1 यूहन्ना 5:14 - Sirmouri

¹⁴ पंण्मिश्वर के बारे दा अमाँरा बिश्वाष ऐजा असो: के जबे आँमें तिनकी हिछ़या के मुताबिक किऐ बिनती ढाल-अरज करह्; तअ से बैटे के नाँव शी शुणी पाँव।

सिरमौरी नौवाँ नियम

¹⁴ आमु पौरमेशवर कै सामणै जू हिम्मत हौंव, सै ऐजी औसौ, कै जै आमु तैसकै इछा कै हिसाब शै मांगुए, तौ सै अमारी शुणौए।

1 यूहन्ना 5:14 ပူးပေါင်းရင်းမြစ်များ

मत्ती 21:22

अरह् जुण्जो किऐ तुँऐं प्रार्थना दो बिश्वाष शो माँगले सेजो सब तुँओं खे भेट्लो।”

यूहन्ना 11:42

हाँव जाँणू थिया, के तू सदा मेरी प्रार्थना शुँणें। परह् मुँऐं ऊडे-पुडे खह्ड़े हुऐं अंदे आदमी के कारण ऐष्णों बुली लो; जिन्दें लई ऐ बिश्वाष करह्, के तुँऐं ही मुँह डेयाल़ी थुवा।”

यूहन्ना 14:13

मेरे नाँव शो तुऐ जुण्जो किऐं माँगले, हाँव सेजो पुरो करूबा; जिन्दें लई बैटे के जाँणें, बाबा के बड़ियाऐ पर्गट हों।

यूहन्ना 15:7

जे तुँऐं मुँह्दे पाक्कै बंणें अंदे रंह्, अरह् मेरे बचन के शिक्षा तुँओं दी बंसी अंदी रंह्; तअ भाँव तुँऐं किऐ भे माँगों, तअ सेजी तुवाँरी माँग पुरी करी ज़ाँली।

यूहन्ना 16:24

हेभी तोड़ी तुँऐं मेरे नाँव शो बाबा कैई शो किऐ ने माँगी थई; माँगो, तअ तुँओं खे जरूर भेंट्लो, जिन्दें लंई तुवाँरी खुशी-आँनन्द पुरी हली।

यूहन्ना 9:31

आँमें ऐजो बादे झ़ुणें जाँणों, के पंण्मिश्वर पापियों की शुँण्दे ने; परह् से तेस्की जरूर शुँणों, जुण्जा तिन का भगत्त हों; अरह् तिन्हीं के हिछ़या पुरी करह्।

इफिसियों 3:12

आँमें प्रभू यीशू मसीया गाशी बिश्वाष करह्, अरह् तबे ही आँमें पुरे भूर्षें आरी, बै-झिझ्क हऐयों पंण्मिश्वर कैई ज़ाँव।

इब्रानियों 10:35

ईन्देंखे आप्णें पाक्कै बिश्वाष शे दूर ने हुऐ, जिन्दें का प्रत्तिफ़ल़ बड़ा असो।

इब्रानियों 3:14

किन्देंखे के आँमें बिश्वाष दे मसीया के हिस्सेदार हऐ रूऐ, जे आँमें आप्णे आगले भुर्षे गाशी आखरी तोड़ी पाक्कै हऐयों अट्ल़ रंह्।

इब्रानियों 3:6

परह् मसीया बैटे के रूप दा पंण्मिश्वर के कुँड़बे दा बिश्वाष ज़ूगा थिया; अरह् सेजा कुँड़बा आँमें असो, जे आँमें हिमम्त्त दे अरह् आप्णें बिश्वाष दे आखरी तोड़ी पाक्कै अरह् अट्ल़ रंह्।

याकूब 4:3

तुँऐं माँगो तअ असो ऐ, परह् तुँओं भेंट्दो ने, परह् तुँऐं आछ़ै काँम-काज़ कर्णो खे ने माँगदे, किन्देंखे के तुँऐं तेथू आप्णे भोग-बोलास दो ऊड़ाणों चहाँव।

याकूब 5:16

आछो तअ ऐजो असो, के तुऐं आप्णें पाप आपु ओका ओकी के साम्णें माँनी पाँव, अरह् ओका ओकी खे प्रार्थना करह्, जिन्दें लई तुँऐं हजो चाँगै हऐ ज़ाँव, किन्देंखे के धर्मी जंण की प्रार्थना की शक्त्ति लई सब-कुछ हों।

1 यूहन्ना 2:28

हे प्यारे नहाँन्ड़िया, तिन्दी पाक्के बंणें अंदे अट्ल़ रूऐ, के जबे प्रभू पर्गट हों, तअ आँमें निडर हुऐ चेंई, अरह् तिनके आँव्णों गाशी आँमें शर्मिन्दें ने हुऐ चेंई।