1 यूहन्ना 5:18 - Sirmouri

¹⁸ आँमें जाँणों ऐ, के जू कुँऐं पंण्मिश्वर शा पय्दा हऐ रूवा, से पाप ने करदा रंह्दा; परह् पंण्मिश्वर का बैटा तैसी बंचाऐयों थंह्, अरह् सेजा शैतान तेसी छूई भे ने सक्दा।

सिरमौरी नौवाँ नियम

¹⁸ आमै जाणुए कै जू कुणिए पौरमेशवर कै संतान औसौ सै लगातार पाप ना कौरौ; पौरौ जू पौरमेशवर कै संतान औसौ, तैसीखै सै बौचाएयौ राखौ: औरौ तैसीखै दुष्ट शैतान छोए बै ना सौकौ।

1 यूहन्ना 5:18 ပူးပေါင်းရင်းမြစ်များ

मत्ती 5:37

परह् तुँवारी बात ‘हाँ’ के ‘हाँ’ अरह् ‘ना’ के ‘ना’ हों; किन्देखे के जुण्जो किऐ ईन्दें शो जादा हों, सेजो दुष्ट-शैतान शो हों।

मत्ती 6:13

आँमों पाप कर्णो की परख दे ने पाऐ, परह् बुराई पाप शे बंचाऐ; (किन्देखे के राज्य अरह् प्राकर्म अरह् बड़ियाऐं सदा-सदा तेरी ही असो।’ आमीन।)

यूहन्ना 1:13

से ना तअ लह्ऊँ शा, ना देह्-शरीर की हिछ़्या शा; अरह् ना कोसी आदमी की हिछ़्या शा, परह् से पंण्मिश्वर शा पय्दा हुवा।

यूहन्ना 14:30

“ऐबे हाँव तुओं कैई ईन्दें शो जादा किऐ ने बुल्दी, किन्देंखे के ईयों संईसारी का हाकम आँदा लागा; परह् से मेरो किऐ ने करी सक्दा।

यूहन्ना 15:4

तुँऐं मुँह्दे पाक्कै बंणें अँदे रंह्, तअ हाँव तुँओं दा बसा अँदा रँह्ऊबा; किन्देंखे के जे बाली-शाँऐं डाल़ी दी ने जुड़ी अंदी रँह्दी, तअ तिन्दे किऐ भे फल़ ने लागी सक्दे; तेष्णें ही जे तुऐं भे मुँह्दे जुड़े अँदे ने रँह्, तअ तुओं दे भे किऐ फल़ ने लागी सँक्दे।

यूहन्ना 15:7

जे तुँऐं मुँह्दे पाक्कै बंणें अंदे रंह्, अरह् मेरे बचन के शिक्षा तुँओं दी बंसी अंदी रंह्; तअ भाँव तुँऐं किऐ भे माँगों, तअ सेजी तुवाँरी माँग पुरी करी ज़ाँली।

यूहन्ना 15:9

“जेष्णों बाबा ऐं मुँह आरी प्यार करी थो, तेष्णों ही मुँऐं भे तुँओं आरी प्यार करी थो; अरह् तुऐं मेरे प्यार दें पाक्कै बंणें अंदें रंह्।

प्रेरितो कै काम 11:23

जबे बरनबास ऐ तेथै पंह्ऊँच़ियों, पंण्मिश्वर के कृपा, अरह् शाँण्त्ति देखी; तअ से बैजाऐ खुशी-आनन्दित्त हऐ गुवा: अरह् संत्त-बरनबास ऐ सोभी लोगों खे प्रभू दे पाक्कै रंहंणों खे होंस्ला-हिमम्त्त दित्ती।

याकूब 1:18

तिन्ऐं आप्णी हिछ़्या पुरी कर्णों खे आँमों सच्चाई के बचनों के जाँणें नुवाँ जीवन दिता, के आँमें तिनके जाँणें बंणाऐं गुऐ, पराँणी मुझ्शे बिश्वाष का आगला फल़ बंणों।

याकूब 1:27

परंम-पिता पंणमिश्वर के साम्णें साची अरह् शुद्ध भगत्ति सेजी ही असो, जू अनाँथों अरह् बिधवा के सु:ख-दु:ख दे मंदत करह्, अरह् आपु दा किऐ संईसारिक कल़ंक ने लागणों दियों।

1 पतरस 1:23

किन्देंखे के तुँऐं नाँष बाँन ने, परह् नाँष ने हंणों वाल़े बीज़ो शे, पंणमिश्वर के जीऊँदे अरह् सदा अट्ल़ बचन के जाँणें नुवाँ जीवन पाँऐ थुवा।

