1 पतरस 1:12 - Sirmouri

¹² तिन कैई शो ऐजो दे:खाव गुओं थियों, के तिनू बातो का बचन का बखाँण कर्दे से आप्णी ने परह् तुँवारी सेवा करह् थिऐ। सेजी बातो स्वर्गो शी भेजी गई पबित्र-आत्त्मा के जाँणें तुँओं खे खुषख्बरी की शिक्शा देणों वाल़े के जाँणें बुली गई थी, अरह् तिनू बातो जाँण्णों खे तअ स्वर्गो के दूत भे तर्शोऐ।

सिरमौरी नौवाँ नियम

¹² पौरौ पौरमेशवरे इनु पौरमेशवर कै बातौ बौताणौवाल़ै खै बौतौऊं कै तिनकै सौंदेश सिरफ आपणै खातिर नी पौरौ तोंवारै खातिर थिए। सैजा सौंदेश यीशु मसीह कै बारै मुंजी सुसमाचार औसौ जू तुऐं इबी शौणै राए। पौरमेशवरे स्वर्ग पौरैशा आपणा पवित्र आत्मा भैजा कै तुऐं सुसमाचार प्रचार कौरणौ दै लोगौ कै मौदद कौरौ। ऐजौ सौबै ऐतरो अनौखौ औसौ कै इथै तौड़ी कै स्‍वर्गदूत बै बैजाए खुश हौयौ इनु चीज़ौ कै हौन्दै बैई दैखै लो।

1 पतरस 1:12 ပူးပေါင်းရင်းမြစ်များ

मत्ती 11:25

तेसी ही बख्ते प्रभू यीशू ऐ बुलो, “हे पिता पंणमिश्वर, स्वर्गो अरह् धर्ती के प्रभू तेरा धन्यबाद करू; के तुऐं ईनू बातो ज्ञाँनियों अरह् सम्झदारों शी चुप्पी थंई, अरह् बालक जेष्णें लोगो गाशी पर्गट करी थंई।

मत्ती 11:27

“मेरे पिता पंणमिश्वर ऐ मुँखे सब-कुछ देऐ दितो; अरह् कुँऐं बैटा ने जाँण्दा, सिर्फ तेसी पिता ही जाँणों; अरह् कुँऐं पिता ने जाँण्दा सिर्फ सेजा बैटा ही जाँणों; अरह् सेजा जाँणी सको जेसी गाशी बैटा पर्गट कर्णो चहाँव।”

मत्ती 16:17

प्रभू यीशू ऐ तिनखे बुलो, “हे शमौन, योना का बैटा, तू भागोईत असो! किन्देखे के ताँव कैई ऐजा सचाई का प्रकाष कराँणा, कोसी आदमी का काँम ने आथी; परह् मेरे स्वर्गो के पिता का काँम असो, जिन्ऐं ऐजी बात ताँव गाशी पर्गट करी।

मरकुस 16:15

अरह् प्रभू यीशू ऐ तिनखे बुलो, “तुँऐं बादी संईसारी दे ज़ाऐयों बादी संईसारी खे ऐजी ईयों बातो के खुषख्बरी का प्रचार करह्।

लूका 15:10

हाँव तुओं खे बुलू, के ऐष्णें पंण्मिश्वर के दूत्त भे तैसी पापी खे खुशी मंनाँदे; जुण्जा मंन बद्ल़ियों पसतावा करह्।”

लूका 2:26

अरह् पबित्र-आत्त्मा ऐं तैस्खे आगे बुली थो थियो; के जाँव तोड़ी तुऐं प्रभू का मसीया ने दे:खा ताँव तोड़ी तू मंरदा ने।

लूका 9:6

तबे: खास-चैले तेथै शे हुटियों गाँव-गाँव दे ज़ाऐयों पंण्मिश्वर के राजो का बखाँण शुणाँदें रूऐ, अरह् कैथी-कैथी लोग बीमारी शे चाँग्गै कर्दें अरह् फिर्दे रूऐ।

यूहन्ना 15:26

“परह् जबे सेजा मद्त्तगार मंतल्व सच्चाई की आत्त्मा आली, जियों हाँव तुओं खे बाबा कैई शी डेयाल़ूबा; तअ से मेरे बारे दी गुवाऐ-शाज़्त्त देली;

प्रेरितो कै काम 10:44

संत्त-पतरस ऐ ऐजो बुली ही लो थियों, के पबित्र-आत्त्मा तिनू सोभी लोगो गाशी ऊदी ऊत्री; जिनू लोगें ऐ बचन शुँणी लुवा थिया।

