1 पतरस 3:7 - Sirmouri

⁷ तेष्णें ही ओ घरवाल़े तुँऐं भे बुद्धी माँनी शा आप्णी घरवाल़ी आरी जीवन बिताँया करह्; अरह् तिरंई खे कंंमजोर जाँणियों तिनकी आदर-ईज्जत करह्, ऐजो जाँणियों के आँमें दुईनें सदा के जीवन के हंकदार असो, जिन्दे लई तुँवारी प्रार्थना रूकी ने ज़ाँव।

सिरमौरी नौवाँ नियम

⁷ ऐशैखैई ओए रै घोरवाल़ै, तुऐं आपणी घोरवाल़ी कै साथै मैल-मिलाप शै रौंव, औरौ तिनकै मौदद कौरणौ कै बारै मुंजी सोंचैया कौरौ औरौ तुऔं ऐजौ याद राखणौ चैंई कै सै कमजोर औसौ, इथकारिए तुऔं तिनकै इज्जत कौरणै चैंई। जिथुकै तुऐं दुईनै ही तैसी वरदान खै साझा कौरौ जू पौरमेशवरे अनुग्रह शै तुऔं दैय राए, यानी सौदा कै जिन्दगी का वरदान। जै तुऐं ऐशै कौरलै, तौ पौरमेशवर तोंवारै प्रार्थनांव कै शुणदाए।

1 पतरस 3:7 ပူးပေါင်းရင်းမြစ်များ

मत्ती 18:19

“हजो हाँव तुँओं कैई ऐक खास बात बुलू, के जे तुँओं मुँझी कुँऐं दो झोणें धर्ती गाशी किऐ बात ऐक मंन अरह् ऐक चीत्त करियों माँगो, तअ सेजो मेरे पिता के जाँणें, जू स्वर्गो दा असो, से पुरो कर्ले।

1 कुरिन्थियों 7:3

ऐजो जरूरी ही असो के ऐक नाँम घरवाल़ा आप्णी घरवाल़ी का हंक-अधिकार पुरा करह्; अरह् तैष्णी ही घरवाल़ी भी आप्णें घरवाल़े का हंक-अधिकार पुरा करह्।

इफिसियों 3:6

सेजा गुप्त भेद् ऐजा असो, के खुषख्बरी के जाँणें यहूदियों की गईलो गऐर यहूदी लोग भे पंण्मिश्वर के राज्य के बारीस, अरह् पुरे हंकदार बंणी गुऐ; अरह् से दुन्ने ड़ूंग ऐक ही देह्-शरीर का अंग असो, अरह् प्रभू यीशू मसीया के जाँणें करे गुऐ बाय्दे के साथी बंणें।

इफिसियों 4:30

पंण्मिश्वर की पबित्र-आत्त्मा दु:खी ने करे, जिन्दे लई तुँओं गाशी छुट्कारे के देसो खे छाप लाऐ थई।

इफिसियों 5:33

परह् तुँओं मुँझ़ी भे ऐक नाँम आदमी आप्णी घरवाल़ी आरी, आपु जेष्णों प्यार करह्; अरह् घरवाल़ी भे आप्णे घरवाल़े का आदर-ईज्जत्त करह्।

इफिसियों 6:18

हर बख्ते, अरह् हर ढंग शे पबित्र-आत्त्मा दी प्रार्थना, अरह् बिन्त्ती कर्दे रंह्, अरह् ईन्देंखे बीऊँजी रंह्ं, के बादे पबित्र लोगो खे लगातार बिन्त्ती, करिया करह्,

कुलुस्सियों 3:19

हे घरवाल़ों आप्णी-आप्णी घरवाल़ी शो प्यार करह्, अरह् तिनू आरी हठाव्णें ने बणें।

1 थिस्सलुनीकियों 4:4

अरह् तुँओं मुझ्षा हर ऐक पबित्रता अरह् आदर आरी आप्णी तिरंई की गईलो रंह्,

तीतुस 3:7

जिन्दे लई आँमें तिनकी कृपा शे पंण्मिश्वर की नंजरी दे बै-कसूर बंणियों, अमर हणों के जीवन के हंकदार बंणों।

इब्रानियों 1:14

कियों बादे स्वर्गदूत्त सेवा कर्णो खे च़ूणीं-छ़ाँटी अंदी आत्त्माँऐ आथी ने; के से तिनकी सेंवा करह् जिनखे छ़ुट्कारा भेंट्णों वाल़ा असो?

1 पतरस 3:1

हे घरवाल़ियों, तुँऐं भे आप्णे घरवाल़े के बंष दी रंह्, ईन्देंखे के जे कुँऐं ईनू मुँझ्शे ऐशे हों जू बचन ने मान्दे,