1 पतरस 2:7 - Sirmouri

⁷ तअ: तुँओं लोगो खे जू बिश्वाष करह्, सेजा पाथर बैजाऐ किम्त्ति असो, परह् जू विश्वाष ने कर्दे तिनखे, पबित्र-ग्रन्थों दो ऐशो बुलो, के “बाड़िऐ जेसी पाथर निकाँमा बाँणीं थुवा थिया, सेजा ही पाथर कुँणे का कंडवारा बंणा,”

सिरमौरी नौवाँ नियम

⁷ ऐजा पाथर तोंवारै खातिर बैजाए कीमती औसौ तुऔं कारिए जू यीशु मसीह पांदी बिशवाश कौरौ। पौरौ जू लोग तैसी पांदी बिशवाश ना कौरौ तिनकै बारै मुंजी पवित्र शास्त्र बौल़ौ, “राजमिस्‍त्रीए जैसी पाथर कै इस्तैमाल कौरणौ शै मौना कौरे दिया, सैजा इमारत कै नीयुं दा सौबिदा खास पाथर बौणै गौआ।”

1 पतरस 2:7 ပူးပေါင်းရင်းမြစ်များ

मत्ती 21:42

प्रभू यीशू ऐ तिनखे बुलो, “कियो तुँऐं पबित्र-ग्रन्थों दो कद्दी ने पढ़ी थंई: के ‘जेसी पाथर राज बाढ़ईऐं नीकारा बाँणा थिया, सेजा ही पाथर कुँणें-कड्वारे का पाथर बंणा? ऐष्णों प्रभू की ढबे शो हुओं, अरह् अमाँरी नंजरी दा ऐजा चंम्त्तकार असो।’

लूका 2:32

के से गऐर-यहूदी खे पियाषे देणों वाल़ी जोत्त, अरह् तेरे खास लोगो इस्राएल खे बड़ियाऐं हों।”

लूका 2:34

तबे तेने धर्मी-भगत्त शमौन ऐ आशिष देऐयों, तेसी बालक की माँ मरियम खे बुलो, “दे:ख, ऐ तअ इस्राएल दा भहिते के रिड़ोणो, अरह् खड़ा कर्णो खे, अरह् ऐक ऐशा च़ींन हंणों खे बंणाऐ थुवा, जेस्के बीरोध दी बातो करी ज़ाली

लूका 20:17

प्रभू यीशू ऐ, तिन की ढबै दे:खियों बुलो; “तअ तबे पबित्र-ग्रन्थों दो जुण्जो लिखीं थो, ईन्दे का मतल्व का असो: के ‘जुण्जा पाथर घरह् के बास्तियाऐं बैकार सम्झियों फैरकाऐ दिता थिया; सैजा ही पाथर पौह्-नीव का कंडवारा बंणा।’

यूहन्ना 4:42

तबे तिनू सामरी लोगे ऐ तियों तिरंई खे बुलो, “ऐबे आँमें सिर्फ तेरी ही गुवाई-शाज़्त्त शुँणियों, बिश्वाष ने करी; परह् ऐबे आँमें आपु भे ईनके बचन शुँणियों, ऐजो जाँणी पाव, के सोत्तिखे ऐ संईसारी का छुट्कारा देंणों वाल़े असो।”

प्रेरितो कै काम 26:19

“तबे: हे राजा अग्रिप्पा! मुँऐ तेसी स्वर्गिऐ दर्शण की अज्ञाँ ने टाल़ी थंई;

रोमियों 10:21

पंणमिश्वर इस्राएल के बारे दो ऐशो बुलो, “हाँव बादे देसे आप्णे हाथ ऐक अज्ञाँ ने माँन्णों वाल़ी; अरह् कठूर मंन वाल़ी परजा कैई पसारदा रूवा।”

रोमियों 15:31

के हाँव यहूदियों के बै-बिश्वाषियों शा बचा रंऊँ, अरह् मेरी सेजी सेवा जू यरूशलेम खे असो, पबित्र लोगो के भाँए;

2 कुरिन्थियों 2:16

कसिखे तअ मर्णों गाशी मऊँत्ती के गंद्, अरह् कंई खे जीवन देंणों वाल़ी खुष्बू। भला ईनू बातो ज़ुगे कुँण असो?

कुलुस्सियों 2:10

अरह् तुँऐं तिनही दे भर-पुर हंऐ गुऐ, जुण्जें हाकम अरह् हंक-अधिकारियों का मुँख्या असो।

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

इब्रानियों 11:31

बिश्वाष ही के कारण राहाब नाँव के बैष्या पंण्मिश्वर के अज्ञाँ ना माँनणों वाल़े लोगो आरी नाँष ने हंई; किन्देंखे के तिऐ तिनकी गंईलो के सेजे लोग जुण्जे‍ चुप्पी नंगर का भैद्-पता लंह्दे हुटी रूऐ थिऐ, तिनका तिऐ आदर-संत्तकार करा, अरह् चुरियों थुवे।

इब्रानियों 4:11

ईन्देंखे आँमें तेसी बिषाँव के देसो दे हाजीर हंणों के पुरी हिमम्त्त आरी कोशिष करह्; के कोसी भी अज्ञाँ ना माँन्णों के कारण किऐ भे सजा ने पाँणीं पड़ो।

1 पतरस 1:8

तिनशो तुँऐं बिना दे:खी भे पियार करह्, अरह् ऐबे तअ तिनू गाशी बिना दे:खी भे बिश्वाष करियों ऐशे खुशी अरह् मंगन हों, जिन्दे का किऐं बखाँण ने करा ज़ाँव; अरह् से बड़ियाऐ शा भरा अंदा असो;

1 पतरस 2:4

प्रभू यीशू मसीया के नंजीक आओ। से जीऊँदा पाथर जेष्णाँ असो। तिनू संईसारी के लोगे निकारा बाँणा, परह् जू पंणमिश्वर खे किम्मत्ती असो, अरह् जिनू तिन्ऐं आपु चूंणी-छ़ाँटी थुऐ।

1 पतरस 2:8

अरह् से बंणा: “ऐक पाथर जिन्दे शा लोगो के ढैस लागो, अरह् ऐशी कऐड़ जिन्दे गाछ़ै लोग ऊँदे रंड़को;” लोगो के ढैस लागो, किन्देंखे के से पंणमिश्वर के बचन का पाल़्ण ने कर्दे, अरह् बस ऐजो ही तिनखे बाँणी थो।