प्रेरितो कै काम 16:10

तेस्का ऐजा दर्शण देखियों ही, आँमें तेख्णी मकीदुनिया ज़ाणों खे चहाँव, ऐजो जाँणियों के पंण्मिश्वर ऐ आँमों तिनखे खुषख्बरी शुँणाँदे बय्दी थुऐं।

प्रेरितो कै काम 2:33

ऐबे से पंण्मिश्वर के सोऐं ढबै खास पद्-भार गाशी बंईठियों, अरह् पंरम-पिता कैई शी सेजी पबित्र-आत्त्मा भेटियों, जिन्दें का बाऐदा पंण्मिश्वरे ऐं आगे ही करी थुवा थिया; तियों पबित्र-आत्त्मा तिन्ऐं आँमों गाशी ऊँदी-पैरी दित्ती; जियों तुऐं आपु देंखी, अरह् शुँणीं लंऐ।

प्रेरितो कै काम 4:31

तिनकी प्रार्थना खतंम हंणों गाशी सेजी जागा, जेथै से कंट्ठै थिऐ, तेथै भूईच़ौल़ जियों लागो; अरह् से बादे लोग पबित्र-आत्त्मा शे भरियों अरह् बिना डरे पंण्मिश्वर की खुष्खबरी का प्रचार कर्दे लागे।

प्रेरितो कै काम 4:8

तबे: संत्त-पतरस ऐ पबित्र-आत्त्मा शो भरियों तिनखे बुलो, के “जंन्त्ता के हाकमों, अरह् बुड़ै-बुजूर्गों!

प्रेरितो कै काम 8:25

तबे: संत्त-पतरस अरह् संत्त-यूहन्ना आप्णी गुवाह्-शाज़्त्त देऐयों, अरह् प्रभू का बचन अरह् खुषख्बरी शुँणाँऐंयों पाछ़ू यरूशलेम खे हुटे, अरह् सामरियों के भहित्ते गाँव दे से समाँचार शुँणाँदे लागे।

रोमियों 1:15

तअ: हाँव तुँओं खे भे जू रोम देश दे रंह्, तिनखे यीशु मसीया की खुषख्बरी शुणाँणों खे तक्मं-तियार असो।

रोमियों 1:17

किन्देंखे के पंणमिश्वर के नंजरी दें लोग बै-कसूर बंणाँऐं गुऐं, यीशू मसीया की खुषख्बरी लई: जू बिश्वाष शी पर्गट हों; जेष्णों लिखी थो, “बिश्वाष शा पंणमिश्वर की नंजरी दा बै-कसूर ज़ण जीऊँदा रंह्दा।”

रोमियों 10:15

अरह् जे डियाल़े ने ज़ाँव, तअ प्रचार किया-किया कर्दें? जेष्णों पबित्र-ग्रन्थों दो लिखी थो, के “तेस्के लात्त-भींख कैत्री आछ़ी असो, जू खुषख्बरी की आच्छ़ी बातो का प्रचार करह्।”

रोमियों 15:19

अरह् चींन-निशाँणी अरह् बड़े काँम-काज़ की शक्त्ति शी अरह् पबित्र-आत्त्मा की शक्त्ति शी मेरे जाँणें करी; ऐतै ज़ूगी के मुँऐ यरूशलेम शी ऊँडी चौऊँँ ढबे इल्लुरिकुम तोड़ी मसीया की खुषख्बरी का पुरा-पुरा प्रचार करा।

1 कुरिन्थियों 2:10

परह् पंणमिश्वर ऐ तिनू बातो आप्णी आत्त्मा के जाँणें आँमों गाशी पर्गट करी, किन्देखे के पबित्र-आत्त्मा बादी बातो, मतल्व पंणमिश्वर की गईराई की बातो भी जाँचो-पर्खो ऐ।

2 कुरिन्थियों 1:22

जिन्ऐं आँमों गाशी छाप-मुँहर लाऐ थऐ, अरह् जाँमनी खे पबित्र-आत्त्मा अमाँरे सासो दी देऐ थऐ।

2 कुरिन्थियों 6:6

पबित्रता दे, ज्ञाँन दे, सबेर दे, कृपा दे, पबित्र-आत्त्मा दे,

गलातियौं 1:12

किन्देंखे के ऐ मुँह आदमी कैई शी ने भेंटी रंई, अरह् ना कोसी आदमी ऐ मुँह कैई ईन्दें की शिक्क्षा देऐ थई; परह् यीशू मसीया ऐ मुँह कैई पर्गट हऐयों देऐ थऐ।

