1 पतरस 2:4 - Sirmouri

⁴ प्रभू यीशू मसीया के नंजीक आओ। से जीऊँदा पाथर जेष्णाँ असो। तिनू संईसारी के लोगे निकारा बाँणा, परह् जू पंणमिश्वर खे किम्मत्ती असो, अरह् जिनू तिन्ऐं आपु चूंणी-छ़ाँटी थुऐ।

सिरमौरी नौवाँ नियम

^4-5 प्रभु यीशु कै तुलना ऐक जियुंदी पाथर आरी कौरे राए। तैसी पाथर खै आदमीए बैगाए दिया थिया जिथुकै तिनुऐ बौल़ौ कै सै बैकार थिया। पौरौ पौरमेशवर कै नज़र दा, सै बैजाए कीमती औसौ, औरौ पौरमेशवरे तियौं नीयुं खै खास पाथर कै रुप दा चोणे राए। औरौ ओए रै साथी बिशवाशी भाईयों तुऐं बै प्रभु यीशु कै धोरे आव, ताकि तुऐं बै तैसकै दवारा तिनु जियुंदी पाथरो कै जैशणै बाणै जांव जू पौरमेशवर कै आराधना का घोर बाणणौ कारिए इस्तैमाल हौंव। तैणै तुऔं बै पवित्र यहूदी पुरोहित बाणै राए। जिथुकै जैशै यहूदी पुरोहित पौरमेशवर खै भैंट चौढ़ांव, तैशैखैई तुऐं बै भैंट कै रुप दै आपणै दिल पौरमेशवर खै चौढ़ाव। औरौ सैजी भैंट पौरमेशवर खै खुश कौरौ जिथुकै तुऐं यीशु मसीह कै औसौ।

1 पतरस 2:4 ပူးပေါင်းရင်းမြစ်များ

मत्ती 11:28

“हे बादे मेंह्नत कर्णो वाल़े, अरह् बोझ़-भार थाई दबे अंदे लोगो, मुँह कैई आओं; हाँव तुँओं खे बिषाँव देऊँबा।

मत्ती 12:18

“दे:खो, ऐजा मेरा दास असो, जेसी मुँऐ चूणी-छाँटी थुवा; मेरा प्यारा, जेछ़ा मेरा मंन-प्राण बैजाऐ खुशी असो: हाँव आप्णी आत्त्मा ऐसी गाशी ऊतारूबा, अरह् ऐ गऐर यहूदी मुँझी नियाँव का प्रचार करला।

मत्ती 21:42

प्रभू यीशू ऐ तिनखे बुलो, “कियो तुँऐं पबित्र-ग्रन्थों दो कद्दी ने पढ़ी थंई: के ‘जेसी पाथर राज बाढ़ईऐं नीकारा बाँणा थिया, सेजा ही पाथर कुँणें-कड्वारे का पाथर बंणा? ऐष्णों प्रभू की ढबे शो हुओं, अरह् अमाँरी नंजरी दा ऐजा चंम्त्तकार असो।’

यूहन्ना 14:19

किऐ ही बख्त्त हजो असो, जबे ऐजी संईसारी मुँह ने देखी सको; परह् तुँऐं मुँह जरूर देख्ले; के हाँव जीऊँदी असो, अरह् तुँऐं भे जीऊँदी रंह्दे।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 5:26

किन्देंखे के जेष्णाँ बाबा ऐं आपु दा जीवन धारण करी थुवा, तेष्णा ही तिन्ऐं बैटे कैई भे आपु दा जीवन धारण कर्णो खे हंक-अधिकार देऐ थुवा;

यूहन्ना 5:40

तबे भे तुँऐं लोग अमर-जीवन पाँणों खे मुँह कैई ने आँणों चहाँदे।

यूहन्ना 6:37

बाबा ऐ जिनू लोग मुँह कैई देऐ थुऐ, सेजे ऐक नाँम जुण्जें मुँह कैई आँव, तिनू हाँव कंद्दी ने छ़ूड़्दा।

यूहन्ना 6:57

जेष्णाँ जीऊँदे बाबा ऐं मुँह डेयाल़ी थुवा, अरह् मुँह बाबा कैई शा जीवन भेटी रूवा, तेष्णा ही जुण्जा मुँह खाँव तेसी भे मुँह कैई शा जीवन भेट्ला।

रोमियों 5:10

किन्देंखे के बऐरी हणों गाशी भी पंणमिश्वर के बैटे की मऊँती के जाँणें अमाँरा मेल-झोल पंणमिश्वर की गईलो हुआ, तअ तबे मेल-झोल हंणों गाशी, तेसी बैटे के जीवन के जाँणें अमाँरा मुँक्त्ति जरूर हंदे।

1 कुरिन्थियों 3:11

किन्देंखे के तियों पह्-नींव के सुवाऐ जू आगे ही पाँऐ थऐ, अरह् से प्रभू यीशू मसीया असो, तिन्दे गाशी कुँऐं ओकी पह्-नींव ने पाँऐ सक्दा।

कुलुस्सियों 3:4

जबे मसीया जू अमाँरा जीवन असो से पर्गट हंदा; तबे तुँऐं भे तिनकी गईलो बड़ियाऐ आरी पर्गट करे ज़ाँदे।

1 पतरस 1:19

परह् बै-कसूर अरह् नींष-कल़क के छैल़्टे, मतल्व मसीया के बैजाऐ किम्त्ति लह्ऊँ के जाँणें हुआ।

1 पतरस 1:7

अरह् ईन्देंखे हों के तुवाँरा पर्खा अंदा बिश्वाष जू आगी शे भाड़े अंदे नाँष हंणों वाल़े सुन्नें शा भे कैथी बैजाऐ किम्त्ति असो; प्रभू यीशू मसीया के पर्गट हंणों गाशी, तारीफ, अरह् बड़ियाऐं अरह् आदर का कारण बंणों।

1 पतरस 2:7

तअ: तुँओं लोगो खे जू बिश्वाष करह्, सेजा पाथर बैजाऐ किम्त्ति असो, परह् जू विश्वाष ने कर्दे तिनखे, पबित्र-ग्रन्थों दो ऐशो बुलो, के “बाड़िऐ जेसी पाथर निकाँमा बाँणीं थुवा थिया, सेजा ही पाथर कुँणे का कंडवारा बंणा,”

2 पतरस 1:1

शमौन संत्त-पतरस की ढबे शी, जू प्रभू यीशू मसीया का दास अरह् चूंणा-छ़ाटा अंदा प्रभू यीशू का खास-चैला थिया, तिनू लोगो के नाँम जिन्ऐं अमाँरे पंण्मिश्वर अरह् बंचाँणों वाल़े प्रभू यीशू मसीया के धार्मिक्त्ता के जाँणें आँमों जेष्णाँ किम्त्ति बिश्वाष करी थुवा।

2 पतरस 1:4

जिन्दे के जाँणें तिन्ऐ आँमों खे किम्त्ति बर्दांन देऐ थुऐ, जिनू देणों का तिन्ऐं बाय्दा करी थुवा थिया: जू तुँऐं तिनके जाँणें आपु खे पंण्मिश्वर के जैष्णें बंणी ज़ाँव, अरह् तेसी नाँष शे बंची ज़ाँव, जू लोगो की बुरी हिछ़ा के जाँणें ईयों संईसारी दे असो।