1 यूहन्ना 4:6 - Sirmouri

⁶ आँमें पंण्मिश्वर के असो, अरह् जुण्जे कुँऐं पंण्मिश्वर जाँणों, से अमाँरी शुणो; परह् जुण्जें कुँऐं पंण्मिश्वर ने जाँण्दें, से अमाँरी भे शुण्दें ने। ईन्दी ही लई आँमें साच्ची अरह् झुठी आत्त्मा की पछ़याँण करी सको।

सिरमौरी नौवाँ नियम

⁶ आमु पौरमेशवर कै औसौ। जू पौरमेशवर खै जाणौए, सै अमारी शुणौए, जू पौरमेशवर कै ना जाणौ सै अमारै ना शुणौ, ऐशैखैई आमै सौचाई कै आत्मा औरौ झूठ कै आत्मा खै पौछेयाणै पांव।

1 यूहन्ना 4:6 ပူးပေါင်းရင်းမြစ်များ

लूका 10:22

मेरे बाबा ऐं मुँह कैई सब-कुछ़ देऐ दितो; कुँऐं ने जाँण्दा के बैटा कुँण असो, परह् सिर्फ बाबा जाँणों: अरह् ना कुँऐ ऐजो जाँण्दा के बाबा कुँण असो; परह् सिर्फ बैटा जाँणों; अरह् सैजा जैस कैई बैटा पर्गट कर्णो चहाँव।”

यूहन्ना 10:16

मेरे ऊँकी भे भैड़ो असो, जुण्जी हेबी तोड़ी ईयों भैंड़शाल़ दी ने रंह्दी; ऐबे मेरे तिनू भैंड़ो भे ऊँडी आँण्णीं, अरह् तबे से भे मेरो चूचकर्णो अरह् बुलाँणों शुँण्दी ऐ; तबे मेरी बादी भैंड़ो को ऐक ही रैऊँड़ बंणी ज़ालो; अरह् ऐक ही तिन का हाँव भैंड़वाल़ा हंदा।

यूहन्ना 10:27

मेरी भैंड़ो मेरो चूचकार्णो शुँणों ऐ, अरह् हाँव तिनू पंह्छ़ियाँणू ऐं; अरह् से मुँह पाछ़ी-पाछ़ी चालो।

यूहन्ना 10:3

अरह् तेस्खे सेजे भैंड़ो की शाल़ो के जंगवाल़े भे कुँवाड़ ऊँडो खुलो; अरह् सेजी भैंड़ो भे तेसी भैड़वाल़े को चूचकार्णो अरह् बुलाँणों जाँणों ऐं, अरह् जबे से आप्णी भैंड़ो के नाँव लऐ-लऐयों तिनू आप्णीं छाँनीं शी बाँईडी बऐदी पाँव, तबे से चंराँणों खे तेथै शी आगू बाँईडी नीयों।

यूहन्ना 13:20

हाँव तुँओं खे ऐक खास बात बुलू: के जुण्जा कुँऐ मेरे डेयाल़े अंदे का आदर-ईज्त्त करह्, से मेरा आदर-ईज्त्त करह्; अरह् जुण्जा मेरी आदर-ईज्त्त करह्, से मुँह डेयाल़ों वाल़े का आदर-ईज्त्त करह्।”

यूहन्ना 14:17

सच्चाई की आत्त्मा, जियों ईऐ संईसारी ऐ धारण ने करी; किन्देंखे के संईसारी ना तअ तियों देख्दे, अरह् ना तियों जाँण्दे; परह् तुँऐं तअ तियों जाँणों ऐ, किन्देंखे के से तुओं दा बास करह्; अरह् से तुओं दी हमेशा बंसी अंदी रंह्दी।

यूहन्ना 15:26

“परह् जबे सेजा मद्त्तगार मंतल्व सच्चाई की आत्त्मा आली, जियों हाँव तुओं खे बाबा कैई शी डेयाल़ूबा; तअ से मेरे बारे दी गुवाऐ-शाज़्त्त देली;

यूहन्ना 16:13

जबे सेजा मंद्त्तगार, मतल्व सच्चाई की आत्त्माँ आली; तअ से पुरी सच्चाई दी, तुओं खे बाट लाँह्दी; से आप्णीं तरफ़ शो किऐ ने बुल्दी, परह् से सेजो ही बुल्दी; जुण्जो से शुँण्ली, से तुवाँरी ताँईऐ आँणों वाल़ी घट्णाँ पर्गट कंरियों तुवाँरे संहाँम्णें आँण्लीं।

यूहन्ना 18:37

ईन्दें गाशी हाकम-पिलातुस ऐ तिनखे बुलो, “तअ तू राजा असो?” प्रभू यीशू ऐ जबाब दिता, “तुऐं ठीक ही बुली लो; हाँव राजा असो! हाँव ईन्दी ही खे पय्दा हऐ रूवा; अरह् ईयों संईसारी दा मेरे आँणों का कारण ऐजा ही असो! के हाँव सच्चाई के गुवाऐ-शाज़्त्त देऊँ; किन्देंखे के ऐक नाँम आदमी जुण्जा साच्चा असो, से मेरो शुँणों।”

