1 यूहन्ना 4:7 - Sirmouri

⁷ हे प्यारों, आँमें आपु मुँझी पियार थंह्; किन्देंखे के पियार पंण्मिश्वर शो भेटो। अरह् जू कुँऐं पियार करह्, से पंण्मिश्वर की अलाद असो, अरह् से पंण्मिश्वर जाँणों ऐ।

सिरमौरी नौवाँ नियम

⁷ ओए रै प्यारे साथियो, आमै आपी मुंजी प्यार राखौ, जिथुकै प्यार पौरमेशवर शै औसौ। औरौ जू कुणिए ओकी लोगौआरी प्यार कौरौ सै पौरमेशवर कै संतान औसौ, औरौ पौरमेशवर खै जाणौए।

1 यूहन्ना 4:7 ပူးပေါင်းရင်းမြစ်များ

यूहन्ना 13:34

हाँव तुँओं खे ऐक नंऐं अज्ञाँ देऊँ, के ओका ओकी शो प्यार करह्; जेष्णों मुँऐं तुँओं आरी प्यार करी थो, तेष्णों ही तुँऐं भे ओका ओकी शो प्यार करह्।

यूहन्ना 17:3

अमर-जीवन ऐजा ही असो, के तुँऐं सिर्फ ऐक साच्चै पंण्मिश्वर असो; जिन्ऐं आप्णाँ बैटा यीशू मसीया जेसी तुऐं डेयाल़ी थुवा, तिनू सेजी बादी जात्ती, अरह् बादे प्राँणीं जाँणों अरह् पंह्छ़ियाँणों।

1 कुरिन्थियों 8:3

परह् जे कुँऐं पंणमिश्वर आरी पियार करह्, तअ पंणमिश्वर तेसी जाणों ऐ।

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

गलातियौं 4:9

परह् ऐबे तुँऐं पंण्मिश्वर पछ़याँणी पाया; मतल्व पंण्मिश्वर ऐ तुँओं पछ़याँणें; तअ तुँऐं तिनू कंमजोर अरह् निकारे रूवाज-निय्म दे कैई फष्दे लागे; अरह् कैई तिन्दें पाछु ज़ाँदे लागे; कियों तुँऐं हजो तिनके दास बंणों चहाँव।

गलातियौं 5:22

परह् पबित्र-आत्त्मा का फल़ पियार, खुशी, शाँण्त्ति, धीरज, कृपा, भलाऐ, बिश्वाष,

2 तीमुथियुस 1:7

ऐजो ईन्देंखे के पंण्मिश्वर ऐं आँमों खे डर-भंऐ के ने, परह् शक्त्ति, प्यार, अरह् सऐन के आत्त्मा देऐ थऐ।

1 पतरस 1:22

तअ: जबे तुँऐं भाईचारे दो नींषकप्ट पियार के मुताबिक सच्चाई के माँन्णों शा आप्णे मंन के आत्त्मा तियार करी थऐ, तअ तंन-मंन लाऐयों ओका ओकी शो बैजाऐ पियार करह्।

1 यूहन्ना 2:10

जुण्जा कुँऐं आप्णे बिश्वाषी भाऐ बंऐणों आरी पियार करह्, से ज्योत्ति-प्रकाष दा रंह्, अरह् तैस्दी कद्दी भे ठूकर ने लागदी, अरह् ना से कद्दी धोखा खाँदा।

1 यूहन्ना 2:29

जे तुँऐं ऐजो जाँणों ऐ के तुँऐं प्रभू दे धरमाँत्त्मा असो, तअ ऐजो भे जाँणीं पाव, के ऐक नाँम धरमाँत्त्मा आदमी भे तिन शे ही पय्दा हऐयों तिनकी ही अलाद असो।

1 यूहन्ना 2:3

पंण्मिश्वर के अज्ञाँ का पाल़्ण करणा ईयों बातो का प्रमाँण असो, के आँमें पंण्मिश्वर जाँणी संम्झी पाया।

1 यूहन्ना 2:4

जू कुँऐं ऐजो बुलो, के “हाँव तिनू जाँणूऐं,” अरह् तिनकी अज्ञाँ ने से माँन्दा, तअ से झुठा असो; अरह् तैस्दी किऐ सच्चाऐ ने आथी;

1 यूहन्ना 2:7

हे प्यारों, हाँव तुँओं खे किऐ नंऐं अज्ञाँ ने लिख्दा, परह् सेजी ही पुराँणी अज्ञाँ जू शुरू शी तुँओं भेटी रऐ; ऐजी पुराँणी अज्ञाँ सेजा बचन असो, जेसी तुँऐ शुणी थुवा।

1 यूहन्ना 3:9

पंण्मिश्वर शा पय्दा हुवा अंदा, पाप ने करदा रंह्दा, किन्देंखे के से पंण्मिश्वर का अंष अरह् तिनकी अलाद हों; तअ तिन्दी पाप कर्णो की तअ किऐं गुजाऐश ही ने हंदी।

1 यूहन्ना 4:11

हे प्यारों, जबे पंण्मिश्वर आँमों आरी ऐष्णों पियार करह्, तअ आँमों भे आपु मुँझी ऐष्णों ही पियार थंणों पड़ो।

1 यूहन्ना 4:12

पंण्मिश्वर कद्दी भे कुँणिऐं ने दे:खी थई; जे आँमें आपु मुँझी पियार करह्, तअ पंण्मिश्वर आँमों दा बास करह्, अरह् तिनके पियार दे आँमें बिलकुल शुरे-पुरे संम्लित हऐ गुऐ।

1 यूहन्ना 4:16

आँमें आप्णें बारे दो पंण्मिश्वर को पियार जाँणी पाँव, अरह् तिन्दा बिश्वाष भे करह्, के पंण्मिश्वर पियार असो; अरह् जुण्जा कुँऐं पियार का पाक्का अट्ल असो, से पंण्मिश्वर दा भे पक्का अट्ल बंणा अंदा रंह्दा।

1 यूहन्ना 4:20

जे कुँऐं ऐशो बुलो, के “हाँव पंण्मिश्वर शो पियार करू” अरह् से आप्णे बिश्वाषी भाई-बंईणों दा शगाँऐयों तिनू आरी बईर करह्, तअ से झूठा असो; किन्देंखे के जेने आप्णे बिश्वाषी भाई-बंईणों दे:खियों भे तिनू आरी पियार ने करी, तअ पंण्मिश्वर शो जेसी तेने दे:खी ने थई, तैच़्छ़ौ से पियार करी सक्दा।

1 यूहन्ना 4:8

परह् जैस्दो पियार ने आथी, से पंण्मिश्वर शा अजाँण्दा असो, किन्देंखे के पंण्मिश्वर पियार असो।

1 यूहन्ना 5:1

जैस्का ऐजा बिश्वाष असो, के प्रभू यीशू ही मसीया असो, तअ सेजा पंण्मिश्वर की अलाद असो; अरह् जुण्जा कुँऐं आप्णें परमं-पिता पंण्मिश्वर शो पियार करह्, तअ से तैस्की अलादी आरी भे पियार करह्।

2 यूहन्ना 1:5

हे तिरंई, मेरी ताँव खे ऐजी ढाल-अरज असो: के आँमों मुँझी आपु आरी पियार हुवों चैई, ऐजी मुँऐं तुँओं खे किऐ नंऐं अज्ञाँ ने लिखी लई, परह् ऐजी सेजी ही अज्ञाँ असो, जुण्जी आँमों खे शुरू शी ही ऊबी देऐ थऐ।