1 यूहन्ना 5:19 - Sirmouri

¹⁹ आँमें जाणो ऐ, के आँमें पंण्मिश्वर के असो; अरह् बादी संईसारी तैसी शैतान के बष दी असो।

सिरमौरी नौवाँ नियम

¹⁹ आमै जाणुए, कै आमै पौरमेशवर शै औसौ, औरौ सारै दुनिया तैसी दुष्ट शैतान कै वश दै पौड़ेयौंदे औसौ।

1 यूहन्ना 5:19 ပူးပေါင်းရင်းမြစ်များ

लूका 4:6

अरह् ऐशो बुलो, हाँव ऐजा हंक अधिकार ताँव खे देऊँबा किन्देंखे के ऐजो बादा सब-कुछ मुँखे देऐ थो; अरह् जैस्खे हाँव देणों चहाऊँबा तैस्खे हाँव देऐ सकू।

यूहन्ना 12:31

ऐबे ईयों संईसारी के नियाँव का बख्त्त आऐ गुवा; अरह् ऐबे ईयों संईसारी का हाकम आगु गाड़्दा;

यूहन्ना 14:30

“ऐबे हाँव तुओं कैई ईन्दें शो जादा किऐ ने बुल्दी, किन्देंखे के ईयों संईसारी का हाकम आँदा लागा; परह् से मेरो किऐ ने करी सक्दा।

यूहन्ना 16:11

नियाँव के बारे दो; ईन्देंखे के संईसारी का हाकम शैतान दोषी-कसूरबार बंणाँऐ पाया।

यूहन्ना 17:15

हाँव तुओं शी ऐजी प्रार्थना-बिनत्ती ने करदा, के तुऐं तिनू लोग ईयों संईसारी शे ऊँबे थागो; परह् ऐजी प्रार्थना-बिनत्ती करू, के तुऐं ईनू लोग तेसी दुष्ट-शैतान शे बंचाऐयों थुऐ।

रोमियों 8:16

पबित्र-आत्त्मा आपु ही अमाँरी आत्त्मा आरी गुवाऐ-शाज़्त दियों, के सत्तिखे आँमें पंणमिश्वर के अलाद असो।

2 कुरिन्थियों 1:12

किन्देंखे के आँमें आप्णे बिचारो के गुवाऐ-शाज़्त गाशी तारीफ करह्, के संईसारी दे प्रभू यीशू के जाँणें तुवाँरे बिचो दा, अमाँरा चाल-चल्ण पंण्मिश्वर ज़ूगा ऐशा पबित्र अरह् सच्चाई आरी थिया, जू देह्-शरीर की अज्ञाँ शा ने परह् पंण्मिश्वर की कृपा आरी थिया।

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

2 कुरिन्थियों 5:1

किन्देंखे के आँमें जाँणों ऐ, के अमाँरो धर्ती गाशी डेरा जिया घर ऊदा ढाल़ी देईदा, तअ आँमों खे पंण्मिश्वर की ढबे शो ऐक ऐशो भवन स्वर्गो दो भेट्दो जू हाथो शो बंणाँव घर ने आथी, परह् हमेशा को घर असो।

गलातियौं 1:4

तिन्ऐ ही आपु-आप्खे अमाँरे पापो की ताँईऐं देऐ दिता, के जू कुँऐं अमाँरे पंण्मिश्वर के हिछ़या, के मुताबिक आँमों ईयों बुरी संईसारी शे छुड़ाऐ दियों।

इफिसियों 2:2

किन्देंखे के तुवारा चाल-चल्णँ आगे ऐसी ज़ूगौ के रित्ति-रूवाज के मुँताबिक, जू अस्माँनों दा हंक-अधिकार जमाँनों वाल़े, हाकमों के मुँताबिक थिऐ; जुण्जे तियों आत्त्मा के बंष दे थिऐ, जुण्जी आत्त्मा हेभी तोड़ी पंण्मिश्वर के बिरोधियों आरी काँम-काज़ करह्।

