1 पतरस 3:4 - Sirmouri

⁴ परह् तुँवारी चुप्पी बिना दे:खी इंनसाँनिय्त, अरह् नरमाँऐं वाल़ा मंन की गरबाई जिन्दे के सजावट कोद्दी ने मिट्दी से संज्जी अंदी रंह्, किन्देंखे के पंणमिश्वर की नंजरी दा ईन्दें का मोल बैजाऐ बड़ा असो।

सिरमौरी नौवाँ नियम

⁴ पौरौ तुऔं भीतरो शै आणौवाल़ै नम्र औरौ शान्त बर्ताव कै सुन्दरता लैई आपी कै सुन्दर बौणणौ चैंई। ऐजी सुन्दरता कौलोंई ना मिटौ, औरौ पौरमेशवर कै नज़र दै बैजाए कीमती औसौ।

1 पतरस 3:4 ပူးပေါင်းရင်းမြစ်များ

मत्ती 11:29

मेरो षमाँऐं आपु गाशी थागो, अरह् मुँह कैई शो शिखों; किन्देखे के हाँव निस्त्त अरह् मंन शा शरीफ असो, तुऐं आप्णें मंन दा बिषाँव पाँदे:

मत्ती 21:5

“सिय्योन की बेटी खे ऐजा शुज़ा दियों, ‘देख, तेरा राजा ताँव कैई आँदा लागा; से शरीफ़ अरह् गाद्दे गाशी बऐठी रूवा; होर, मतल्व गाद्दी के गाद्दड़ू गाशी, बोझ़ ढोणों वाल़े के बच्चै गाशी।’”

मत्ती 23:26

ओ शैड़े यहूदी भाट-बाँम्ण! आगे बैलुऐ अरह् मुँगाँल़ी भीत्रों शी माजों जू से बाऐरो शी भे साफ हली।”

मत्ती 5:5

भागोईत असो! सेजे जू निसत्त असो, किन्देखे के संईसारी धर्ती तिनही की हंदी।

लूका 11:40

ओ ज़गर मुरूखों, बिना अक्ली के जेने बाऐरा ढोब बाँणी थुवा; कियो तेने ही भीत्तला ढोब बंणाँऐ ने थंई?

लूका 16:15

ईन्दे गाशी प्रभू यीशू ऐ तिन खे बुलो, “तुँऐं लोग आदमी के साँम्णिऐ तअ आपु खे धर्मात्त्माँ बंणों; परह् पंण्मिश्वर तुवाँरें मंन-सासो के बात ज़ाणो ऐ; किन्देंखे के जुण्जी बात आदमी के नंजरी दे आच़्छ़ी असो, सेजी ही बात पंण्मिश्वर की नंजरी दी शंगाँव्णी असो।

रोमियों 1:23

अरह् अभिनाँषी पंणमिश्वर की बड़ियाऐ नाँष बाँन आदमी, अरह् पक्षियों, अरह् बंईच़ी, अरह् रिंगणों वाल़े, जींव-जन्तुओं की मुर्ती की बरा-बरी दी बद्ल़ी दिती।

रोमियों 2:29

परह् साचा यहूदी सेजा ही असो, जू दिल शा यहूदी असो; अरह् असली खतना सेजा ही असो, जू दिल शा करा ज़ाँव, अरह् से निय्म शा ने, परह् पबित्र-आत्त्मा के जाँणें हों, ऐष्णें आदमी की तारीफ आदमी की ढबे शी ने परह् पंणमिश्वर की ढबे शी हों।

रोमियों 6:6

आँमें जाँणोंऐं, के अमाँरा पुराँणा सभाव तिनू आरी शुँल़ी-फ़ाँशी चढ़ाऐ पाँया, जू आँमें पाप के बष दे ने रंह्;

रोमियों 7:22

किन्देंखे के हाँव अंदरूनीं मंन शा तअ पंणमिश्वर के निय्म शा बेजाऐ खुशी रंहू।

2 कुरिन्थियों 10:1

हाँव, पौलुस खास करियों मसीया की नरमाँऐं अरह् सहय्नशिलता हाजिर जाँणियों तुवों खे ढाल-अरज करू, किन्देंखे के लोगों का ऐजा बुल्णाँ असो, के हाँव तुँओं मुँझी रंह्ऐयों दीन-नंम्बर असो, परह् जबे हाँव तुँओं मुझी ने हंदा तअ तुवों शा हाँव नीडर असो।

