1 पतरस 2:16 - Sirmouri

¹⁶ आपु-आप्खे अजाद जाँणों, परह् आप्णी अजादी बुराई कर्णो के आड़ ने बंणाँव; परह् आपु-आप्खे पंणमिश्वर के दास जाँणों।

सिरमौरी नौवाँ नियम

¹⁶ ऐबै तुऐं पाप कै गुलाम ना आथी जिथुकै तुऐं अमारै प्रभु यीशु मसीह कै दवारा आज़ाद हौए रौवै। पौरौ तुऐं आपणी आज़ादी का इस्तैमाल बुरै काम कौरणौ कारिए भाना नी बाणौ। पौरौ पौरमेशवर कै सेवको कै जैशणा बर्ताव कौरौ।

1 पतरस 2:16 ပူးပေါင်းရင်းမြစ်များ

मत्ती 23:13

“फींट्कारा असो! तुओं पाखंडी यहूदी भाट-बाँम्ण, अरह् यहूदी-निय्म के शिखाणों वाल़े गाशी! तुँओं खे भहित्ती सजा भेट्दी! तुँऐं आदमी खे स्वर्गो के राज्य को दुवार डाकी दियों, ना तअ आपु तिन्दे ज़ाऐ बल़्दे; अरह् ना तिन्दे कोसी ओकी ज़ाणों देंदे।”

यूहन्ना 15:22

जे हाँव ने आँदा, अरह् जे तिनखे ऐजो सब-कुछ़ ने बुल्दा; तअ से दोषी-कसूरबार ने बंण्दे थिऐ, परह् ऐबे तिन कैई आप्णें पाप छुपाणों खे किऐ भे भाँह्ना ने आथी।

रोमियों 6:18

अरह् पापो शे छूड़ोऐयों धर्म के दास बंणी गुऐ।

रोमियों 6:22

परह् ऐबे पापो शे अजाद हऐयों, अरह् पंणमिश्वर के दास बंणियों, तुँओं फल़ भेटा, जिन्दे लई पबित्रता भेंटी, अरह् तिन्दे का अंत्त अमर-जीवन असो।

1 कुरिन्थियों 7:22

किन्देंखे के जे कोसी दास-बैटू की दषा दा प्रभू ऐ बय्दी थुवा, तअ से प्रभू का अजाद करा अंदा असो। अरह् जेसी अजादी की दषा दा बऐदी थुवा, से मसीया का दास असो।

गलातियौं 5:1

मसीया ऐ आँमों अजाद करी थुऐ, जू आँमें अजादी का मंज्जा लऐ सको, ईन्देंखे आप्णें बिश्वाष पाक्का थुऐ, अरह् हजो मूसा खे भेटे गुऐ अज्ञाँ-निय्म के गुलाम ने बंणें।

गलातियौं 5:13

हे भाऐ बंईणों, तुँओं अजाद हणों खे बय्दी थुऐ, परह् कद्दी ऐशो ने हईयों के ऐजी अजादी तुँऐं देह्-शरीर के बुरी हिछा कर्णो का साधन ने बाँणें; परह् पियार शे ओका ओकी का सेवा दा मदत्तगार बंणों।

इफिसियों 6:6

आदमी के खुश कर्णो वाल़े जिऐ देखावे खे ने, परह् मसीया के दासो के जीऐ मंन शी पंण्मिश्वर की हिछ़या गाशी चालो;

कुलुस्सियों 3:24

किन्देंखे के तुँऐं जाँणो ऐ, के प्रभू ईनाँमों के रूप दा तुँओं खे हंक-अधिकार देंदा, किन्देंखे के तुँऐं प्रभू मसीया के दास-सेवक असो।

1 थिस्सलुनीकियों 2:5

किन्देंखे के तुँऐं जाँणोंऐं के आँमें ना तअ कद्दी चाप्पलुसी की बातो करह् थिऐ, अरह् ना लोभ-लाल़्च खे भाने बाँणों थिऐ, ईन्देका पंण्मिश्वर गुवाह्-शाज़्त्त असो;

याकूब 1:25

परह् जू आदमी पंणमिश्वर के बादे ज्ञाँन-निय्म के मुँताबिक नंजीक शे दे:खो, जिन्दे लई तेसी अजादी भेंटो, अरह् तिन्दे गाशी से बिचार भे करिया करह्, अरह् शुणिऐयों बिना भूली-बिसरी तिन्दे के बिचार दा चाल्दा रंह्, सेजो ही आप्णे कर्मों खे आशिर्बाद पाँदा।

याकूब 2:12

ईन्देंखे तुवाँरे करंम अरह् तुँवारी कर्णी जे तिनू जेष्णी हों, जिनका नियाँव अजादी की अज्ञाँ-निय्म के मुताबिक करा ज़ाँव।

2 पतरस 2:19

से तिन्खे अजादी का लाल़्च दियों, जबे के से आपु भे बुराई के दास असो, किन्देंखे के जू जैस्के बष दा असो, से तेसी ही का दास असो;

यहूदा 1:4

किन्देंखे के केत्रै ऐशे लोग चुप-चाँण आँमों मुँझी मिली रूऐ; जिनखे तियों सजा के बारे दो पुराँणें निय्म दो आगे ही लिखी थुवो थियो: ऐजे लोग नास्तिक असो, अरह् अमाँरे पंण्मिश्वर की कृपा लुच-पंण बईमानी दा बद्ल़ी दियों, अरह् अमाँरे सिर्फ ऐक ही स्वामी, अरह् प्रभू यीशू मसीया मान्णों शे ऐ भाजी ज़ाँव।