1 पतरस 2:8 - Sirmouri

⁸ अरह् से बंणा: “ऐक पाथर जिन्दे शा लोगो के ढैस लागो, अरह् ऐशी कऐड़ जिन्दे गाछ़ै लोग ऊँदे रंड़को;” लोगो के ढैस लागो, किन्देंखे के से पंणमिश्वर के बचन का पाल़्ण ने कर्दे, अरह् बस ऐजो ही तिनखे बाँणी थो।

सिरमौरी नौवाँ नियम

⁸ औरौ तोबै पवित्र शास्त्र ऐजौ बै बौल़ौए, “ऐजा पाथर लोगौ कै ठोकर खाणौ कै बौजैह हौंदा। ऐजी ऐक चट्टान औसौ जू तिनकै रिड़णो कै बौजैह औसौ,” सै वचन पांदी बिशवाश ना कौरणा चांव, इथकारिए सै ठोकर खायौ रिड़ै जांव। पौरमेशवरे तिनकै साथै ऐजौई हौणौ कै योजना बाणै राए।

1 पतरस 2:8 ပူးပေါင်းရင်းမြစ်များ

लूका 2:34

तबे तेने धर्मी-भगत्त शमौन ऐ आशिष देऐयों, तेसी बालक की माँ मरियम खे बुलो, “दे:ख, ऐ तअ इस्राएल दा भहिते के रिड़ोणो, अरह् खड़ा कर्णो खे, अरह् ऐक ऐशा च़ींन हंणों खे बंणाऐ थुवा, जेस्के बीरोध दी बातो करी ज़ाली

रोमियों 9:22

तअ ईन्दी हराँन हंणों की का बात असो, के जे पंणमिश्वर आप्णा कुरूध दे:खाँणों खे आप्णी शक्त्ति पर्गट कर्णो खे बैजाऐ बख्तो तोड़ी तिनू बास्णों सह्य्न करे, जुण्जे नाँष हंणों खे तियार थिऐ, परह् पंणमिश्वर बंड़े सबैर शे तिनू सह्य्न कोरें;

1 कुरिन्थियों 1:23

परह् आँमें तअ तेसी शुँल़ी-फ़ाँशी कुरबाँण हुऐ मसीया का प्रचार करह्, जू यहूदियों लोगो खे ढैस-ठूकर का कारण अरह् ओकी गऐर यहूदी लोगो खे मुरूख्ता असो;

2 कुरिन्थियों 2:16

कसिखे तअ मर्णों गाशी मऊँत्ती के गंद्, अरह् कंई खे जीवन देंणों वाल़ी खुष्बू। भला ईनू बातो ज़ुगे कुँण असो?

गलातियौं 5:11

परह् हे भाऐ बंईणों, जे हाँव हेभी तोड़ी खतना का प्रचार करदा, तअ कियों मुँह ऐभी तोड़ी सताया ज़ाँदा थिया? तअ तबे शुँल़ी-फ़ाँशी के जाँणें जू सताव मेरा हंदा लागा; से ऐत्लो खे खत्त्म हंदा ने थी।

1 थिस्सलुनीकियों 5:9

किन्देंखे के पंण्मिश्वर आँमों सजा देणों खे ने, परह् अमाँरे प्रभू यीशू के जाँणें मुँक्त्ति पाँणों खे बंणाऐं थुऐ।

1 पतरस 2:6

किन्देंखे के पबित्र-ग्रन्थों दो लिखी थो: “दे:खो, मुँऐं सिय्योन दा ऐक कुँणें कंडवारे का पाथर थऐ लुवा, जू चुणाँ-छाटा अंदा अरह् किम्त्ति पाथर असो: अरह् जू कुँऐं तिनू गाशी बिश्वाष करला, से कद्दी भे शर्मिन्दा ने हंदी।”

1 पतरस 2:7

तअ: तुँओं लोगो खे जू बिश्वाष करह्, सेजा पाथर बैजाऐ किम्त्ति असो, परह् जू विश्वाष ने कर्दे तिनखे, पबित्र-ग्रन्थों दो ऐशो बुलो, के “बाड़िऐ जेसी पाथर निकाँमा बाँणीं थुवा थिया, सेजा ही पाथर कुँणे का कंडवारा बंणा,”

2 पतरस 2:3

जू लाल़्च की मंन घड़त बातो लई, तुँओं कैई शो धन कमाँव। तिनखे पंण्मिश्वर आगे ही सजा तियार करी थऐ, अरह् तिनका नाँष हंदा, जिन्देखे से तियार असो।

यहूदा 1:4

किन्देंखे के केत्रै ऐशे लोग चुप-चाँण आँमों मुँझी मिली रूऐ; जिनखे तियों सजा के बारे दो पुराँणें निय्म दो आगे ही लिखी थुवो थियो: ऐजे लोग नास्तिक असो, अरह् अमाँरे पंण्मिश्वर की कृपा लुच-पंण बईमानी दा बद्ल़ी दियों, अरह् अमाँरे सिर्फ ऐक ही स्वामी, अरह् प्रभू यीशू मसीया मान्णों शे ऐ भाजी ज़ाँव।