1 पतरस 4:10 - Sirmouri

¹⁰ ऐकी नाँमों खे पंणमिश्वर के जाँणें खास बर्दाण भटी रूआ, ईन्देंखे से पंणमिश्वर के अपार कृपा के आछे भणडारी के रूप दे ओका ओकी की जरूर्तो पुरी कर्णो खे तिन्दें के ईसतेमाल करह्।

सिरमौरी नौवाँ नियम

¹⁰ हरेक आदमी खै पौरमेशवर कै ढौबौशा वरदान भैटी रौआ, औरौ तिनु तैसी वरदान का इस्तैमाल ओकी कै मौदद कौरणौ कारिए कौरणा चैंई। तिनु पौरमेशवर कै आछै सेवको कै रुप दै हौयौ आपणै वरदानो का इस्तैमाल आछै शै कौरणा चैंई।

1 पतरस 4:10 ပူးပေါင်းရင်းမြစ်များ

मत्ती 20:28

ठीक तेष्णा के आदमी का बैटा; ईथै ईन्देंखे ने आई, के आप्णीं सेवा कराँव; परह् से ईन्देखे आया, के सेवा करह्, अरह् भहिते लोग छुड़ोणों की ताईऐ आप्णा जीवन पराँण भे बल़ीदाँण करी दियों।”

मत्ती 24:14

अरह् पंणमिश्वर के राज्य की ऐजी खुषख्बरी बादी संईसारी दा प्रचार करा ज़ाला। के सोभी गऐर यहूदी गाशी गुवाऐ-शाज़्त हों, तबे अंत्त आऐ ज़ाला।

मत्ती 24:21

किन्देखे के तेसी देसे ऐत्रा जादा दु:ख-कल़ेष हंदा; जेष्णाँ ना संईसारी दा ऐतलो तोड़ी कंद्दी हई, अरह् ना कंद्दी हजो हंदा।

मत्ती 24:45

“कुँण्जा असो, सेजा बिश्वाष ज़ूगा, अरह् सम्झदार दास-बैठू, जेस कैई घर का मालिक आप्णें कुँड़बे-घरोऊँच़ीं की जूमेबारी दियों; के से बख्तो के मुँताबिक सोभी खे भोजन खाँणों का ईन्तजाँम करह्।

मत्ती 25:17

तेष्णें ही जेस्खे दो सर्फी देऐ थई थी; तेने भे तिन्दें लई हजो दो सर्फी कमाई।

मत्ती 25:44

“तबे से जबाब देले, ‘हे प्रभू, आँमें तुँओं कबे भूखे, के च़ींषै, के प्रदेशी, के नाँगे, के बीमार, के कय्दी दे दे:खे, अरह् आँमें तुँवारी सेवा भगत्त ने करी?’

मरकुस 10:45

किन्देंखे के आदमी का बैटा ईन्देखे ने आऐ रंई, के तेस्की के सेवा कर्ली, परह् से ईन्देंखे आया के जीवन दी आपु ओकी की सेवा भगत्त करला, अरह् भहीते लोगो पाप शे छुड़णों खे आप्णी जीन-पराँण बल़ीदाँण करह्।”

लूका 12:42

प्रभू यीशू ऐ बुलो, के “सेजा बिश्वाष ज़ूगा, अरह् ईमाँनदार ठगड़ा भडारी कुँण असो; जैसी तेस्का माँलिक आप्णें ओकी दास-दासियों गाशला मुँख्या बाँणाओं; जू से तिनू सोभी बख्त्तों गाशी जै-तड़ो भोजन देंणो पड़ो तै-तोड़ा ही भोजन दियों।

लूका 19:13

तेने ज़ाँणों शे आगे आप्णें दषं दास बंईदे, अरह् तिन खे ऐक-ऐक सर्फी देऐयों बुलो, ‘मेरे पाछ़ू आँणों तोड़ी ईयों सर्फी लई बंईपार करह्।’

लूका 8:3

अरह् हेरोदेस का भडारी खुज़ा के घरवाल़ी योन्ना, अरह् सूसन्नाह, अरह् ऊकी भे बैजाऐ भहती तिरंई थी। जुण्जी आप्णी घरोऊँची शो खर्च करियों प्रभू यीशू अरह् तिन के चैले के सेंवा करह् थी।

