1 यूहन्ना 4:1 - Sirmouri

¹ हे प्यारों, सोभी आत्त्मा का बिश्वाष ने करे, परह् आत्त्मा के परख करह्, के सेजी आत्त्मा पंण्मिश्वर की असो ऐ, के आथी ने; किन्देंखे के बैजाऐ झूठे ऋषी संईसारी दे ऋषी बंणियों चाल पड़े।

सिरमौरी नौवाँ नियम

¹ ओए रै प्यारो, हरेक आदमी पांदी बिशवाश ना कौरौ जू पवित्र आत्मा कै दवारा बौलणौ का दावा कौरौ: यानी आत्माओं खै पौरखौ कै सै पौरमेशवर कै ढौबौशै औसौ कै ना आथी; जिथुकै बौहितै झूठै पौरमेशवर कै बातौ बौताणौवाल़ै इयौं दुनिया पांदी आए गौवै।

1 यूहन्ना 4:1 ပူးပေါင်းရင်းမြစ်များ

मरकुस 13:21

तेथै जे कुँऐं तुँओं खे बुलो, के ‘दे:खो मसीया ईथे असो’, तअ तुँऐं बिश्वाष ने करे,

लूका 12:57

“तुँऐं आपु ही नियाँव कैई ने कर्दे, के साच्चो का असो?

लूका 21:8

प्रभू यीशू ऐ तिनखे जबाब दिता, “च़ौक्क्ष रूऐ, के तुँऐं कोसी के बंकावे दे ने आँओ; बैजाऐ लोग मेरे नाँव शे आले, अरह् बुल़्लै, के ‘हाँव ही मसीया असो’ अरह् ‘सेजा बख्त्त आऐ गुवा’ परह् तुऐं तिनू पाछी ने ज़ाऐ।

प्रेरितो कै काम 17:11

ऐजे लोग तअ थिस्सलुनीकियों के यहूदियों शे जादा भले थिऐ, अरह् से बंडी हिछ़या शे प्रभू यीशू के बचन शुंणों थिऐ; अरह् तियों संच्चाई की जाँच-परख कंर्णों खे रोज पबित्र-ग्रन्थों का अध्यन कंरियों तिन्देंके खोज करह् थिऐ।

प्रेरितो कै काम 20:29

हाँव जाँणू ऐ, के मेरे ज़ाँणो पाछ़ी; खूँखार-खाऊँरे ऐजे भेंड़िऐ, तुओं लोगों के भीच दे घूस्रियों आले; अरह् तुवाँरे ऐसी झुँण्ड गाशी किऐ भे ऐ दया-रंऐम ने कर्दे;

1 कुरिन्थियों 12:10

तबे भे कोसी खे शक्त्ति की काँम-काज़ कर्णो के शक्त्ति देंई, अरह् कोसी खे बरंम्बाणीं कर्णो का दाँण, अरह् कोसी खे आत्त्मों की परख-पछयाँण कर्णो का बर्दांण, अरह् कोसी खे साँत-भाँती अंण-जाँण भाषा, अरह् कोसी खे तिनू साँत-भाँती अंण-जाँण भाषा सम्झाँणों का बर्दांण दिया ज़ाँव।

1 कुरिन्थियों 14:29

ऋषियों मुँझ्शे भे दो, के च़ींन लोग बुलो, अरह् ओके लोग तिनके बुले अंदें बचन पर्खो अरह् सम्झो।

1 थिस्सलुनीकियों 5:20

ऋषियों की बरंम्बाणीं छुटी ने जाँणें।

1 थिस्सलुनीकियों 5:21

बादी बातो पर्खो-अजमाँव; जू आच्छ़ी असो, तिनू पाकड़ी अंदी थुऐ।

2 थिस्सलुनीकियों 2:2

के कोसी आत्त्मा के बचन के कोसी पंत्री के जाँणें, जुणजी के अमाँरी ढबै शी जेऐ हों; ऐजो जाँणियों के प्रभू को देस आऐ पुझ़ों; ईन्दें लंई तुवाँरा मंन डामाँडोल ने हों, अरह् ना तुऐ डरह्।

1 तीमुथियुस 4:1

परह् पबित्र-आत्त्मा ऐ साफ-साफ बुलो, के आँणो वाल़े बख्ते कैतोड़े लोग भरमाँणो वाल़ी आत्त्माओं के शिक्क्षाओं गाशी आप्णा मंन लाऐयों बिश्वाष शे भट्की ज़ादे।

2 तीमुथियुस 3:13

परह् दुष्ट अरह् बकाँणों वाल़े, धुखा देंदे अरह् धुखा खाँदे बिगड़ी ज़ाँदे।

2 पतरस 2:1

जैष्णें तिनू लोगो मुझी झूठे ऋषी थिऐ, तैष्णें ही तुँओं मुँझी भे झूठे प्रचारक हले, जू नाँष कर्णो वाल़े पारखंन्ड का उदघाटण चुप्पी चुरियों कर्ले, अरह् तेसी स्वामी का जिन्ऐं तिनू मोल लऐयों खर्दी थुऐ, तिनू शे से अ-जाँण्दें बंण्दे, अरह् शिघो से आपु आप्णों छ़तियानाँष कर्दे।

1 यूहन्ना 2:18

प्रभू दे पय्दा हुऐ नुऐं प्यारे नहाँन्ड़िया, ऐजा आखरी बख्त असो; अरह् जैष्णों तुँऐं शुणी थो, के मसीया का बिरोधी पर्गट हंणो वाल़ा असो; तिन्दे के मुताबिक ऐजो जाँणी पाव के ऐबे आखरी बख्त असो।

1 यूहन्ना 2:7

हे प्यारों, हाँव तुँओं खे किऐ नंऐं अज्ञाँ ने लिख्दा, परह् सेजी ही पुराँणी अज्ञाँ जू शुरू शी तुँओं भेटी रऐ; ऐजी पुराँणी अज्ञाँ सेजा बचन असो, जेसी तुँऐ शुणी थुवा।

2 यूहन्ना 1:7

संईसारी दे कऐयों दुरताँणों-भड़काँणों वाल़े चाल पड़े, जू ऐजो माँन्दा ने के प्रभू यीशू मसीया देह्-धारण करियों आमों मुझी आऐ; अरह् ऐष्णा आदमी दुष्ट हों, जू ओकी सच्चाई की बाटो शे भरमाँऐयों भटकाऐ दियों, सेजा मसीया का बिरूधी बऐरी असो।

3 यूहन्ना 1:11

हे प्यारों, बुराई के ने, परह् भलाई के साथी बणों। किन्देंखे के भला कर्णो वाल़े का पंण्मिश्वर असो; परह् जुण्जा बुराई कर्णो वाल़ा असो, तेने पंण्मिश्वर ने दे:खी थई।

प्रकाशितवाक्य 2:2

“हाँव तेरे काँम-काज़, अरह् तेरी मेंह्नत, अरह् तेरे धीरज जाँणू ऐ; अरह् ऐजो भे के तू बूरे लोग संह्ऐन ने करी सक्दा, अरह् जुण्जे आपु-आप्खे प्रभू यीशू के खास-चैला बुलो, सेजे प्रभू यीशू के खास-चैले ने आथी, तिनू तुँऐं जाँचि-पर्खियों देखे के से झुठे लोग असो।