1 यूहन्ना 4:9 - Sirmouri

⁹ आँमों मुँझी पंण्मिश्वर को पियार ऐशो दाई पर्गट हुवो; के पंण्मिश्वरे आप्णें ऐकलोता बैटा भे ईयों संईसारी दे ईन्देंखे डियाल़े, के आँमों तिनकी जाँणें अमर-जीवन भेटो।

सिरमौरी नौवाँ नियम

⁹ जू प्यार पौरमेशवर आमुआरी कौरौ, सै ऐशैखै प्रगट हौंव कै पौरमेशवरे आपणै इकलौतै बैटै खै दुनिया पांदी छाड़ै राए कै आमै तैसकै दवारा सौदा कै जिन्दगी पांव।

1 यूहन्ना 4:9 ပူးပေါင်းရင်းမြစ်များ

मरकुस 12:6

ऐबे तेस कैई डियाल़ो ज़ूगा ऐक ही आदमी बाकी थिया––तेस्का प्यारा बैटा; तेने तेसी ही डियाल़ा; से जाँणों थिया, के से मेरे बैटे खे तअ आदर-ईज्जत कर्दे।

लूका 4:18

“प्रभू के आत्त्मा मुँह गाशी असो; इंन्देखे के गरीब कंगाल खे खुषख्बरी का बखाँण कर्णो के ताँईऐं प्रभू ऐ मुँह छाँटी थुवा; अरह् मुँह ईन्देंखे डियाल़ी थुवा, के कय्दी खे मुँक्त्ति, अरह् शैड़े खे नंजर देणों का बखाँण करू, अरह् दबाऐं अंदें छुड़ाऊँ।

यूहन्ना 10:10

चोर कोसी ओकी काँम शा ने आँदा, से तअ सिर्फ चूरी करदा, हंत्त्या करदा, अरह् नाँष करदा आँव; परह् हाँव ईन्देंखे आऐ रूवा, के तुँओं खे जीवन भेटो; अरह् भर-पुरी का जीवन भेंटो।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 3:16

“किन्देंखे के पंण्मिश्वर ऐं संईसारी शो ऐत्रो प्यार करो, के तिन्ऐं आप्णा ऐक्लोत्ता बैटा देऐ दिता; किन्देंखे के जुण्जा कुँऐं तिनू गाशी बिश्वाष करला; से नाँष ने हों, परह् से अमर-जीवन पाँव।

यूहन्ना 3:18

“जुण्जा कुऐं बैटे गाशी बिश्वाष करह्, से दोषी-कसूरबार ने बंण्दा; परह् जुण्जा कुँऐं बिश्वाष ने करदा, से दोषी-कसूरबार बंणी गुवा; किन्देंखे के से पंण्मिश्वर के ऐक्लोत्ते बैटे के नाँव गाशी बिश्वाष ने करदा।

यूहन्ना 5:23

जिन्दें लई बादे लोग बैटे के भे तेष्णी ही आदर-ईज्जत करह्; जेष्णीं बाबा के आदर-ईज्जत करह्; किन्देंखे के जुण्जा कुँऐं बैटे की आदर-ईज्जत ने करदा, से बाबा के भे आदर-ईज्जत्त ने करदा; जिन्ऐं आप्णाँ बैटा डेयाल़ी थुवा थिया।

यूहन्ना 6:29

प्रभू यीशू ऐ जबाब दिता, “पंण्मिश्वर के काँम-काज़ ऐजे असो; के जेसी तिन्ऐं डेयाल़ी थुवा, तेस्दा ही बिश्वाष करह्।”

यूहन्ना 6:51

हाँव ही स्वर्गो शी ऊदी ऊत्री अंदी जीवन की रोटी असो; अरह् जुण्जा कुँऐं ऐजी रोटी खाँव; से हमेशा जीऊँदी रंह्दा, अरह् जुण्जी रोटी हाँव देऊँबा, सेजी रोटी संईसारी खे जीवन के ऐक भेंट करी अंदी मेरी देह्-शरीर असो।”

यूहन्ना 6:57

जेष्णाँ जीऊँदे बाबा ऐं मुँह डेयाल़ी थुवा, अरह् मुँह बाबा कैई शा जीवन भेटी रूवा, तेष्णा ही जुण्जा मुँह खाँव तेसी भे मुँह कैई शा जीवन भेट्ला।