यूहन्ना 20:21

प्रभू यीशू ऐ तिनखे हजो बुलो, “तुँओं खे शाँण्त्ति भेंटो! जेष्णाँ बाबा ऐं मुँह डेयाल़ी थुवा; तेष्णें ही हाँव तुँओं भे डेयाल़ू।”

यूहन्ना 8:19

ईन्दे गाशी यहूदी भाट-बाँम्णें ऐ प्रभू यीशू शो पुछो; “केथै असो, तेरा बाबा?” प्रभू यीशू ऐं तिनखे जबाब दिता; “ना तअ तुऐं मुँह जाँण्दे, अरह् ना मेरा बाबा जाँण्दें। अरह् जे तुऐं मुँह जाँण्दें, तअ तुऐं मेरा बाबा भे जरूर जाँणी पाँदें।”

यूहन्ना 8:23

प्रभू यीशू ऐ तिनखे बुलो, “तुँऐं धर्त्ती के असो, अरह् हाँव स्वर्गो का असो; तुँऐं संईसारी के असो, अरह् हाँव संईसारी का आथी नें।

रोमियों 1:1

संत्त-पौलुस की ढबे शी जू यीशू मसीया का दास अरह् प्रभू यीशू के खास-चैला बण्णों खे बंईदा गुआ, अरह् पंणमिश्वर की तियों खुषख्बरी की प्रचार खे ज़ई करा गुवा,

रोमियों 11:8

जेष्णों पबित्र-ग्रन्थों दो लिखी थो, “पंणमिश्वर तिनू ऐत्रे देसो तोड़ी गहीरी नींज़ो दे पाँऐ थुऐ, अरह् ऐशी आ:खी दिती जिन्दें लई दे:खिंदो ने, अरह् ऐशे काँन दिते जिन्दें लई शुणिंदो ने।”

1 कुरिन्थियों 14:37

जे कुँऐं आदमी आप्खे-आपु ऋषी के आत्त्मिक जंण सम्झों, तअ ऐजो जाँणी पाँव के जुण्जी बातो हाँव तुँओं खे लिखू, सेजी प्रभू की अज्ञाँ असो।

2 कुरिन्थियों 10:7

तुँऐं ईन्ही बातो दे:खो, जू आ:खी के साम्णें असो; जे कोसी के आपु गाशी ऐजा भूर्षा हों, के हाँव मसीया का जंण असो, तअ से ऐजो भे जाँणी पाँव; के जैष्णाँ से मसीया का जंण असो, तैष्णें ही आँमें भे मसीया के जंण असो।

2 थिस्सलुनीकियों 1:8

अरह् जू पंण्मिश्वर ने पछयाँणदे, अरह् अमाँरे प्रभू यीशू की खुषख्बरी ने माँन्दे, तिनूशा से बद्ल़ा लोंदा।

1 तीमुथियुस 4:1

परह् पबित्र-आत्त्मा ऐ साफ-साफ बुलो, के आँणो वाल़े बख्ते कैतोड़े लोग भरमाँणो वाल़ी आत्त्माओं के शिक्क्षाओं गाशी आप्णा मंन लाऐयों बिश्वाष शे भट्की ज़ादे।

2 पतरस 3:2

जू तुँऐं पबित्र ऋषियों के जाँणें आगे ही बुली गई, अरह् तबे प्रभू यीशू के खास-चैले के जाँणें आँमों खे छूट्कारा देणों वाल़े के जाँणें दिती गई अज्ञाँ-निय्म तुवों कैई शे हजो चींत्तै कराऐ ज़ाँव।

1 यूहन्ना 4:1

हे प्यारों, सोभी आत्त्मा का बिश्वाष ने करे, परह् आत्त्मा के परख करह्, के सेजी आत्त्मा पंण्मिश्वर की असो ऐ, के आथी ने; किन्देंखे के बैजाऐ झूठे ऋषी संईसारी दे ऋषी बंणियों चाल पड़े।

1 यूहन्ना 4:4

हे प्यारे नहाँन्ड़िया, तुँऐं पंण्मिश्वर के असो, झूठे ऋषी तुँऐं हराऐ पाऐ; किन्देंखे के जुण्जा तुओं दा बास करह्, से तैच़्छ़ा बड़ा असो; जुण्जा संईसारी दा असो।

1 यूहन्ना 4:8

परह् जैस्दो पियार ने आथी, से पंण्मिश्वर शा अजाँण्दा असो, किन्देंखे के पंण्मिश्वर पियार असो।

1 यूहन्ना 5:19

आँमें जाणो ऐ, के आँमें पंण्मिश्वर के असो; अरह् बादी संईसारी तैसी शैतान के बष दी असो।

यहूदा 1:17

परह् हे प्यारों! तुँऐं ऐजी बातो चित्तै थुऐं, जू अमाँरे प्रभू यीशू मसीया के खास-चैले ऐ आगे ही बुली थई थी।