2 कुरिन्थियों 4:16

ईन्देंखे आँमें हिम्मत ने च़ूड़्दे; ना तअ अमाँरा दे:खावे की ईन्साँनिय्त नष्ट हंदी ज़ाँदी, तबे ही अमाँरी अंन्त्तर-आत्त्मा हर देसे नंऐं हंदी ज़ाँव।

गलातियौं 5:23

नरमाँऐं, अरह् सबैर हों, तअ ऐष्णी-ऐष्णी काँम-काज़ के बिरोध दा किऐ भे निय्म ने आथी।

इफिसियों 4:2

मतल्व पुरी गरबाई आरी, अरह् नंरमाँऐं आरी, सबैर थईयों प्यार शे ओका ओकी की ऊदी सुऐ;

कुलुस्सियों 3:12

ईन्देंखे पंण्मिश्वर के चूणें-छाँटे अंदें जैष्णें जू पबित्र अरह् प्यारे असो, बड़ी कृपा, भलाऐ, अरह् गरबाई-नींम्ताई, अरह् सय्नशिलता धारणा करह्।

कुलुस्सियों 3:3

किन्देंखे के तुँऐं तअ मँरी गऐ थिऐ, अरह् तुवाँरा जीवन मसीया आरी पंण्मिश्वर दा छुपा अंदा असो।

1 थिस्सलुनीकियों 4:11

अरह् जैष्णी अज्ञाँ आँमें तुँओं खे दिती, तेष्णें ही चुप-चाँण रंहणों अरह् आप्णें-आप्णें काँम-काज़ दे लागे अंदे रंह्, अरह् आप्णे-आप्णे हाथे कमाणों की कोशिष करह्;

2 थिस्सलुनीकियों 3:12

ऐष्णे खे आँमें प्रभू यीशू मसीया दी ऐजी अज्ञाँ दियों, अरह् सम्झाँव ऐ, के चुप-चाँण किऐ काँम-काज़ करियों आप्णी रोटी खाया करह्।

1 तीमुथियुस 2:2

राजाओं अरह् बादे बह्ड़े ऊँचे पद्-भार वाल़े हाकम खे ईन्देंखे के आँमें बिषाँव अरह् च़ंऐन आरी बादी भगत्ति अरह् नंरमाँई आरी जीवन बिताँव।

2 तीमुथियुस 2:25

परह् से बिरोध कर्णो वाल़े लोग भे नंरमाँई शे संहम्झ़ाऐ दियों, किन्देखे के ऐजो कुँऐं ने जाँण्दा के कबे पंण्मिश्वर तिनका मंन पंसताँवे लंई बद्ल़ी दियों; अरह् तिनखे भे सच्चाई का ज्ञाँन भेंटी ज़ाँव;

तीतुस 3:2

कोसी बदनाँम ने करे, झगड़ू ने बंणें; परह् नरंम सभाव के हों, अरह् बादे आदमी की गईलो बह्ड़े निम्ताई-गरबाई शे रंह्।

याकूब 1:21

बिचकी चाल-ढाल अरह् संईसारी कि बादी बुराई शे दुर्के रंह्, अरह् नरमाँऐं वाल़े बचन माँनें, जू तुँवारी सासो दे बऐं थुऐ, सेजे बचन माँनोंं, जू तुँवारी आत्त्मा खे मुँक्त्ति दियों।

1 पतरस 1:23

किन्देंखे के तुँऐं नाँष बाँन ने, परह् नाँष ने हंणों वाल़े बीज़ो शे, पंणमिश्वर के जीऊँदे अरह् सदा अट्ल़ बचन के जाँणें नुवाँ जीवन पाँऐ थुवा।

1 पतरस 3:15

परह् मसीया खे प्रभू जाँणियों आप्णे-आप्णे मंन दे पबित्र जाँणों। जू कुँऐं तुवाँरे भुर्षे के बारे दो किऐ तुँओं कैई शो पुछों, तेस्खे जबाब देणों खे सदा तिहार रंह्, परह् नीम्ताई अरह् डरह् आरी,