2 तीमुथियुस 1:12

ऐजा ही कारण असो, के हाँव दु:ख्ह भे संऐन करू, परह् तिन्दा हाँव सरमाँदा ने आथी; किन्देंखे के हाँव ऐजो जाँणू ऐं के मुँऐ कंस्दा बिश्वाष करी थुवा, अरह् मेरे ऐजी पुरी ढैठ असो, के से तेसी देसो तोड़ी मेरी रंक्षा पुरी कर्णों ज़ूगै शक्त्ति शाली असो।

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

याकूब 4:4

ओ कू-कर्मी बिगड़े अंदे लोगो, कियों तुँऐं जाँण्दें ने, के संईसारी शी मित्रता कर्णी, पंणमिश्वर आरी बईर कर्णो असो? अरह् जुण्जा कुँऐं संईसारी का मित्र-दोस्त्त बंण्णा चाँव; से आपु आप्खे पंमिश्वर का बऐरी बाँणों।

1 यूहन्ना 3:14

आँमें जाँणोऐं, के आँमें मऊँत्ती के बष शे दुर्के हऐयों अमर-जीवन दे पंऊँची रूऐ; किन्देंखे के आँमें आपु मुझी ओका ओकी शो पियार थंह्। परह् जुण्जा कुँऐं ओका ओकी शो पियार ने थंह्दा से हजो भे मऊँत्ती की बष दा असो।

1 यूहन्ना 3:24

जुण्जा तिनकी अज्ञाँ का पाल़्ण करह्, से तिन्दा पाक्का अट्ल़ रंह्: अरह् तैस्दा पंण्मिश्वर बसा अंदा रंह्; ईन्दें का पता आँमों कैई पबित्र-आत्त्मा के जाँणें लागो, जुण्जी पबित्र-आत्त्मा आँमों खे पंण्मिश्वर देऐ थऐ।

1 यूहन्ना 5:10

जुण्जा कुँऐं पंण्मिश्वर के बैटे गाशी बिश्वाष करह्, तैस्दी ऐजी गुवाऐ-शाज़्त तैस्के सासो भीत्री चुप्पी हों, अरह् जैस्का बिश्वाष पंण्मिश्वर दा ने आथी, तेने तिनू झूठे बंणाँऐं दिते, किन्देंखे के तेने पंण्मिश्वर के सेजी गुवाऐ-शाज़्त जुण्जी तिन्ऐं आप्णें बैटे के बारे दी दिती थी, तियों गुवाऐ-शाज़्त गाशी तेने बिश्वाष ने करी।

1 यूहन्ना 5:13

मुँऐ तुँओं खे ऐजो सब-कुछ ईन्देंखे लिखी थो, के तुँऐं जुण्जे पंण्मिश्वर के बैटे के नाँव अरह् हंक-अधिकार गाशी बिश्वाष करह्, से ऐजो जाँणी पाँव, के हमेशा खे सदा-सदा का अमर-जीवन तुवाँरा ही असो।

1 यूहन्ना 5:15

तअ जबे आँमें ऐजो जाँणो, के आँमें जू भी किऐं तिनकी हिछ़या शो माँगो, सेजो से आँमों खे देऐ दियों, तअ आँमें ऐजो भे जाँणों ऐ, के आँमें जुण्जो किऐ बिश्वाष शो माँगो, सेजो आँमों भेटी ज़ाँव।

1 यूहन्ना 5:18

आँमें जाँणों ऐ, के जू कुँऐं पंण्मिश्वर शा पय्दा हऐ रूवा, से पाप ने करदा रंह्दा; परह् पंण्मिश्वर का बैटा तैसी बंचाऐयों थंह्, अरह् सेजा शैतान तेसी छूई भे ने सक्दा।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 20:3

तबे स्वर्गदूत्त ऐं तेसी अथाह् कुँड दा पाऐयों बंद करी दिता, अरह् तिन्दें गाशी सील-मुँहर लाऐ दिती, के से हजार साल्ह के पुरे हंणों तोड़ी जात्ती-जात्ती के लोग हजो ने भरमाँव-दुरताँव। परह् ईन्दें पाछी ऐगड़ी किऐ बख्त्तों खे तेसी जरूर छ़ुड़ी देंईदा।