1 यूहन्ना 3:3 - Sirmouri

³ अरह् जू कुँऐं तिनू गाशी ऐजा भूर्षा थंह्, से आपु-आप्खे तैष्णा ही पबित्र थंह् जैष्णें से पबित्र असो।

सिरमौरी नौवाँ नियम

³ औरौ जू कुणिए मसीह पांदी आशा राखौ, सै आपणै आपी खै तैशैखैई पवित्र कौरौ जैशैखै सै पवित्र औसौ।

1 यूहन्ना 3:3 ပူးပေါင်းရင်းမြစ်များ

मत्ती 5:48

ईन्देंखे ऐशो चेंई के जेष्णाँ तुवाँरा स्वर्गो का पिता साच्चा-पाक्का असो, तेष्णें ही तुँऐं भे साच्चै-पाक्कै बंणों।

लूका 6:36

“दयाबाँन बंणों, जैष्णाँ तुवाँरा स्वर्गों का बाबा भे दयाबाँन असो; ओकी गाशी दोष-ईल़्जाँम ने लाऐ।

यूहन्ना 17:19

ईनकी ताँईऐं हाँव आपु आप्णा बंल़ी-दाँण करी देऊँ; के ऐ भे संच्चाई की ताँईऐ आप्णाँ बंल़ी-दाँण करी दियों।

प्रेरितो कै काम 15:9

अरह् बिश्वाष के जाँणें तिनका मंन भे शुद्ध करियों, आँमों मुँझी अरह् तिनू मुँझी किऐ भेद्-भाव ने थंऐ थंई।

रोमियों 15:12

अरह् तबे ऋषी-यशायाह बुलो, के “यिशै के बंषज़ पर्गट हंदा, अरह् से गऐर यहूदियों गाशी राज करदा, अरह् गऐर यहूदी लोग तेसी गाशी आप्णा भूर्षा थंदें।”

2 कुरिन्थियों 7:1

तअ: हे प्यारे, जबे के आँमों ऐजा बाय्दा भेटी रूवा, तअ आओ, आँमें आपु-आप्णी देह्-शरीर आत्त्मा की बादी गंन्दगी शे शुद्ध करह्, अरह् पंण्मिश्वर का डर थईयों पबित्रता साच्ची बाँणों।

कुलुस्सियों 1:5

तुवाँरा बिश्वाष अरह् प्यार तियों भुर्षें गाशी असो, जू स्वर्गो दो तुँओं खे असो, अरह् जिन्दे के बारे दो तुँऐं साच्ची खुषख्बरी के प्रचारो दो शुँणी थो;

2 थिस्सलुनीकियों 2:16

अमाँरा प्रभू यीशू मसीया आपु ही, अरह् अमाँरा परंम-पिता पंण्मिश्वर, जिन्ऐं आँम शो प्यार करह्, अरह् कृपा शे सदा की शाँण्त्ति अरह् पबित्र भोर्षा देऐ थुवा।

तीतुस 3:7

जिन्दे लई आँमें तिनकी कृपा शे पंण्मिश्वर की नंजरी दे बै-कसूर बंणियों, अमर हणों के जीवन के हंकदार बंणों।

इब्रानियों 12:14

सोभी आरी शाँण्त्ति शे रंहणों अरह् पबित्रत्ता के खोजी बंणों, किन्देंखे के ईन्देंके बिना कुँऐ भे आदमी प्रभू का दर्शण ने करी सक्दा।

इब्रानियों 6:18

परह् दो अट्ल़ बातो, के कारण, जिन्देके बारे दे पंण्मिश्वर झूठे बाँण्णें कठीण असो, किन्देखे के आँमों खे तिन्ऐं शंरण देऐ थंऐ, अरह् सेजा ही भोरषा पाक्का हंणों खे आँमो दीड़-हिम्मत्त भेंटो; जुण्जी दोऊँड़ अमाँरे सहाँम्णें तिन्ऐ थंऐ।

इब्रानियों 7:26

तअ: ऐष्णाँ ही महाँ-याजक आँमों ज़ूगा थिया, जू पबित्र, नीर-दोष, नीष-कंल़्क, अरह् पापियों शे ज़ोई, अरह् स्वर्गो शे भे ऊगले करे गुऐ हों।

याकूब 4:8

पंणमिश्वर के नंजीक ज़ाव, तअ से भे तुवाँरे नंजीक आला। ओ पापियों! तुँऐं आप्णे हाथ शुद्ध करह्, तुँऐं जू दू-मंने असो; तुँऐं आप्णें मंन शुद्ध करह्।

1 पतरस 1:15

परह् जेष्णाँ तुवाँरा बईद्णों वाल़ा पबित्र असो, तेष्णें ही तुँऐं भे आप्णे बादे चाल-चल़्ण दे पबित्र बणों।

1 पतरस 1:3

अमाँरे प्रभू यीशू मसीया के पंणमिश्वर अरह् परंम-पिता पंणमिश्वर का धन्यबाद हुआ चेंई, जिन्ऐं प्रभू यीशू मसीया मरे अंदे मुझ्शे पाछु ऊबे जियाल़्णों के जाँणे, आप्णी बैशुमाँर बड़ी दया-कृपा शे आँमों खे पाछ़ू ऊबे जीऊँदे भूर्षे खे नुवाँ जन्म दिता,

2 पतरस 1:4

जिन्दे के जाँणें तिन्ऐ आँमों खे किम्त्ति बर्दांन देऐ थुऐ, जिनू देणों का तिन्ऐं बाय्दा करी थुवा थिया: जू तुँऐं तिनके जाँणें आपु खे पंण्मिश्वर के जैष्णें बंणी ज़ाँव, अरह् तेसी नाँष शे बंची ज़ाँव, जू लोगो की बुरी हिछ़ा के जाँणें ईयों संईसारी दे असो।

2 पतरस 3:14

ईन्देंखे, हे प्यारे साथियों, जबे के तुँऐं ईनू बातों का भूर्षा थह्, तअ कोशिष करह् के तुँऐं शाँण्त्ति शे तिनके साम्णें निरदोष-बै-कसूर भेटे चैई,

1 यूहन्ना 2:6

जू कुँऐं ऐजो बुलो, के हाँव पंण्मिश्वर दा पाक्का असो, तअ तेसी प्रभू यीशू जैष्णाँ जीवन जीऊँणा पड़ो।

1 यूहन्ना 4:17

तअ आँमें नियाँव के देसो दी नींडरता मतल्व दीड़-हिम्मत हों; के संईसारी दा अमाँरा सभाव मसीया के सभाव के जैष्णा हों, जिन्दें का नंतीजा अमाँरा आपसी पियार संम्पुरता दा पक्का अट्ल़ हऐ रूवा।