रोमियों 15:25

परह् हेभी तअ हाँव पबित्र लोगो की सेवा करदा यरूशलेम खे ज़ाँदा लागा।

रोमियों 15:27

तिनू आछो तअ लागो, परह् सेजे लोग यरूशलेमं के पबित्र लोग तिनके कर्जदार भे असो, किन्देंखे के जे गऐर यहूदी के लोग तिनकी आत्त्मिक घरोऊँची के हिस्सेदार बंणें, तअ तिनू गऐर यहूदी खे आप्णी कमाई वाल़ी घरोंऊँची लई, तिनकी सेवा कर्णी पंड़ो।

1 कुरिन्थियों 15:10

परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

1 कुरिन्थियों 3:10

पंणमिश्वर की तियों कृपा के मुताबिक जुण्जा मुँखे दिता गुवा, मुँऐंं संम्झदार बाढ़ई की जेऐ पह्-नींव पाँऐ, अरह् ओका तिन्दें गाशी रंद्दा लाँव। परह् ऐक नाँम आदमी च़ौक्क्ष रूऐ के से तिन्दें गाशी केष्णा रंद्दा लाँव।

1 कुरिन्थियों 4:7

किन्देंखे के तुँओं दा अरह् ओकी दा कुँण भेद्-भाव करह्? अरह् ताँव कैई का असो, जू ताँव (ओकी कैई शो) ने भेटी रंई? अरह् जबे ताँव (ओकी कैई शो) भेटी रूओ, तअ ऐष्णी तारीफ कैई करे जैष्णों के ताँव भेटिही ने रंई?

2 कुरिन्थियों 6:1

आँमें जू पंण्मिश्वर के साजी असो, ऐजो भे सम्झों ऐ, के तिन्की कृपा जू तुँओं गाशी हऐ, तियों बै-कार ने ज़ाणों दियों

2 कुरिन्थियों 9:1

ऐबे तियों सेवा के बारे दी जू पबित्र लोगों खे करी ज़ाँव, मेरे तुँओं खे लिख्णों जरूरी ने आथी।

इफिसियों 3:8

मुँखे जू पंण्मिश्वर के लोगो मुँझ्शा सोभी शा छुटा असो, मुँखे ऐजा बरंदाँण भेटी रूआ, के हाँव गऐर यहूदी खे मसीया की अपरंम-पार कृपा के खुषख्बरी शुँणाँऊ;

इफिसियों 4:11

तिन्ऐं कईयों तअ प्रभू यीशू के खास-चैले च़ूणें-छ़ाँटे; अरह् कंऐ लोग ऋषी बंणाँऐ, अरह् किऐ खुषख्बरी शुँणाँणों वाल़े बंणाऐं; अरह् कोसी लोग कलीसिया के रंखवाल़े बाँणें, अरह् कोसी खे शिक्क्षा देणों का बरंदाँण दिता।

2 तीमुथियुस 1:18

(प्रभू ऐशो करह्, के तेसी देसे तेसी गाशी दया-रंय्म हों)। अरह् जुण्जी-जुण्जी सेवा तेने इफिसुस दी करी, तियों भे तू आच्छ़ी ढंग शी जाँणें।

तीतुस 1:7

किन्देंखे के कलीसिया के देख्ह-रेख्ह कर्णो वाल़ा, जेस कैई पंण्मिश्वर के काँम-काज़ देऐ थुऐ, से बै-कसूर हुआ चेंई; ना हठाव्णा, ना झुकी, ना पिय्कड़, ना झोकड़ू, ना मारपीट कर्णो वाल़ा, अरह् ना नींच कमाई का लाल़्चीं हों,

इब्रानियों 6:10

किन्देंखे के पंण्मिश्वर अनियाँऐ कर्णो वाल़े ने आथी, के तुँवारी काँम-काज़, अरह् सेजो प्यार बिसरी ज़ाव, जुण्जो तुँऐं तिनके नाँव शो ऐशो ढंग शो देखाव, के पबित्र लोगो की सेवा करी, अरह् हजो भे सेवा करी लऐ।

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

1 पतरस 5:12

मुँऐं सिलवानुस के हाथे, जेसी हाँव बिश्वाष ज़ूगा भाऐ जाँणू, दाँणिंक लिखियों तुँओं सम्झाऐ थुऐ, अरह् ऐजी गुवाऐ-शाज़्त देऐ थऐ, के पंणमिश्वर की साची कृपा ऐजी ही असो, ईन्दी ही पाक्के डटे अंदे रूऐ।