1 पतरस 3:22 - Sirmouri

²² प्रभू यीशू स्वर्गो दे ज़ाऐयों पंणमिश्वर के सोऐं ढबे बऐठी गुऐ; अरह् स्वर्गदूत्त अरह् अधिकारी अरह् शक्त्तिशाली तिनके बष दे करे गुऐ।

सिरमौरी नौवाँ नियम

²² औरौ सै स्वर्ग खै हौटै गौआ। ऐबै सै तिथै पौरमेशवर कै सोऐं ढौबौ सौबी दै खास ठाँव पांदी औसौ, औरौ सै सौबी स्‍वर्गदूतौ औरौ सौबी औधिकारी औरौ शौकतै पांदी राज कौरौ।

1 पतरस 3:22 ပူးပေါင်းရင်းမြစ်များ

मत्ती 22:44

राजा दाऊद ऐ बुलो, ‘प्रभू ऐ, मेरे प्रभू खे बुलो, मेरे सोऐं ढबे बऐठी ज़ा, जाँव तोड़ी हाँव तेरे बऐरी तेरी लात्तों थाँई, ने करी देऊँ।’

मत्ती 28:18

प्रभू यीशू ऐ तिन कैई आऐयों बुलो, “स्वर्गो अरह् धर्ती का बादा हंक-अधिकार मुँखे दिया गुवा।

मरकुस 12:36

परह् राजा दाऊद ऐ, पबित्र-आत्त्मा, दो मंगन हऐयों बुलो थियो: ‘प्रभू ऐ, मेरे प्रभू शो बुलो, मेरे सोऐं ढबे बऐठी ज़ा; जबे तोड़ी के हाँव तेरे बऐरी, तेरी लातो थाँई, के तेरे अधींन ने करी देऊँबा।’

मरकुस 16:19

जबे प्रभू यीशू मसीया ऐ तिनू आरी ऐजी बातो करी पाई, तअ तिनू स्वर्गो दे ऊबे थागे; अरह् तेथै से स्वर्गो दे पंणमिश्वर के सोऐं ढबे बऐठी गुवे।

लूका 20:42

किन्देंखे के भजन संहिता की ग्रन्थों दो राजा दाऊद आपु बुलो: ‘के प्रभू ऐं मेरे प्रभू खे बुलो: तुँऐं मेरे सिंगास्णों के सूंऐ ढबै बंईठो।

यूहन्ना 13:32

(अरह् जे तेस्के जाँणें पंण्मिश्वर की बड़ियाऐं हंदी) तअ पंण्मिश्वर भे तेस्की बड़याऐ कर्दे; अरह् से शीघी ही तेस्की बड़ियाऐ कर्दे।

प्रेरितो कै काम 1:11

अरह् तिनखे बुल्दे लागे, “ओ गलीली मंर्दो! तुँऐं खह्ल़ियों अस्माँनों की ढबे कैई देखी लों? सेजा ही प्रभू यीशू जिनू तुवाँरे बीच शे ऊँबे स्वर्गो दे थागी थुऐ; तिनू तुऐं ऐष्णें ही स्वर्गो शे हजो ऊँदे आँदे भे देख्ले, जेष्णें तुऐं तिनू स्वर्गो दे ऊँबे ज़ाँदे देखी थुऐ।”

प्रेरितो कै काम 3:21

ऐजो जरूरी असो, के से तेसी बख्हत्तो तोड़ी स्वर्गो दे ही रंह, जाँव तोड़ी तिनू बादी चींजों की हजो: थापनाँ ने हऐ ज़ाँव; जिन्दें के बारे दो पंण्मिश्वर ऐं ज़ूगौ शो ऊँबो आप्णें पबित्र-ऋषियों के मुँख्हों शो बुलो थियों।

