1 यूहन्ना 5:1 - Sirmouri

¹ जैस्का ऐजा बिश्वाष असो, के प्रभू यीशू ही मसीया असो, तअ सेजा पंण्मिश्वर की अलाद असो; अरह् जुण्जा कुँऐं आप्णें परमं-पिता पंण्मिश्वर शो पियार करह्, तअ से तैस्की अलादी आरी भे पियार करह्।

सिरमौरी नौवाँ नियम

¹ जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।

1 यूहन्ना 5:1 ပူးပေါင်းရင်းမြစ်များ

मत्ती 16:16

शमौन संत्त-पतरस ऐ जबाब दिता, “तुँऐं जीऊँदे पंणमिश्वर का बैटा मसीया असो!”

लूका 7:5

किन्देंखे के से अमाँरी जात्ती शो पियार करह्, अरह् तैने ही आँओं खे ऐक च़ौत्रा भे बंणाँऐ थुवा।”

यूहन्ना 1:3

तेसी ही बचन के जाँणें सब-कुछ पय्दा हुओ, अरह् जुण्जो किऐ पय्दा हुओ; तिन्दें मुँझ्शी किऐ भे चींज बचन के बिना पय्दा ने हई।

यूहन्ना 15:23

सेजे जुण्जे मुँह आरी बईर करह्, से मेरे बाबा आरी भे बईर करह्।

यूहन्ना 3:3

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँणिंऐ पंण्मिश्वर की तरफ़ शा जन्म ने लों; ताँव तोड़ी से पंण्मिश्वर को राज्य ने देखी सक्दा।”

यूहन्ना 6:69

आँमें बिश्वाष करह्, के तुँऐं ही ‘पंण्मिश्वर के पबित्र जंण’ असो।”

यूहन्ना 8:42

प्रभू यीशू ऐ तिनखे बुलो, “जे पंण्मिश्वर तुवाँरा बाबा हंदा; तअ तुऐं मुँह आरी प्यार कर्दे, किन्देंखे के हाँव पंण्मिश्वर शा पय्दा हऐ रूवा; हाँव आप्णी हिछ़़या शा ने, परह् पंण्मिश्वर ऐ मुँह डेयाल़ी थुवा।

प्रेरितो कै काम 8:36

जबे यात्रा कर्दे-कर्दे बाटो पुडे से चाल्दे-चाल्दे कोसी पाँणी वाल़ी जागा दे पंह्ईचे। तअ तबे तेने खोजे़ ऐ बुलो, “ईथै पाँणी असो, अरह् ऐबे मेरे नहाँण-नहाँणों दे का रूकावट असो?”

प्रेरितो कै काम 8:37

(तबे फिलिप्पुस ऐ जबाब दिता, के “जे तू आप्णें साच्चै अरह् बादे मंन शा बिश्वाष करे, तअ नहाँण-नहाँणों दे किऐ रूकावट ने आथी।” ईन्दे गाशी तेने बुलो, “हाँव बिश्वाष करू, के यीशू मसीया ही पंण्मिश्वर का बैटा असो।”)

याकूब 1:18

तिन्ऐं आप्णी हिछ़्या पुरी कर्णों खे आँमों सच्चाई के बचनों के जाँणें नुवाँ जीवन दिता, के आँमें तिनके जाँणें बंणाऐं गुऐ, पराँणी मुझ्शे बिश्वाष का आगला फल़ बंणों।

1 पतरस 1:3

अमाँरे प्रभू यीशू मसीया के पंणमिश्वर अरह् परंम-पिता पंणमिश्वर का धन्यबाद हुआ चेंई, जिन्ऐं प्रभू यीशू मसीया मरे अंदे मुझ्शे पाछु ऊबे जियाल़्णों के जाँणे, आप्णी बैशुमाँर बड़ी दया-कृपा शे आँमों खे पाछ़ू ऊबे जीऊँदे भूर्षे खे नुवाँ जन्म दिता,