गलातियौं 1:16

जबे पंण्मिश्वर के ऐजी हिछ़ा हऐ, के मुँदा आप्णें बैटे का ज्ञाँन पर्गट करा, के बै-बिश्वाषी लोगो मुँझी खुषख्बरी का प्रचार करू, तेसी बख्ते मुँऐं कोसी आदमी की सलाह्-मशोहरा ने करी।

इफिसियों 3:10

जू ऐबे कलीसिया के जाँणें पंण्मिश्वर का साँत्त-भाँत्ता ज्ञाँन तिनू हाकमों गाशी अरह् अधिकारियों गाशी जू स्वर्गिऐं जागा दे असो, तिनू कैई पर्गट करा ज़ाँव।

1 थिस्सलुनीकियों 2:9

किन्देंखे के, हे भाऐ-बंईणों, तुँऐं अमाँरो छियाँईतोंण अरह् चरी चित्ते करह्; आँमें रात-देस काँम कर्दे तुँओं मुझी पंण्मिश्वर की खुषख्बरी शुँणाँऐं के तुँओं कोसी गाशी भी आँमें बोझ़ ने बंणों।

1 तीमुथियुस 3:16

ईदा किऐ षक-शुभा ने आथी, के भगत्ति का भेद् गऐरा असो: मंतल्व से जू देह्-शरीर दे पर्गट हुऐ, अरह् पबित्र-आत्त्मा दे धर्मी बंणें; अरह् से स्वर्गदूत्तो कैई शे ऊडे देखाई पडे, अरह् गंऐर यहूदियों मुँझ़ी तिनका प्रचार हुआ; अरह् संईसारी दा तिनू गाशी बिश्वाष करा गुवा, अरह् बड़ियाऐ आरी तिनू स्वर्गो दे ऊबै टीपै गुऐ।

इब्रानियों 11:13

तेसी बाय्दे का फ़ल़ भेंटे बिना से बिश्वाष कर्दे मंरी भे गुऐ; परह् तिनू सेजी बाय्दें करी अंदी चींजों ताँव तोड़ी ऊँडी ने भेटी रंई थी, अरह् तिन्ऐ सेजी चींजो दुर्के शी ही देखी, अरह् तिनू चीजों का स्वागत्त करियों तिन्ऐ पंण्मिश्वर का धन्यबाद करा; किन्देंखे के से आपु खे ईयों धर्ती गाशी प्रदेशी अरह् बाईले लोग माँनों थिऐ।

इब्रानियों 2:4

ईन्देंके सुवाऐ पंण्मिश्वर ऐ चींह्न-चंम्त्तकार अरह् आप्णी कंई-किस्मं के अनोंख्हें काँमों के कारण: अरह् आप्णीं हिछ़या के मुँताबिक देऐ गंऐ पबित्र-आत्त्मा के तागत्त के कारण भी ईन्देंके घोष्णाँ करी थंऐ।

इब्रानियों 4:2

किन्देंखे के आँमों कैई भी तिनू ही जैष्णी खुषख्बरी शुँणाऐ गऐ थी, परह् शुँणें अंदें बचन लंई तिनके किऐ भे फ़ाय्दा ने हंई; किन्देंखे के तिनू शुँण्णों वाल़े के मंन दा बिश्वाष ने हंऐ रंई थी।

1 पतरस 1:25

परह् प्रभू का बचन ज़ूगौ-ज़ूगौ तोड़ी सदा अट्ल़ रंह्।” अरह् ऐजी ही खुषख्बरी का बचन असो, जू तुँओं कैई शा शुणाँया गुवा।

1 पतरस 4:6

किन्देंखे के मरे अंदे खे भे खुषख्बरी ईन्दें खे शुणाँऐं गऐ, के देह्-शरीर दे तअ आदमी के मुँताबिक तिनका नियाँव हों, परह् आत्त्मा दे से पंणमिश्वर के मुँताबिक जीऊँदे रंह्।

प्रकाशितवाक्य 5:11

जबे मुँऐ देखो, तअ तेसी सिंगाँस्ण अरह् तिन्दे के जींव अरह् तिनू अगुऐ के चौऊँ ढबे बैजाऐ स्वर्गदूत्त का रोल़ा शुँणाँ, जिनकी गिनती लाख्ह् अरह् करोड़ो की थी,