1 यूहन्ना 2:29

जे तुँऐं ऐजो जाँणों ऐ के तुँऐं प्रभू दे धरमाँत्त्मा असो, तअ ऐजो भे जाँणीं पाव, के ऐक नाँम धरमाँत्त्मा आदमी भे तिन शे ही पय्दा हऐयों तिनकी ही अलाद असो।

1 यूहन्ना 3:12

परह् तुँऐं कैन के जैष्णे ने बंणे, जैस्को साथ तेसी शैतान आरी थियो, अरह् तेने आप्णें भाई की हंत्त्या करियों मारी दिता, पता ऐ तेने आप्णा सोरा भाऐ कैई मारा? ईन्देंखे के कैन की काँम-काज़ बुरी थी, अरह् तैस्के भाई हाँबिल की काँम-काज़ धार्मिक्त्ता की थी।

1 यूहन्ना 3:3

अरह् जू कुँऐं तिनू गाशी ऐजा भूर्षा थंह्, से आपु-आप्खे तैष्णा ही पबित्र थंह् जैष्णें से पबित्र असो।

1 यूहन्ना 3:9

पंण्मिश्वर शा पय्दा हुवा अंदा, पाप ने करदा रंह्दा, किन्देंखे के से पंण्मिश्वर का अंष अरह् तिनकी अलाद हों; तअ तिन्दी पाप कर्णो की तअ किऐं गुजाऐश ही ने हंदी।

1 यूहन्ना 4:6

आँमें पंण्मिश्वर के असो, अरह् जुण्जे कुँऐं पंण्मिश्वर जाँणों, से अमाँरी शुणो; परह् जुण्जें कुँऐं पंण्मिश्वर ने जाँण्दें, से अमाँरी भे शुण्दें ने। ईन्दी ही लई आँमें साच्ची अरह् झुठी आत्त्मा की पछ़याँण करी सको।

1 यूहन्ना 5:1

जैस्का ऐजा बिश्वाष असो, के प्रभू यीशू ही मसीया असो, तअ सेजा पंण्मिश्वर की अलाद असो; अरह् जुण्जा कुँऐं आप्णें परमं-पिता पंण्मिश्वर शो पियार करह्, तअ से तैस्की अलादी आरी भे पियार करह्।

1 यूहन्ना 5:15

तअ जबे आँमें ऐजो जाँणो, के आँमें जू भी किऐं तिनकी हिछ़या शो माँगो, सेजो से आँमों खे देऐ दियों, तअ आँमें ऐजो भे जाँणों ऐ, के आँमें जुण्जो किऐ बिश्वाष शो माँगो, सेजो आँमों भेटी ज़ाँव।

1 यूहन्ना 5:19

आँमें जाणो ऐ, के आँमें पंण्मिश्वर के असो; अरह् बादी संईसारी तैसी शैतान के बष दी असो।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।

1 यूहन्ना 5:21

हे प्यारे नहाँन्ड़िया, आपु आप्खे मुँर्तियों शे भचाऐयों थुऐ।

1 यूहन्ना 5:4

जुण्जा पंण्मिश्वर शा पय्दा हऐ रूवा, से संईसारी गाशी जीत्त पाँव; ऐजी जीत्त जुण्जी संईसारी गेशी जीत्ती रंऐ, से ऐजी असो: मतल्व अमाँरा बिश्वाष ही जीत्त असो।

यहूदा 1:21

सदा-सदा के अमर-जीवन पाँणों खे अमाँरे प्रभू यीशू मसीया की कृपा बड़े भुर्षे आरी सबेर मारियों आपु-आप्खे पंण्मिश्वर के पियार दे पाके अट्ल़ बंणे अंदे रंह्।

यहूदा 1:24

ऐबे: जुण्जा तुँओं ठूकर लागणों अरह् रिड़णों शे बंचाऐ सको, अरह् आप्णी बड़ियाई के साम्णें खुशी-आँनन्द मंनाऐयों तुवों नीरदोष बंणाँणों ज़ूगा हों,

प्रकाशितवाक्य 2:13

हाँव ऐजो जाँणू ऐ, के तू तेथै रंऐ, जेथै शैतान को सिंगाँस्ण असो; तू मेरे नाँव गाशी पाका अट्ल़ रूऐ, अरह् मुँह गाशी बिश्वाष कर्णो शा तिनू देसो दा भे पाछू ने फिरे, जिनू मुँझी मेरा बिश्वाष ज़ूगा, भाऐ अन्तिपास जू तुवाँरे बीचो दा तेसी जागा दा मेरी खुषख्बरी शुँणाँणों के कारण माँरा गुवा जेथै शैतान आप्णों राज करह्।