1 यूहन्ना 3:5 - Sirmouri

⁵ तुँऐं तअ जाँणोंऐं, के मसीया ईन्देंखे पर्गट हुऐं, जू पाप खत्त्म करह्, अरह् तिनके सभाव दा किऐ भे पाप ने थी।

सिरमौरी नौवाँ नियम

⁵ तुऐं जाणौए कै यीशु मसीह इथकारिए ओऊवा कै पापौ कै मिटाए दैंव, औरौ तैसीदा कुणजाई पाप ना आथी।

1 यूहन्ना 3:5 ပူးပေါင်းရင်းမြစ်များ

मत्ती 1:21

तियाँरे बैटा हंदा, अरह् तू तेस्को नाँव यीशू थुऐ, किन्देंखे के से आप्णें लोगो खे तिनके पापो शी छुट्कारा दियादा।”

लूका 23:41

किन्देंखे के आँमों तअ नीयाँव के हिसाब शी सजा भट्दी लागी, किन्देंखे के आँमों तअ अमाँरी कंर्णी का फ़ल़ भेट्दा लागा; परह् ईन्ऐं तअ किऐ भे अपराध ने कंरी थंई।”

लूका 23:47

अरह् सुबेदार ऐ ऐजी बादी घट्णा देखियों पंण्मिश्वर की बड़ियाऐ करी, अरह् ऐजो बुलो; के “जरूर ही ऐजा आदमी कुँऐं धर्मी थिया।”

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

यूहन्ना 1:31

हाँव भे ऐसी पंह्छ़्याँणू ने थिया, ईन्देंखे हाँव पाँणीं लई नहाँण-कराँदे आया; के ऐ इस्राएल गाशी पर्गट हऐ ज़ाँव।”

यूहन्ना 14:30

“ऐबे हाँव तुओं कैई ईन्दें शो जादा किऐ ने बुल्दी, किन्देंखे के ईयों संईसारी का हाकम आँदा लागा; परह् से मेरो किऐ ने करी सक्दा।

यूहन्ना 8:46

तुँओं मुझ्षा ऐष्णाँ कुँण असो, जुण्जा मुँह पापी साबित्त करी सको? तअ जबे हाँव साच्चों बुलू, तअ तुँऐ मेरा बिश्वाष कैई ने कर्दे?

2 कुरिन्थियों 5:21

जू पाप शा अजाँण्दा थिया, तेसी ही तेने अमाँरी ताँईऐं पापी बंणाँऐया, के आँमें तिन के जाँणें धार्मिक्त्ता बंणी ज़ाँव।

1 तीमुथियुस 1:15

ऐजी बात साच्ची, अरह् माँन्णों ज़ूगी असो, के मसीया यीशू पापियों का मुँक्त्ति देंदे दुनियाँ दे आऐ, जिनू पापी मुझी हाँव सोभी शा बड़ा असो।

1 तीमुथियुस 3:16

ईदा किऐ षक-शुभा ने आथी, के भगत्ति का भेद् गऐरा असो: मंतल्व से जू देह्-शरीर दे पर्गट हुऐ, अरह् पबित्र-आत्त्मा दे धर्मी बंणें; अरह् से स्वर्गदूत्तो कैई शे ऊडे देखाई पडे, अरह् गंऐर यहूदियों मुँझ़ी तिनका प्रचार हुआ; अरह् संईसारी दा तिनू गाशी बिश्वाष करा गुवा, अरह् बड़ियाऐ आरी तिनू स्वर्गो दे ऊबै टीपै गुऐ।

तीतुस 2:14

जिन्ऐं आपु-आप्खे अमाँरी ताँईऐं देऐ दिता, के आँमें हर प्रकार के पाप-अ-धर्म शे छुढ़ोऐ दियों, अरह् शुद्ध करियों आप्खे ऐक ऐशे लोग बाँणों, जू भले-भले काँम-काज़ खे तैयार रंह्।

इब्रानियों 1:3

सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

इब्रानियों 4:15

किन्देंखे के अमाँरा ऐष्णा महाँ-याजक ने आथी, जू अमाँरी कंमजूरी दा अमाँरी गईलो सुखो-दुखो का साथी ने बंणों; मतल्व से बादी बातो दा आँमों जेष्णाँ परखा-अजमाँया गुआ, तबे भे से बै-कसूर नींक्ल़ा।

