1 पतरस 2:6 - Sirmouri

⁶ किन्देंखे के पबित्र-ग्रन्थों दो लिखी थो: “दे:खो, मुँऐं सिय्योन दा ऐक कुँणें कंडवारे का पाथर थऐ लुवा, जू चुणाँ-छाटा अंदा अरह् किम्त्ति पाथर असो: अरह् जू कुँऐं तिनू गाशी बिश्वाष करला, से कद्दी भे शर्मिन्दा ने हंदी।”

सिरमौरी नौवाँ नियम

⁶ ऐजौ तैशैखैई औसौ जैशै पौरमेशवर पवित्र शास्त्र दौ आपणै बैटै कै बारै मुंजी बौल़ौ, “दैखौ! मोऐं ऐक बैजाए कीमती पाथर चोणे राए, जैसी यरूशलेम शहर कै बाणणौ कारिए नीयुं कै पाथरो जैशणा राखै राए। औरौ जू कुणिए बै तैसी पांदी बिशवाश कौरला, सै कौलोंई बै शर्मिंदा ना हौंदा।”

1 पतरस 2:6 ပူးပေါင်းရင်းမြစ်များ

मत्ती 12:18

“दे:खो, ऐजा मेरा दास असो, जेसी मुँऐ चूणी-छाँटी थुवा; मेरा प्यारा, जेछ़ा मेरा मंन-प्राण बैजाऐ खुशी असो: हाँव आप्णी आत्त्मा ऐसी गाशी ऊतारूबा, अरह् ऐ गऐर यहूदी मुँझी नियाँव का प्रचार करला।

मरकुस 12:10

कियों तुँऐं पबित्र-ग्रन्थों दो पढ़ी ने थई: के जेसी पाथरो खे तरखाँणिंऐं, निकारा बुला; सेजा ही पाथर कूँणा कंडवारा बणा;

लूका 20:17

प्रभू यीशू ऐ, तिन की ढबै दे:खियों बुलो; “तअ तबे पबित्र-ग्रन्थों दो जुण्जो लिखीं थो, ईन्दे का मतल्व का असो: के ‘जुण्जा पाथर घरह् के बास्तियाऐं बैकार सम्झियों फैरकाऐ दिता थिया; सैजा ही पाथर पौह्-नीव का कंडवारा बंणा।’

लूका 23:35

लोगों के भीड़ ऐं ऐजो सब देखी लो थियों, अरह् नंम्बरदार लोग ठाठै पाड़ी-पाड़ियों बुलो थिऐ; के “ऐने ओकी बंचाऐ थुऐ; परह् जे ऐ पंण्मिश्वर का मसीया असो; अरह् तेस्का चूणाँ-छाँटा अंदा असो, तअ ऐ आगे आपु आप्खे बंचाँऐ दियों।”

यूहन्ना 7:38

अरह् जुण्जा कुँऐं मुँह गाशी बिश्वाष करह्, से आप्णी च़ींष बुझाँव; जेष्णों के पबित्र-ग्रन्थों दो लिखी थो: के ‘तेस्के सासो शी जीवन के जल की नंदियाँ बंह्दी’।”

प्रेरितो कै काम 1:16

“हे भाऐ-बंईणों! प्रभू यीशू थंहम्बड़ाणों खे यहूदा इसकरियोंती अगुवाँल़ बंणा; अरह् ईन्दें के बारे दो राजा दाऊद के कारण, पबित्र-आत्त्मा के जाँणें बुलो गुओं थियों; अरह् पबित्र-ग्रन्थों का सेजा बचन पुरा हंणाँ जरूर ही थिया।

रोमियों 10:11

किन्देंखे के पबित्र-ग्रन्थों दो ऐजो बुलो, के “जू कुँऐं तेसी गाशी बिश्वाष करला से बै-ईज्जत ने हंदी।”

इफिसियों 1:4

जेष्णें तिन्ऐं आँमों संईसारी की शुरूवात शे आगे मसीया की गंईलो चुँणी-छ़ाँटी थुऐ थिऐ, के आँमें तिनके नंजरी शे प्रेम दे पबित्र अरह् नीरदोष बंणों।

इफिसियों 2:20

तुँओं लोग घरह् के जिऐ लोग असो, प्रभू यीशू के खास-चैले अरह् ऋषियों की शुरूवात की पह्-नींव गाशी खह्ड़े असो, अरह् जिनके कुँणें का पाथर आपु यीशू मसीया असो।

2 तीमुथियुस 3:16

बादा पबित्र-ग्रन्थ पंण्मिश्वर की लगंन शा ही रंचा गुवा, अरह् शिक्क्षा अरह् संहम्झ़ाणें, अरह् सुधारने, अरह् धर्म की शिक्क्षा देणों खे फाय्दे बंद असो।

1 पतरस 2:4

प्रभू यीशू मसीया के नंजीक आओ। से जीऊँदा पाथर जेष्णाँ असो। तिनू संईसारी के लोगे निकारा बाँणा, परह् जू पंणमिश्वर खे किम्मत्ती असो, अरह् जिनू तिन्ऐं आपु चूंणी-छ़ाँटी थुऐ।

1 पतरस 2:8

अरह् से बंणा: “ऐक पाथर जिन्दे शा लोगो के ढैस लागो, अरह् ऐशी कऐड़ जिन्दे गाछ़ै लोग ऊँदे रंड़को;” लोगो के ढैस लागो, किन्देंखे के से पंणमिश्वर के बचन का पाल़्ण ने कर्दे, अरह् बस ऐजो ही तिनखे बाँणी थो।

2 पतरस 1:20

परह् आगे ऐजो जाँणी पाँव के पबित्र-ग्रन्थों की किऐ भे बरंम्बाणीं कोसी के आप्णे ही बिचार धारा गाशी पुरी ने हंदी,

2 पतरस 3:16

तेष्णीं ही तिन्ऐ आप्णी बादी पत्री दी भे ईनू बातो की चर्चा करी थऐ, जिन्दी किऐ बातो ऐशी असो, जिनू सम्झणी कठीण असो, अ-ज्ञाँनी अरह् चंचल लोग तिन्दे का मतल्व भे पबित्र-ग्रन्थो की ऊकी बातो जेई खींची-ताँणियों आप्णे ही नाँष का कारण बंणाव।