1 पतरस 2:19 - Sirmouri

¹⁹ किन्देंखे के जे कुँऐं पंणमिश्वर का बिचार करियों अ-नियाऐं शा दु:ख भूगदे कल़ेष सह्दा रंह् तअ ऐजो आछो असो।

सिरमौरी नौवाँ नियम

¹⁹ जै आमै बिना किछै गौलती कौरेयौ दुख सैहलै, तौ पौरमेशवर आमुदा खुश हौं। जिथुकै आमुए ऐजौ जाणैयौ कै दुख झैलू कै पौरमेशवर सौबै ठुँ जाणौए।

1 पतरस 2:19 ပူးပေါင်းရင်းမြစ်များ

लूका 6:32

“जे तुँऐं तिन्हीं आरी पियार करह्, जुण्जे तुओं आरी पियार करह्, तअ तिन्दा तुऐं का पुन्य करा? पापी भे तअ आपु आरी पियार कर्णों वाल़े, शो पियार करह्।

यूहन्ना 15:21

से ऐजो सब-कुछ तुवाँरी गंईलो मेरे कारण कर्दे, किन्देंखे के से मुँह डेयाल़्णों वाल़ा ने जाँण्दे।

प्रेरितो कै काम 11:23

जबे बरनबास ऐ तेथै पंह्ऊँच़ियों, पंण्मिश्वर के कृपा, अरह् शाँण्त्ति देखी; तअ से बैजाऐ खुशी-आनन्दित्त हऐ गुवा: अरह् संत्त-बरनबास ऐ सोभी लोगों खे प्रभू दे पाक्कै रंहंणों खे होंस्ला-हिमम्त्त दित्ती।

रोमियों 13:5

ईन्देखे ना सिर्फ सजा शो बंच्णों खे, परह् तुँवारे अंन्त्तर-आत्त्मा के जाँणें भे हंक-अधिकारी के बष दे रूऐ चैईं।

1 कुरिन्थियों 15:10

परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

2 कुरिन्थियों 1:12

किन्देंखे के आँमें आप्णे बिचारो के गुवाऐ-शाज़्त गाशी तारीफ करह्, के संईसारी दे प्रभू यीशू के जाँणें तुवाँरे बिचो दा, अमाँरा चाल-चल्ण पंण्मिश्वर ज़ूगा ऐशा पबित्र अरह् सच्चाई आरी थिया, जू देह्-शरीर की अज्ञाँ शा ने परह् पंण्मिश्वर की कृपा आरी थिया।

2 कुरिन्थियों 8:1

ऐबे हे भाऐ बंईणों, आँमें तुँओं खे पंण्मिश्वर की तियों कृपा की खुषख्बरी दियों, जुण्जी मकिदुनिया की कलीसियों गाशी हंऐ।

2 तीमुथियुस 1:12

ऐजा ही कारण असो, के हाँव दु:ख्ह भे संऐन करू, परह् तिन्दा हाँव सरमाँदा ने आथी; किन्देंखे के हाँव ऐजो जाँणू ऐं के मुँऐ कंस्दा बिश्वाष करी थुवा, अरह् मेरे ऐजी पुरी ढैठ असो, के से तेसी देसो तोड़ी मेरी रंक्षा पुरी कर्णों ज़ूगै शक्त्ति शाली असो।

इब्रानियों 10:2

ना तअ तिनू बंल़ी का चड़ाणाँ बंद कैई ने हंऐ ज़ाँदा? ईन्देंखे के जबे सेंवा कर्णो वाल़े, जे ऐकी ही बंई शुद्ध हऐ जाँदे, तअ तबे तिनका बिचार तिनू पापी ने बाँण्दी थी।

1 पतरस 2:20

किन्देंखे के जे तुँऐं पाप करियों घूसै-मुँकिऐं खाई, अरह् सबैर मारा, तअ तिन्दी किऐ बड़ी बात ने आथी; परह् जे भली काँम-काज़ करियों कुँऐं दु:ख भूगौ, अरह् सबैर माँरो तअ ऐजो पंणमिश्वर के भे भाँव ऐ।

1 पतरस 4:15

तुँओं मुँझी कुँऐं भे आदमी खूनी, के चोर, के कू-कर्मी हंणों गाशी के ओकी के काँम-काज बिगाड़णों के कारण दु:ख ने भूगौ।