इब्रानियों 7:26

तअ: ऐष्णाँ ही महाँ-याजक आँमों ज़ूगा थिया, जू पबित्र, नीर-दोष, नीष-कंल़्क, अरह् पापियों शे ज़ोई, अरह् स्वर्गो शे भे ऊगले करे गुऐ हों।

इब्रानियों 9:26

ना तअ संईसारी के उत्पत्ति शा ऊबा तिनू बार-बार दु:ख भुगणा पड़दा; परह् ऐबे ज़ूगौ के आखरी दे से ऐकी ही बई पर्गट हुऐ, जू आप्णें ही बल़ीदाँण के जाँणें अमाँरे पाप दुर करी दियों।

इब्रानियों 9:28

तेष्णा ही मसीया भे भहीते के पापो थागणों खे ऐकी बई बल़ीदाँण हुऐ, अरह् जुण्जे लोग तिनकी बाट-बाट जुहों, तिनके पाप के छ़ुट्कारे खे, हजो से दुज़ाल़िऐ बिना पाप के थागी देखाई पड़्दे।

1 पतरस 1:18

किन्देंखे के तुँऐं जाँणों ऐ के तुवाँरा निकारा चाल-चल़्ण जू तुवाँरे बुड़ाईको शा ऊँबा असो, तिन्दे लई तुवाँरा मुँक्त्ति सुन्नें, चाँदी अरह् नाँष बाँन चीजो के जाँणें ने हऐ रंई;

1 पतरस 1:20

ईयों संईसारी की सृष्टी शा आगे ही तिनू चूणी-छाँटी थुऐ थिऐ, परह् तुँओं लोगो की ताँईऐं तिनू ईनू आखरी के देसो दे पर्गट करे गुऐ।

1 पतरस 2:22

ना तअ तिन्ऐ पाप करा, अरह् ना तिनकी मुँह ज़ात्ती शी छल़-कप्ट, की बातो नीकल़ी।

1 पतरस 2:24

से आपु ही अमाँरे पाप आप्णे देह्-शरीर दे निईयों शुँल़ी-फ़ाँशी हुटे, जिन्दे लई आँमें पापो खे मरियों धार्मिक्त्ता खे जीवन बिताँव: तिन्ही की ही मार खाँणों शे आँमें चाँगे हुऐ।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।

1 यूहन्ना 1:2

जबे सेजा जीवन पर्गट हुआ, अरह् आँमें तेसी दे:खा, अरह् तिन्दे की गुवाऐ-शाज़्त दियों, अरह् तुँओं खे सेजा सदा-सदा का अमर-जीवन की खुषख्बरी दियों, जू सर्गो के परमं-पिता पंण्मिश्वर की गईलो थिया, अरह् जुण्जा आँमों गाशी पर्गट करा गुवा।

1 यूहन्ना 1:7

परह् जे जैष्णें से प्रकाषो दे असो, तैष्णें ही आँमें भे प्रकाषो दे चालो, तअ ओका ओकी का साजी बंणों, अरह् पंण्मिश्वर के बैटे प्रभू यीशू को लह्ऊँ आँमों सोभी पापो शे शुद्ध करह्।

1 यूहन्ना 2:1

मेरे प्यारे नहाँन्ड़िया, हाँव ऐजी बातो तुँओं खे ईन्देंखे लिखू, के तुँऐं पाप ने करह्; अरह् जे कुँऐं किऐ पाप करह्, तअ स्वर्गो के परमं-पिता पंण्मिश्वर के साम्णें अमाँरे पापो शा बचाव कर्णो वाल़ा ऐक असो; अरह् सेजा असो धर्मी प्रभू यीशू मसीया।

1 यूहन्ना 2:2

अरह् से ही अमाँरे पापो खे ऐक बल़ीदाँण असो, सिर्फ आँमों खे ही ने; परह् बादी संईसारी के पापो खे।

1 यूहन्ना 2:29

जे तुँऐं ऐजो जाँणों ऐ के तुँऐं प्रभू दे धरमाँत्त्मा असो, तअ ऐजो भे जाँणीं पाव, के ऐक नाँम धरमाँत्त्मा आदमी भे तिन शे ही पय्दा हऐयों तिनकी ही अलाद असो।

1 यूहन्ना 3:8

पाप कर्णो वाल़ा आदमी शैतान का असो, किन्देंखे के शैतान शुरू शा ही ऊबा पाप करदा रंह्; परह् पंण्मिश्वर का बैटा ईन्देंखे पर्गट हुवा, के शैतान की बादी काँम-काज़ का नाष करी दियों।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।