यूहन्ना 8:29

मुँह डेयाल़्णों वाल़ा, मेरी गंईलो असो; तिन्ऐं मुँह ऐक्ली ने छ़ूड़ी थंई, किन्देंखे के हाँव सदा सेजो ही करू; जिन्दें लई से बैजाऐ खुशी हों।”

यूहन्ना 8:42

प्रभू यीशू ऐ तिनखे बुलो, “जे पंण्मिश्वर तुवाँरा बाबा हंदा; तअ तुऐं मुँह आरी प्यार कर्दे, किन्देंखे के हाँव पंण्मिश्वर शा पय्दा हऐ रूवा; हाँव आप्णी हिछ़़या शा ने, परह् पंण्मिश्वर ऐ मुँह डेयाल़ी थुवा।

यूहन्ना 9:3

प्रभू यीशू ऐ तिनखे जबाब दिता, “ना तअ ऐने आदमी ऐ किऐ पाप करी थंई; अरह् ना ऐस्के माँ-बाबा ऐं किऐ पाप करी थंई। ऐ ईन्देंखे जन्म शा ही पेट्-आँधा पय्दा हुवा, के ऐस्के कारण ही पंण्मिश्वर के बड़ियाऐ पर्गट हों।

रोमियों 8:32

जिन्ऐं आप्णा ऐकलता बैटा भे बंचाऐयों थंई ने, परह् तेसी भे अमाँरी पाप शे आँमों बंचाँणों खे बल़ीदाँण करी दिता; तअ ऐत्रों भहितों देणों गाशी भे से कियों आँमों खे सब-कुछ ऐई मुँझी देंदी ने?

इब्रानियों 1:5

किन्देंखे के पंण्मिश्वर ऐ कोसी भी स्वर्गदूत्तों खे ऐष्णों कद्दी ने बुली: के “तू मेरा बैटा असो, ऐत्त्लो तू मुँह शा प्‍यदा हुआ?” अरह् तबे ऐजो कैथी ओक्त्ते भे बुलो गुओं के, “हाँव ऐस्का बाबा हंदा?” “अरह् ऐ मेरा बैटा हंदा?”

1 यूहन्ना 3:16

पियार का असो? ऐजो आँमें ईन्दें लई जाँणों: के मसीया प्रभू यीशू ऐ अमाँरी ताँईऐं आप्णी जीयाँन-प्राण की कुरबाँणी दिती, ईन्देंखे अमाँरा ऐजा फरज बंण्दा ने, के आँमों खे भे आप्णें भाई-बंईणों की ताँईऐं आप्णें प्राण-जीयाँन कुरबाँण कर्णे ठीक आथी ने।

1 यूहन्ना 4:10

पियार किऐ चींज ने आथी; पियार हों ऐ: पंण्मिश्वर आँमों शो पियार के जाँणें आप्णा बैटा अमाँरे पापों की पसतावे खे कुरबाँण बल़ी कराँणों खे डियाल़े—तिनू ईन्देंखे ने डियाल़ी, के आँमें पंण्मिश्वर शो पियार करी थो।

1 यूहन्ना 4:16

आँमें आप्णें बारे दो पंण्मिश्वर को पियार जाँणी पाँव, अरह् तिन्दा बिश्वाष भे करह्, के पंण्मिश्वर पियार असो; अरह् जुण्जा कुँऐं पियार का पाक्का अट्ल असो, से पंण्मिश्वर दा भे पक्का अट्ल बंणा अंदा रंह्दा।

1 यूहन्ना 5:11

सेजी गुवाऐ-शाज़्त ऐजी असो: के पंण्मिश्वरे आँमों खे अमर-जीवन देऐ थुवा, किन्देंखे के सेजा अमर-जीवन तिनके बैटे दा असो।

1 यूहन्ना 5:13

मुँऐ तुँओं खे ऐजो सब-कुछ ईन्देंखे लिखी थो, के तुँऐं जुण्जे पंण्मिश्वर के बैटे के नाँव अरह् हंक-अधिकार गाशी बिश्वाष करह्, से ऐजो जाँणी पाँव, के हमेशा खे सदा-सदा का अमर-जीवन तुवाँरा ही असो।