1 यूहन्ना 4:17 - Sirmouri

¹⁷ तअ आँमें नियाँव के देसो दी नींडरता मतल्व दीड़-हिम्मत हों; के संईसारी दा अमाँरा सभाव मसीया के सभाव के जैष्णा हों, जिन्दें का नंतीजा अमाँरा आपसी पियार संम्पुरता दा पक्का अट्ल़ हऐ रूवा।

सिरमौरी नौवाँ नियम

¹⁷ इथी लैई प्यार आमुदा पूरा हौं कै, न्याय कै दूसै आमु हिम्मत भैटौ कै पौरमेशवर आमु सौजा ना दैंदा, जिथुकै मसीह कै जैशणै आमु ओकीआरी प्यार कौरु औरौ इयौं दुनिया दै यीशु मसीह कै जैशणै रौंव।

1 यूहन्ना 4:17 ပူးပေါင်းရင်းမြစ်များ

मत्ती 10:15

हाँव तुओं खे खास बात बुलू, के नियाँव के देसे, जबे पंणमिशवर तेसी नंगर खे सजा देला, तअ सेजी सजा सदोम, अरह् अमोरा के नगर, शे भे जादा बुरी हंदी।”

मत्ती 10:25

चैले का गुरू के, अरह् दास का मालिक के बुराबर हणों ही बैजाऐ असो, जबे तिन्ऐ घर के मालिक खे शैतान बुला, तअ तेस्के घईले खे से का-का ने बुल्दे!”

मत्ती 11:22

तबे भे हाँव बुलू, शुणों: के पंणमिश्वर नियाँव कर्णो के देसे तुँवारी दंषा सूर नंगर अरह् सैदा नंगर की दंषा शी भे जादा दरदनाँक तुवाँरी दषा हंदी।

मत्ती 11:24

परह् हाँव तुँओं खे बुलू, के नियाँव के देसे तेरी दंषा सदोम की दंषा शी दरदनाँक जादा सहंणों ज़ुगी हंदी।”

मत्ती 12:36

अरह् हाँव तुँओं खे बुलू, के जुण्जी-जुण्जी निकाम्मी बातो आदमी बुल़्ले, पंणमिश्वर के नियाँव के देसे तिनू ऐक नाँम बातो का लेखा-ज़ोखा देणाँ पड़ला।

यूहन्ना 15:20

चींत्तें थुंऐ, के मुँऐ तुँओं खे का बुली थो: के दास सेंवक आप्णें माँलिक शा बड़ा ने हंदी, किन्देंखे के जबे तिन्ऐं मुँह सताँऐ थुवा; तअ से तुओं भे जरूर सताँदे ऐ; जे से मेरे बचन का पाल़्ण कर्दे, तअ से तुवाँरे बचन का भे पाल़्ण कर्दे थिऐ।

यूहन्ना 17:22

“सेजी बड़ियाऐ, जुण्जी तुऐं मुँखे देऐ थऐ, सेजी बड़ियाऐ, मुँऐं ईनखे देऐ थंऐ; जू ऐ भे ऐक हंऐ ज़ाँव, जेष्णें के आँमें ऐक असो:

रोमियों 8:29

किन्देंखे के पंणमिश्वर ऐजा बीचार करा, के जिनू तिन्ऐं आगे ही आप्णें जाँणा, सेजे तिनके बैटे के सरूप दें बंणाँऐं ज़ाँदे; जिन्दें लई तिनका बैटा सोभी भाईयों मुँझी जैठा बंणों।

इब्रानियों 9:27

अरह् जेष्णों आदमी खे ऐकी बई मर्णो, अरह् तिन्दे पाछी नियाँव का हणों जरूरी पाक्को असो।

याकूब 2:13

जुण्जा कुँऐं दया-रंय्म ने करदा, तेस्का नियाँव कर्दे बख्ते पंणमिश्वर भे तेसी गेशी किऐ दया-रंय्म ने कर्दी, किन्देंखे के दया-रंय्म नियाँव शी जींत्ती ज़ाव:

याकूब 2:22

तबे: तुँऐं दे:खी पाव, के बिश्वाष अरह् करंम साथी चालो, अरह् करंम लई बिश्वाष मंजबूत-पाक्का रंह्।

2 पतरस 2:9

ऐशो दाँई प्रभू जाँणों ऐ के भगत्त लोग कैशे दाँई नियाँव के देसो तोड़ी बंचाऐंयों थहणें, अरह् दुष्ट लोग कैशे दाँई सजा पाँणों खे थहणें;

2 पतरस 3:7

परह् ऐजो अस्माँन अरह् धर्ती तेसी ही बचन के जाँणें ईन्देंखे थऐ थुऐ, के जल़ाऐ ज़ाव; अरह् तिनू नाँस्त्तिक आदमी का नियाँव अरह् नाँष हंणों के देसो तोड़ी ऐशे ही थुऐ ज़ाले।

1 यूहन्ना 2:28

हे प्यारे नहाँन्ड़िया, तिन्दी पाक्के बंणें अंदे अट्ल़ रूऐ, के जबे प्रभू पर्गट हों, तअ आँमें निडर हुऐ चेंई, अरह् तिनके आँव्णों गाशी आँमें शर्मिन्दें ने हुऐ चेंई।

1 यूहन्ना 2:5

परह् जू कुँऐं तिनके बचन दे चालो, तअ तैस्दो सोतिखे पंण्मिश्वर को पियार साचो हुओ। ईन्दी लई आँमें जाँणी पाँव, के आँमें तिन्दे बंसे अंदे असो:

1 यूहन्ना 2:6

जू कुँऐं ऐजो बुलो, के हाँव पंण्मिश्वर दा पाक्का असो, तअ तेसी प्रभू यीशू जैष्णाँ जीवन जीऊँणा पड़ो।

1 यूहन्ना 3:1

बिचार करह्, के कैत्रा गऐरा पियार परंम-पिता पंण्मिश्वर आँमों आरी करह्, जिन्दें का कुँऐ भे किऐ पता नें लाऐ पाँदा, खास करियों संईसारी के लोगों कैई पंण्मिश्वर की पछ़याँण ने आथी; ईन्देंखे के से आँमों भे पंछ़याँण्दी ने, के आँमें तिनकी अलाद असो।

1 यूहन्ना 3:3

अरह् जू कुँऐं तिनू गाशी ऐजा भूर्षा थंह्, से आपु-आप्खे तैष्णा ही पबित्र थंह् जैष्णें से पबित्र असो।

1 यूहन्ना 3:7

हे प्यारे नहाँन्ड़िया, कुँऐं तुँओं सच्चाई की बाटो शे भट्काऐ ने दियों; किन्देंखे के धरमाँत्त्मा सेजा ही असो, जैस्की चाल-ढाल ठीक हों; जैष्णें प्रभू यीशू मसीया धरमाँत्त्मा असो।

1 यूहन्ना 4:12

पंण्मिश्वर कद्दी भे कुँणिऐं ने दे:खी थई; जे आँमें आपु मुँझी पियार करह्, तअ पंण्मिश्वर आँमों दा बास करह्, अरह् तिनके पियार दे आँमें बिलकुल शुरे-पुरे संम्लित हऐ गुऐ।