकियों 2:4

जैष्णें पंण्मिश्वर ऐ आँमों ईन्दें ज़ुगे जाँणियों आँमों कैई ऐजी खुषख्बरी दित्ती, अरह् आँमें तेष्णा ही बखाँण भे करा, आँमें लोगो खुशी कर्णो की कोशिष ने कर्दे, परह् आँमें तअ तेसी पंण्मिश्वर खुशी करह्, जू अमाँरे मंन का भैद् जाँणियों पर्खोऐ।

1 तीमुथियुस 1:17

ऐबे सदा का राजा मतल्व अ-बिनाषी, अनाँथों: खे, सिर्फ ऐक पंण्मिश्वर का आदर अरह् बड़ियाऐ ज़ूगौ-ज़ूगौ तोड़ी हंदी रंह्। आमीन।

1 तीमुथियुस 6:16

अरह् सेही सिर्फ अमर असो, अरह् ना तेसी कुणिऐं देखी थई, अरह् ना तेसी कुँऐं आदमी देखी सक्दा; किन्देंखे के से आगी के भाठौ के लहयारे की सैकों कैई रंह्; तिनकी ईज्जत अरह् तिनकी शक्त्ति का परमाँण ज़ूगौ-ज़ूगौ तोड़ी रंह्दा। आमीन!

तीतुस 2:1

परह् तू ऐशी बातो बुलिया करह्, जू आच्छ़ी शिक्क्षा ज़ूगी हों।

तीतुस 2:15

आप्णें बादे हंकधिकार आरी ऐजी बातो बुल, अरह् सम्झा, अरह् शिखाँदा रंह्। जिन्दें लंई कुँऐं ताँव्खे छोटा ने जाँणों।

इब्रानियों 13:7

जू तुवाँरें अगवाँल़ थिऐ, अरह् जिन्ऐं तुँओं कैई शा पंण्मिश्वर का बचन शुणाँया, तिनू चित्ते थुऐं, तिनकी जीवन के रित्त के नतिजे गाशी बिचार करह्; अरह् तिनके जिया बिश्वाष कर्णो के कोशिष करह्।

इब्रानियों 5:12

बख्त्तो के बिचार शे तअ तुऐं गुरू बंणीं गुऐ चैई थिऐ; तबे कियों ऐजो जरूरी असो, के कुँऐ तुओं खे दुज़ाल़िऐ पंण्मिश्वर के बचनों के शिक्क्षा हजों शुरू शी ही दियों? अरह् तुऐं ऐशे बंणी गुऐ; के हेबी तोड़ी तुओं खे नाँज के बद्ल़े दुध ही भेंटो चैई।

याकूब 1:19

हे मेरे प्यारे भाऐ बंईणों, ऐजी बात जाँणी पाव: के बादे आदमी शुण्णों खे सक्न्नै अरह् बुल्णों खे सबैर, अरह् झोको-गुस्सै खे धीरज-बंन्त्त चेंईं।

याकूब 1:26

जे कुँऐं आप्खे भगत्त-संत्त जाँण्ल़ा, अरह् आप्णी जीभों दे लगाम ने लाँव, तअ से आप्णें मंन दा धोखा खाँव; अरह् तेस्की भगत्ति बै-कार असो।

1 पतरस 2:12

अ-बिश्वाषी आरी तुवाँरा चाल-चल़्ण आछा हों; जू जिन-जिन बातो दे से तुँओं कू-कर्मी जाँणियों बदनाँम करह्, से तुँवारी भली काँम-काज़ दे:खियों तिन्दी के जाँणें कृपा दृष्टी के देसे पंणमिश्वर की बड़ियाऐ करह्।

1 पतरस 2:5

तुँऐं भे जीऊँदें पाथरो जेष्णें बंणों, के आत्त्मिक देऊँठी के जेष्णें बंणाऐं ज़ाव; जू ऐक ऐशा पबित्र याजकों का समाज बंणियों सेवा करी सको, जिनका फर्ज ऐशे ऐशे आत्त्मिक बल़ीदाँण चढा़ऐया करह्, जू प्रभू यीशू मसीया के जाँणें पंणमिश्वरो के भाँव।

1 पतरस 4:10

ऐकी नाँमों खे पंणमिश्वर के जाँणें खास बर्दाण भटी रूआ, ईन्देंखे से पंणमिश्वर के अपार कृपा के आछे भणडारी के रूप दे ओका ओकी की जरूर्तो पुरी कर्णो खे तिन्दें के ईसतेमाल करह्।

1 पतरस 4:16

परह् जे कोसी खे मसीही हंणों के कारण दु:ख भोग्णा पड़ो, तअ से सरमाँव ने, परह् से पंण्मिश्वर की बड़ियाऐ खे ऐसी नाँव धारण करह्;

1 पतरस 5:11

तिनको सदा को राज ज़ूगौ-ज़ूगौ तोड़ी रंह्। आमीन।

यहूदा 1:25

तैसी सिर्फ ऐक ही पंण्मिश्वर अमाँरे मुँक्त्ति देणों वाल़े, के बड़ियाऐं, अरह् महाँन्ता, पराक्रम, अरह् हंक-अधिकार, अमाँरे प्रभू यीशू मसीया के जाँणें हंमेशा शे असो, से ऐबे भे असो, अरह् ज़ूगौ-ज़ूगौ तड़ी रंह्। आमीन।