रोमियों 8:34

तबे कुँण असो, जू सजा के अज्ञाँ देला? मसीया ही असो, जू मरी गुऐ, परह् मुँड़्दे मुँझ्शे पाछु ऊबे जीँऐं, अरह् पंणमिश्वर के सुऐं ढबे बंईठी गुऐ, अरह् अमाँरी ताँईऐं पंणमिश्वर शी बिनती-अरजी भे करह्।

रोमियों 8:38

किन्देंखे के हाँव जुरूर जाँणू, के ना मऊँत, ना जीवन, ना स्वर्गो के दूत, अरह् ना बुरी राज कर्णो वाल़ी आत्त्मा, ना हेभी की बातो, अरह् ना बिती अंदी बातो, अरह् ना हंणों वाल़ी बातो, ना शक्त्ति, अरह् ना अगाषो की किऐ शक्त्ति,

1 कुरिन्थियों 15:24

तबे अंन्त्त हंदा। तेसी बख्ते सेजे बादे हाक्म, अधिकार, अरह् शक्त्ति का अंन्त्त करियों राज परमं-पिता पंणमिश्वर के हाथो दा देऐ देंदे।

कुलुस्सियों 3:1

तअ: जबे तुँऐं मसीया आरी ऊबे जियाल़ी थुऐं, तअ सवर्गिऐ चींजों की खोज दे रंह्, जेथै मसीया हाजिर असो; अरह् पंण्मिश्वर के सुऐं ढबे बऐठी रंह्।

इब्रानियों 1:13

भला कोसी स्वर्गदूत्त खे पंण्मिश्वर ऐ ऐजों बुलो: के “तू मेरे सोऐं ढबे बईठ, जाँव तोड़ी के हाँव तेरे बऐरी तेरी लातो थाई का पीड़ा-पाट्ड़ा ने बाँणीं देऊँ?”

इब्रानियों 1:3

सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

इब्रानियों 1:6

अरह् तबे से आप्णाँ जैठा बैटा संईसारी के सहाँम्णें हाजीर कर्दे बख्त्ते बुलो: “पंण्मिश्वर के बादे स्वर्गदूत्त तेस्खे लाँम्बे पसरियों प्रणाँम करह्।”

इब्रानियों 10:12

परह् मसीया यीशू तअ अमाँरे सोभी के पाप खे ऐकी ही बंई आप्णाँ बल़ीदाँण चड़ाऐयों पंण्मिश्वर के सुऐं ढबे ज़ाऐयों बैऐठी गुऐ।

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

इब्रानियों 4:14

किन्देंखे के जबे अमाँरा ऐष्णा बड़ा महाँ-याजक असो, जू स्वर्गो दा हुटा, मतल्व पंण्मिश्वर का बैटा प्रभू यीशू, तअ आव आँमें आप्णे धारण करे अंदे बिश्वाष दे पाक्कै अरह् डटे-अंदें रंह्ऊँबे।

इब्रानियों 6:20

जेथै प्रभू यीशू मलिकीसिदक के जेष्णाँ सदा खे महाँ-याजक बंणियों, आँमों खे अगवाल़ के रूप दे हाजीर हऐ रूऐ।

इब्रानियों 8:1

ऐबे जुण्जी बातो आँमें बुली लई, तिन मुँझ्शी ऐजी सोभी शी बड़ी बात असो; के अमाँरा ऐशा महाँ-याजक असो, जुण्जा स्वर्गो गाशी महाँ-प्रतापि के सिंगास्हणों के सुऐं ढबे बऐठी रूआ

इब्रानियों 9:24

किन्देंखे के मसीया तियों आदमी के हाथो की बंणाऐ अंदी पबित्र जागा दे हाजीर ने हंई, जुण्जा सोत्तिखे पबित्र जागा ऊँनरा थिया, परह् मसीया यीशू सीद्धें स्वर्गो दे ही हाजीर हुऐ; जू अमाँरी ताँईऐं ऐबे पंण्मिश्वर के सहाँम्णें देखाई पड़ो।