1 यूहन्ना 4:12 - Sirmouri

¹² पंण्मिश्वर कद्दी भे कुँणिऐं ने दे:खी थई; जे आँमें आपु मुँझी पियार करह्, तअ पंण्मिश्वर आँमों दा बास करह्, अरह् तिनके पियार दे आँमें बिलकुल शुरे-पुरे संम्लित हऐ गुऐ।

सिरमौरी नौवाँ नियम

¹² पौरमेशवर खै कौलोंई कुणिए ना दैखै रैई, जै आमै आपी मुंजी प्यार राखु, तौ पौरमेशवर आमुदा बौणेयौंदा रौंव औरौ तैसका प्यार आमुदा सिध्द हौंव।

1 यूहन्ना 4:12 ပူးပေါင်းရင်းမြစ်များ

यूहन्ना 1:18

पंण्मिश्वर कुँणिऐं ने देखी थंई; सिर्फ पंण्मिश्वर के ऐक्लोत्ते बैटे ऐं ही देखी थुवा; जुण्जा आप्णें बाबा की हंगाल़ी दा असो, तेने ही पंण्मिश्वर पर्गट करा।

1 कुरिन्थियों 13:13

परह् ऐबे बिश्वाष, भूर्षा, अरह् पियार, ऐजे चींन्ने अट्ल़ असो, परह् ईन्दों सोभी शो जादा पियार बोढ़ो असो।

1 तीमुथियुस 1:17

ऐबे सदा का राजा मतल्व अ-बिनाषी, अनाँथों: खे, सिर्फ ऐक पंण्मिश्वर का आदर अरह् बड़ियाऐ ज़ूगौ-ज़ूगौ तोड़ी हंदी रंह्। आमीन।

1 तीमुथियुस 6:16

अरह् सेही सिर्फ अमर असो, अरह् ना तेसी कुणिऐं देखी थई, अरह् ना तेसी कुँऐं आदमी देखी सक्दा; किन्देंखे के से आगी के भाठौ के लहयारे की सैकों कैई रंह्; तिनकी ईज्जत अरह् तिनकी शक्त्ति का परमाँण ज़ूगौ-ज़ूगौ तोड़ी रंह्दा। आमीन!

इब्रानियों 11:27

बिश्वाष के कारण तिन्ऐं मिस्र देश छ़ुड़ी दितो; अरह् तिनके राजा फ़िरोन के कुरूध का किऐ भे डर ने थी; परह् से पाक्कै अट्ल़ बंणें अंदे रूऐ, जेष्णें के तिन्ऐ बिनाँ देखाई पडे, पंण्मिश्वर देखी लुऐ।

1 यूहन्ना 2:5

परह् जू कुँऐं तिनके बचन दे चालो, तअ तैस्दो सोतिखे पंण्मिश्वर को पियार साचो हुओ। ईन्दी लई आँमें जाँणी पाँव, के आँमें तिन्दे बंसे अंदे असो:

1 यूहन्ना 3:24

जुण्जा तिनकी अज्ञाँ का पाल़्ण करह्, से तिन्दा पाक्का अट्ल़ रंह्: अरह् तैस्दा पंण्मिश्वर बसा अंदा रंह्; ईन्दें का पता आँमों कैई पबित्र-आत्त्मा के जाँणें लागो, जुण्जी पबित्र-आत्त्मा आँमों खे पंण्मिश्वर देऐ थऐ।

1 यूहन्ना 4:16

आँमें आप्णें बारे दो पंण्मिश्वर को पियार जाँणी पाँव, अरह् तिन्दा बिश्वाष भे करह्, के पंण्मिश्वर पियार असो; अरह् जुण्जा कुँऐं पियार का पाक्का अट्ल असो, से पंण्मिश्वर दा भे पक्का अट्ल बंणा अंदा रंह्दा।

1 यूहन्ना 4:20

जे कुँऐं ऐशो बुलो, के “हाँव पंण्मिश्वर शो पियार करू” अरह् से आप्णे बिश्वाषी भाई-बंईणों दा शगाँऐयों तिनू आरी बईर करह्, तअ से झूठा असो; किन्देंखे के जेने आप्णे बिश्वाषी भाई-बंईणों दे:खियों भे तिनू आरी पियार ने करी, तअ पंण्मिश्वर शो जेसी तेने दे:खी ने थई, तैच़्छ़ौ से पियार करी सक्दा।

1 यूहन्ना 4:6

आँमें पंण्मिश्वर के असो, अरह् जुण्जे कुँऐं पंण्मिश्वर जाँणों, से अमाँरी शुणो; परह् जुण्जें कुँऐं पंण्मिश्वर ने जाँण्दें, से अमाँरी भे शुण्दें ने। ईन्दी ही लई आँमें साच्ची अरह् झुठी आत्त्मा की पछ़याँण करी सको।