1 यूहन्ना 2:10

जुण्जा कुँऐं आप्णे बिश्वाषी भाऐ बंऐणों आरी पियार करह्, से ज्योत्ति-प्रकाष दा रंह्, अरह् तैस्दी कद्दी भे ठूकर ने लागदी, अरह् ना से कद्दी धोखा खाँदा।

1 यूहन्ना 2:29

जे तुँऐं ऐजो जाँणों ऐ के तुँऐं प्रभू दे धरमाँत्त्मा असो, तअ ऐजो भे जाँणीं पाव, के ऐक नाँम धरमाँत्त्मा आदमी भे तिन शे ही पय्दा हऐयों तिनकी ही अलाद असो।

1 यूहन्ना 3:14

आँमें जाँणोऐं, के आँमें मऊँत्ती के बष शे दुर्के हऐयों अमर-जीवन दे पंऊँची रूऐ; किन्देंखे के आँमें आपु मुझी ओका ओकी शो पियार थंह्। परह् जुण्जा कुँऐं ओका ओकी शो पियार ने थंह्दा से हजो भे मऊँत्ती की बष दा असो।

1 यूहन्ना 3:17

जे कोसी कैई संईसारी की जजाऐत हंदे भे आप्णें बिश्वाषी भाई-बंईणी की जरूरत के अंण दे:खी करह्; तअ कियों दाँई ऐजो बुलो ज़ाँदों के ऐस्दो पंण्मिश्वर को पियार असो?

1 यूहन्ना 3:9

पंण्मिश्वर शा पय्दा हुवा अंदा, पाप ने करदा रंह्दा, किन्देंखे के से पंण्मिश्वर का अंष अरह् तिनकी अलाद हों; तअ तिन्दी पाप कर्णो की तअ किऐं गुजाऐश ही ने हंदी।

1 यूहन्ना 4:2

पंण्मिश्वर की आत्त्मा तुँऐं ऐशी दाँई पछ़याँणी सको: के जुण्जी आत्त्मा ऐजो माँनी पाँव, के प्रभू यीशू मसीया स्वर्गो शे देह्-धारी आदमी का रूप धारियों संईसारी दे आऐ रूऐ; तअ सेजी ही पबित्र-आत्त्मा पंण्मिश्वर के आत्त्मा हों।

1 यूहन्ना 4:20

जे कुँऐं ऐशो बुलो, के “हाँव पंण्मिश्वर शो पियार करू” अरह् से आप्णे बिश्वाषी भाई-बंईणों दा शगाँऐयों तिनू आरी बईर करह्, तअ से झूठा असो; किन्देंखे के जेने आप्णे बिश्वाषी भाई-बंईणों दे:खियों भे तिनू आरी पियार ने करी, तअ पंण्मिश्वर शो जेसी तेने दे:खी ने थई, तैच़्छ़ौ से पियार करी सक्दा।

1 यूहन्ना 4:7

हे प्यारों, आँमें आपु मुँझी पियार थंह्; किन्देंखे के पियार पंण्मिश्वर शो भेटो। अरह् जू कुँऐं पियार करह्, से पंण्मिश्वर की अलाद असो, अरह् से पंण्मिश्वर जाँणों ऐ।

1 यूहन्ना 5:18

आँमें जाँणों ऐ, के जू कुँऐं पंण्मिश्वर शा पय्दा हऐ रूवा, से पाप ने करदा रंह्दा; परह् पंण्मिश्वर का बैटा तैसी बंचाऐयों थंह्, अरह् सेजा शैतान तेसी छूई भे ने सक्दा।

1 यूहन्ना 5:4

जुण्जा पंण्मिश्वर शा पय्दा हऐ रूवा, से संईसारी गाशी जीत्त पाँव; ऐजी जीत्त जुण्जी संईसारी गेशी जीत्ती रंऐ, से ऐजी असो: मतल्व अमाँरा बिश्वाष ही जीत्त असो।

1 यूहन्ना 5:5

कुँण असो सेजा जू संईसारी गाशी जीत्त पाँव? कियों सेजा ही आथी ने जू ऐजा बिश्वाष करह्, के प्रभू यीशू मसीया ही पंण्मिश्वर का बैटा असो?