1 यूहन्ना 3:9 - Sirmouri

⁹ पंण्मिश्वर शा पय्दा हुवा अंदा, पाप ने करदा रंह्दा, किन्देंखे के से पंण्मिश्वर का अंष अरह् तिनकी अलाद हों; तअ तिन्दी पाप कर्णो की तअ किऐं गुजाऐश ही ने हंदी।

सिरमौरी नौवाँ नियम

⁹ जू कुणिए आदमी पौरमेशवर कै संतान औसौ सै लगातार पाप ना कौरौ; जिथुकै पौरमेशवर का स्‍वभाव तैसदा बौणेयौंदा रौंव औरौ सै पाप कौरे ही ना सौकौ जिथुकै सै पौरमेशवर कै संतान औसौ।

1 यूहन्ना 3:9 ပူးပေါင်းရင်းမြစ်များ

मत्ती 7:18

ऐष्णों हऐ ने सक्दो, के आछी डाल़ी दा बुरा फल़ लागो; तेष्णा ही बुरी डाल़ी दा आछ़ा फल़ ने लागदा।

यूहन्ना 1:13

से ना तअ लह्ऊँ शा, ना देह्-शरीर की हिछ़्या शा; अरह् ना कोसी आदमी की हिछ़्या शा, परह् से पंण्मिश्वर शा पय्दा हुवा।

यूहन्ना 3:3

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँणिंऐ पंण्मिश्वर की तरफ़ शा जन्म ने लों; ताँव तोड़ी से पंण्मिश्वर को राज्य ने देखी सक्दा।”

प्रेरितो कै काम 4:20

किन्देंखे के आँमें जुण्जो देखी, अरह् शुँणीं थो; ईन्देका कियों आँमें बखाँण करह् ने, ऐष्णों ने हंदी।”

रोमियों 6:2

बिल्कुल् ने! जबे आँमें पाप के बंन्धण शे छ़ुटी गुऐं, तअ तबे आँमें पाप दा जीवन किया-किया बिताऊँबे?

गलातियौं 5:17

किन्देंखे के देह्-शरीर की बुरी हिछा पबित्र-आत्त्मा का बिरोध करह्; अरह् पबित्र-आत्त्मा देह्-शरीर की बुरी हिछा का बिरोध करह्; अरह् ऐ ओका ओकी के बिरोधी असो, ईन्देंखे के तुँऐं जुण्जो कर्णो चहाँव, सेजो करीने सक्दें।

तीतुस 1:2

तेसी अमर हणों के भुर्षे गाशी, जिन्देका बाय्दा पंण्मिश्वर ऐ, करा जू झूठो ने बुली सक्दा, तेने ज़ूगौ-ज़ूगौ शा करी थुवा।

1 पतरस 1:23

किन्देंखे के तुँऐं नाँष बाँन ने, परह् नाँष ने हंणों वाल़े बीज़ो शे, पंणमिश्वर के जीऊँदे अरह् सदा अट्ल़ बचन के जाँणें नुवाँ जीवन पाँऐ थुवा।

1 यूहन्ना 2:29

जे तुँऐं ऐजो जाँणों ऐ के तुँऐं प्रभू दे धरमाँत्त्मा असो, तअ ऐजो भे जाँणीं पाव, के ऐक नाँम धरमाँत्त्मा आदमी भे तिन शे ही पय्दा हऐयों तिनकी ही अलाद असो।

1 यूहन्ना 3:6

जुण्जा कुँऐं मसीया दा बंणा अंदा रंह्, से पाप ने करदा: अरह् जुण्जा कुँऐं पाप करदा रंह्, तेने ना तअ कोद्दी तिनू दे:खी थई, अरह् ना से तिनू जाँण्दा।

1 यूहन्ना 4:7

हे प्यारों, आँमें आपु मुँझी पियार थंह्; किन्देंखे के पियार पंण्मिश्वर शो भेटो। अरह् जू कुँऐं पियार करह्, से पंण्मिश्वर की अलाद असो, अरह् से पंण्मिश्वर जाँणों ऐ।

1 यूहन्ना 5:1

जैस्का ऐजा बिश्वाष असो, के प्रभू यीशू ही मसीया असो, तअ सेजा पंण्मिश्वर की अलाद असो; अरह् जुण्जा कुँऐं आप्णें परमं-पिता पंण्मिश्वर शो पियार करह्, तअ से तैस्की अलादी आरी भे पियार करह्।

1 यूहन्ना 5:18

आँमें जाँणों ऐ, के जू कुँऐं पंण्मिश्वर शा पय्दा हऐ रूवा, से पाप ने करदा रंह्दा; परह् पंण्मिश्वर का बैटा तैसी बंचाऐयों थंह्, अरह् सेजा शैतान तेसी छूई भे ने सक्दा।

1 यूहन्ना 5:4

जुण्जा पंण्मिश्वर शा पय्दा हऐ रूवा, से संईसारी गाशी जीत्त पाँव; ऐजी जीत्त जुण्जी संईसारी गेशी जीत्ती रंऐ, से ऐजी असो: मतल्व अमाँरा बिश्वाष ही जीत्त असो।

3 यूहन्ना 1:11

हे प्यारों, बुराई के ने, परह् भलाई के साथी बणों। किन्देंखे के भला कर्णो वाल़े का पंण्मिश्वर असो; परह् जुण्जा बुराई कर्णो वाल़ा असो, तेने पंण्मिश्वर ने दे:खी थई।